الموضوع: ( Speed Service Center :: ( enghany

المشاركة الأصلية كتبت بواسطة easy2002

ﺷﻜﺮﺍ ﺟﺰﻳﻠﺎ ﻟﺮﺩ ﺣﻀﺮﺗﻚ ﻳﺎ ﺑﺎﺵ ﻣﻬﻨﺪﺱ ﻭﻫﻜﻠﻢ ﺣﻀﺮﺗﻚ ﻋﺸﺎﻥ ﻋﺎﻭﺯ ﺍﺳﺘﻔﺴﺮ ﻋﻦ ﺍﻟﻌﻨﻮﺍﻥ ﻭﻣﻌﻠﺶ ﻋﻨﺪﻱ ﺍﻟﻨﺘﺮﺍ ﺍﻟﺸﻜﻞ ﺍﻟﺠﺪﻳﺪﻭﻣﺸﻴﺖ 5000 ﻛﻴﻠﻮ ﻭﻛﻴﻞ ﻫﻞ ﻟﺎﺯﻡ ﺍﻭﺩﻳﻬﺎ ﺍﻟﺘﻮﻛﻴﻞ ﻋﺸﺎﻥ ﺍﻟﻀﻤﺎﻥ?

الاخ الفاضل
بص هو طبعا اهلا و سهلا بك باي وقت بس الافضل انك تحافظ علي الضمان صدقني الموضوع مش مساله شغل ليا بس حضرتك جايب العربيه وكيل مش خليجي والا ايه الفايده؟ و لو حضرتك حبيت تنورني دا شرف لينا

المشاركة الأصلية كتبت بواسطة ashraf_ibrahim

هاني باشا
منورنا والله يا باشا
كنت عاوز اسألك بخصوص ردياتير الفيرنا سعره كام وهل يفرق الالومنيوم عن النحاس والاصلي اساسا ايه والاحسن ايه!؟

الاصلي المونيوم يا اشرف و تجيب الاصللي hcc في حدود 450 جم

المشاركة الأصلية كتبت بواسطة ysamerlabib

أنا رحت امبارح عند المهندس / هاني وشهادة لله الراجل زوق جدا والصنايعية اللي عنده زي الفل ( وخصوصا ناجي) اللي اشتغل في عربيتي
اهم حاجة في مهندس / هاني انه صبووووووووووووووووووور جدددددددددددددددا جدددددددددددا يعني انا كنت رايح علشان اغير فتيس اوتماتيك وفضلنا من الساعة 1 تقريبا لغاية 10 تقريبا
واهم حاجة اكدتلي ان م / هاني فاهم انه كان بيخلي ناجي يطلع يجرب العربية وبعدين يطلع هوه شخصيا يجرب بنفسه تاني علشان يبقى راضي بالشغل تماما
وطبعا بشكرة على فنجان القهوه التاني ابو بن مخصوص وبلاش اتكلم على الفنجان الاولاني ( ابو زيت خروع )

اخر حاجه بس بعد اذن م / هاني انا عايز احط عنوان ال GPS للي عايز يوصل
30.132792,31.366632

والوصفة كالتالي:
وانت جاي من جسر السويس ورايح على الحرفيين حتلاقي حديقة بدر على ايدك الشمال اعمل U turn وخلي الحديقة على ايدك اليمين واول شارع بعد الجنينة ومع سور الجنينة ادخل يمين لغاية لما تلاقي قضيب قطار عديه وادخل يمين بعديه على طول بعد كده اول شمال في نص الشارع تلاقي المركز على الشمال

يا ريت تطمني علي الاخبالر يا كبير و علي فكره انا اكتشفت انك لو حطيت SEPEED RVICE علي ال GPS هيوصفلك العنوان
و اخيرا معلش علي القهوه

