معايا 35 الف وعايز اشترى عربية

**وائل شويخ** · 10-05-2012 08:28 PM

تسلمون جميعا على الدود
وهى كده شكلها اكسنت
بس ادعولى الاقى حاجة نضيفة

**a7madSalem** · 10-05-2012 09:25 PM

هات تمبرا ..بس تكون حالة نضيفة والمبلغ ده مثالى جدا ..وقبل ماتاخد القرار وتسمع من الناس هنا وبرة خش على رابطة التمبرا على المنتدى واسأل اللى راكبينها .

**mohamed_e36** · 10-05-2012 10:37 PM

ان شاء الله ربنا يوفقك وتلاقي اللي انته عايزو ويكون خير ليك

**A7medelfe2y** · 11-05-2012 03:08 PM

معايا نفس المبلغ تقريبا ورسيت بعد لف كتير اني هزود الفين ولا حاجه واجيب اكسنت 1500 او نوبيرا 1 بإذن الله ودول انسب العربيات الي متاحه بعد ماتزود المبلغ سنتين بس وفي كمان لانوس وممكن فيكتراa بس الالماني حراق ف قطع غياره لان عندنا فيكتراb

**joeomo** · 19-05-2012 11:29 AM

نفس المبلغ و بدور علي سيينا 2001-2002-2003 ناس قعدت تقولي قطع الغيار بتاعتها مش موجوده وغاليه وبتاع لما نزلت اسئل عليها لقيت كل حااااااااااجه موجوده هي اه اغلي من الكوري طبعا بس مش نار يعني و اكتر من ميكانيكي شكري فيها بس دور علي 1400 مش 1600 مشاكل اقل قطع غيار ارخص حوض اوسع يعني اريح للميكانيكي وربنا يوفقك وابقي عرفنا بقي رسيت علي ايه

**tamer_a7** · 24-06-2012 03:31 AM

المشاركة الأصلية كتبت بواسطة joeomo

نفس المبلغ و بدور علي سيينا 2001-2002-2003 ناس قعدت تقولي قطع الغيار بتاعتها مش موجوده وغاليه وبتاع لما نزلت اسئل عليها لقيت كل حااااااااااجه موجوده هي اه اغلي من الكوري طبعا بس مش نار يعني و اكتر من ميكانيكي شكري فيها بس دور علي 1400 مش 1600 مشاكل اقل قطع غيار ارخص حوض اوسع يعني اريح للميكانيكي وربنا يوفقك وابقي عرفنا بقي رسيت علي ايه

بلاش السينا والنبي اعز اصدقائي طلع عيني بندور علي الماستر الخلفي بتاع الفامل (السيينا فيها اتنين ماستر وروحنا التوكيل وما كنش موجود واضطرينا يجيبه مخصوصا)
لا مقارنه بين الاوربي والكوري
اه الالماني صاج وقاعده وثبات بس سخونيه وما فيش ميكانيكي يفهم فيه وقطع غيار وهميه دا غير ان تكييفه ضعيف
الكوري اه صاجه ضعيف فقير داخليا بس سحب افضل تكييف لا خلاف اساسا عليها ماتور كل الناس بتفهم فيه قطع غيار من الاخر عند البقال صراحه اختيار الاكسنت دا ما فيش اساسا تفكي بعده