الموضوع: معايا 35 الف وعايز اشترى عربية

بص يا باشا وركز معايا

اولا انت بتقول مش عاوز تصرف غير زيت وبنزين فمن الواضح ان كدة الميزانية مضيقة شوية وفى هذة الحالة شيل الالمانى من دماغك تماما لان العربية لو عطلت انا اضمنلك انك هتركنها لغايت ما تاخد مرتبك اول الشهر علشان تصلحها

ثانيا الهيونداى الاكسيل عربية جميلة جدا وسهلة البيع والشراء وسعر قطع الغيار ببلاش زى ال 128 بس فيها مشكلة ان لو التكييف مش شغال او باظ منك مفيش واحد فيكى يا مصر هيعرف يشغلة تانى ولو رحت التوكيل هيقولو ان العربية دية استثنائية ولو عاوز تصلحة تجييب اجزاء التكييف كاملة بحوالى تمن العربية 18 الف وعيب تانى صغير صاج العربية ووزنها خفيف تخوف فى الجرى

ثالثا الاسبرانزا
مش قولك اكتر من انى لو عرفت انك جبتها انا هجيلك البيت واضربك دى عربية زووووووفت
كفاية انى اقولك ان اغلبيت اجزاء الموتور معمولة من البلاستك زى لعب الاطفال وروح اتفرج عند اى محل قطع غيار هتشوف العجب

لية ليك نصيحة بلاش تجيب عربية لما تحب تصلحها لازم تروح حرافيين او توكيل او حد معين وخصوصا لو موديل قديم خليك فى حاجة تعرف تصلحها ورا البيت

بص بقة كام عربية كدة احب اقولك عليهم الاكسنت طبعا عربية معقولة وعلى اد الفلوس الى معاك
الكيا بريد العصفورة جميلة وموتور قوى جدا وقطع غيار سهلة بس للى بيحبو الهاتش باك
الدايو لانوس عربية كبيرة وجامدة بس شرط اخر موديل تجيبة فيها 2001

ملحوظة انا مصدر معلوماتى انى كان معايا العربيات دية كلها وقمت بصيانتها

وبالتوفيق يامعلم ومتستعجلش