المشاركة الأصلية كتبت بواسطة ahmedhilmy

الحقيقه ان بغير زيت شل اصفر 5000 و في الصيف بغيره علي 3000 و الشتا علي 4000 طبعا مع احتماليه 500 يلو زياده علي المسافات دي اخر مره سمع صوت تكتكه عند بدايه تشغيل العربيه قللي ده بسبب ان طولت علي الزيت المره اللي فاتتو نصح ب الفلاش مع الغيار الجاي
بالنسبه لل rpm مش بيعدي واحد مع علو صوت العربيه او انخفاضه بس انا حاسس انه ده مكنش صوتها و انها كانت اهدا من كده و ان شاء الله اكشف علي قواعد الموتور
معلش يا بشمهندس هاني هو طبيعي لما حضرتك تفتح النور العالي بتاع العربيه صوتها و rpm يعلي ؟
برر شري و امتناني لرد حضرتك

زميلي المحترم
ما دام في تطويل علي الزيت دا يا ريت نعمل الفلاش و بعدين خلي بالك ممكن كمان يكون بيعلي صوت الموتور و يا ريت كمان تعمل تنظيف للبوابه و ان استمر ذلك فلك منس استشاره فري يا سيدي ههههه و تحت امر حضرتك

المشاركة الأصلية كتبت بواسطة mido6995575

عارف والله م انا هاجيلك قريب عشان العربية صوت الموتور مش عاجبني وهاغير طقم الدبرياج والدريكسيون تحت ايدي في حدفة في العربية مش عاجباني ومعلش انا اسف ان هاقول دة بس الكارتيرة لسة بتنقط زيت وراح لراجل تبعه لقي الجوان مربوط بسلك وفي مسمار مش مربوط اصلا في الكرتيرة
لكن في النهاية كفاية زوقك وانك اهتميت اصلا ودة انا مش مستغربة من واحد ذوق وانسان محترم في تعاملاتة زي حضرتك
وشكرا ليك واسف ع الاطالة

زميلي و صديقي العزيز
بص دي اول مره اشوف مشكله من عندي لكن بعد سوال الفني كان ذلك رده
1-انه اخبر سيادتك او اخو سيادتك ان الكاتيره اللي حضرتك جايبها مش اصلي كمان و الاهم ان الجوان بتاع الكاتيره اللي جاي معاها بيكون جوان فل ( زي الفيلر ) و الجوان اللي حضرتك جايبه زي العموله او الورق و حضرتك قولتله ركبه انا مش لاقي غير دول و الغلطه انه ركب و انا قلتله اشتغل فيها لحد ما انا اجي
2- بالنسبه للسلك اللي حضرتك بتقول عليه هي بتاخد سلكتين شعر او تلاته علشان تثبت عقبال ما السيلكون يلزق و هي الشاهين او الريجاتا او الفيات القديم دي طريقته كده و اعتقد ان الراجل مالقهاش ملفوفه كلها بالسلك اللي حضرتك وديتهاله وحضرتك هتلاقي الزيت جايب من الجوان لانه مش هو زي ما قلت لحضرتك و دي قطع الغيار اللي العميل جايبها
3-ليه حضرتك ماكلمتنيش او قلتلي و تاثر علي ثقه الناس بسبيد بعربيه كان الغرض فيها المساعده لاحد عملاء سبيد الكرام فدائما نحن مسئولون عن شغلنا كاملا ولا نتنكر لاي عمل بالسياره و الكمال لله وحده ؟؟؟؟؟؟؟

4-تم معاقبه الفني لانه ركب حاجه مش مضبوطه ولا بتاعه العربيه المفروض يراجعني او يقول لحضرتك استي المهندس و اسف علي الاطاله و ذلك للتوضيح و شكرا لحضرتك

المشاركة الأصلية كتبت بواسطة enghany

كريم فوزي ليه كده بس ههههههههه
يا باشا انت و كريم فوق دماغي
اولا كده كده حضرتك هتغي فلتر زيت الفتيس يعني الكارتيره هتتفك و نشوف المسكله منين و هي اصلا في الفابريكا بيكون سيلكون مش جوان بالنسبه لموضوع الجمالاكا ده لا تعليق هو شكل اللي قالك كده نجار ههه
بالنسبه للبنزين
نشوف التسريب جاي منين بس لو سمحت ماتجيش بالعربيه فول تانك و الله المستعان

بإذن الله هاجي لحضرتك بكرة السبت صباحا وان شاء الله تتحل مشكلتي