الموضوع: ( Speed Service Center :: ( enghany

المشاركة الأصلية كتبت بواسطة ahmedhilmy

بشمهندس هاني كنت عايز استفسر من حضرتك عن حاجه في عربيتي
انا معايا نيو اكسنت 2006 عداد 127000 مواعيد صيانتها منتظمه اخر مره من شهريت ممغير بوجيهات و زيت الميكانيكي قللي المره الجايه عايزين نعمل فلاش قبل منغير الزيت لانه مش حلو و حاول المرة دي مطولش عليه و غيره بدري دلوقتي بقالي اسبوع ادور العربيه الالقي صوتها عاالي 3 دقايق و ترجع لطبيعتها هاديه اوي اشغل التكييف و اروح مشوار الاقي صوت العربيه برده عالي بزياده ده بالاضافه ان المموتور بقي فيه رجه خفيفه زي رعشه مش عارف من ايه راي حضرتك ايه

باك بعد اجازه العيد و كل سنه و حضراتكم جميعا بخير عليكم و الاسر الكريمه
المهم النهارده التنين اول يوم شغل بعد اجازه العيد اللي الواحد كان محتاجها بجد و حاولت بجد من غلق الموبايل بس رديت في الاخر و كل من لم ارد علشان كنت في البحر هههههههههه
المهم
اولا يا صديقي المحترم
لا ننصح بالفلاش كثيرا لكن يتم وضعه اذا كان الزيت اللي في الموتور عمره قديم او اتحرق اكتر من عمره
بالنسبه للصوت العالي هو ال r pp m بيكون علي كام و صوتها لما يهدا بيكون علي كام
لو الرعشه دي في السلانسيه اكشف علي القواعد

المشاركة الأصلية كتبت بواسطة ysamerlabib

مهندس هاني كل سنه وانت طيب بمناسبة عيد السيدة العزراء
انا كنت كلمتك امبارح علشان فتيس الاكسنت ال 2002 والفتيس الاوتماتيك وان شاء الله اجي ليك يوم الاثنين
وياريت لو في عنوان gps او وصفه علشان اعرف اوصل
وشكرا

اهلا وسهلا بسعادتك
ان شاء الله منتظر سعادتك بس انت كلمني عالموبايل و انا اوصفلك اجدع من اي GPS ههههه

المشاركة الأصلية كتبت بواسطة eng.mina

شكرا لرد حضرتك يا باشمهندس هاني
زيت الشل اللي حضرتك قلت عليه ده زيت فتيس اوتوماتيك ولا زيت مخصوص للباور وبالنسبة للموبيل انا شفت في زيوت الفتيس الاوتوماتيك atf320 وده الكواليتي ليفل بتاعه dexron iii وال atf 220 وده الكواليتي ليفل بتاعه dexron ii ياتري ايه الانسب فيهم ؟؟؟؟ اسف علي الاطالة يا باشمهندس هاني بس اللي انا فهمته من سؤال كذا شخص ان مفيش زيت باور في مصر وكله بيستخدم زيت فتيس اوتوماتيك

عميلي الفاضل
بص هو في مصر مفيش زيت باور ستيرنج محدد لكن خليني اسالك انت ىعايز تغيره ليه ؟؟
وانا صدقني مش بحفط اكوادهم دايما بتلخبط بس هي مش عايزه زيت للباور ستيرنج خاصئصه عاليه لو كده ممكن مع الفتيس الاوتو اللي هو زي ماقلت لك بحوالي 48 جم

المشاركة الأصلية كتبت بواسطة easy2002

السلام عليكم ازي حضرتك ا باش مهندس هاني
أنا عندي عربية فيرنا عاوز أغيرلها الشكمان كامل لإن صوته بقى وحش جدا العربية 2007 ماشية 100 الف كيلو تقريبا يا ريت أقدر أعرف سعره كامل وصيانة ال 100 الف تكلف كام
وشكرا جزيلا لحضرتك

الزميل الفاضل
الشكمان كله عايز يتغير ؟؟؟؟
كتير كده اوي بص هي الفيرنا مشهوره بعابتين الاماميه الي هي السوسته و دي ب تقريبا 280
و العلبه الخلفيه و هي بنفس التمن تقريبا بس ياريت نبص عليها الاول و خلي بالك العلب دي ابو اليزيد الاصلي
بالنسبه لصيانه ال100000
فيها فلتر بنزين ----50 جم
فلتر هواء ---35
بوجيهات ---50 قطع غيار اصلي توكيل و المصنعيات بعد خصم نايل مو تورز 50 جم

المشاركة الأصلية كتبت بواسطة ahmad--ezzat

سلام عليكم
ازيك يا بشمهندس هانى

انا مهندس احمد اللى كلمتك بخصوص النوبيرا....كان في زيت بينقط عندى وقلتلك عليه بس الحمد لله وقف بعد غسيل العربيه من تحت

بس عندى مشكله وهى ان الرفرف الامامى يمين مسافته بين الكاوتش ازيد 4 مم بالظبط عن الرفرف الشمال...مش عارف دى مشكله بطاحات ولا ايه وبعدين العجله اليمين بتحود اكتر من الشمال شويه
فعايز حد متخصص شويه يبص على العربيه من تحت
عموما
انا عامل بالعربيه 66 اللف وان شاء الله وعملت فى ال55 الاتى

1-غيرت زيت موبيل 10 الاف وغيرت البوجهات وسلوك البوجهات
2- غيرت جميع الفلاتر بنزين زيت هوا
3-عيرن سير كاتينه وبليتين
4-طنابير امامى عشان كان عندى رجه مع الفرامل وراحت وطبعا تيل امامى وخلفى
5-ولسا من فتره مغير ال 4 مساعدين kyb لانها افضل من العاديه بمراحل
يعنى تقريبا صيانه كامله
و
عملت صياته ال 65
وغيرت زيت شل 5 الاف وسلوك لوجهات وجوات وش التاكيهات فقط

مش عارف بقى الصيانه الجايه هتبقى على كام

هل اجيلك على ال 70 اللف ؟؟؟؟؟

شكرا وكل سنه وانت طيب

احمد بك
اذي حضرتك
بص الحمد لله ان التسريب و قف
بس نطمن اكتر عليه
بالنسبه للصيانه مش هتكون اكتر من صيانه دوريه علي العفشه و الفراما و السربنتيته و السوائل + كشف الجهاز و اهلا وسهلا بحضرتك باي و قت

المشاركة الأصلية كتبت بواسطة lamborghini911

لو سمحت يا بشمهندس هانى انا كنت عايز اغير البوجيهات لعربيتى الانترا 2011 الشكل القديموقالولى اجيب ال ngk بس مش عارف اجيب اى نوع لأنى لقيت كذا نوع واسعار مختلفه
ياريت تقولى على النوع المناسب واسمه ايه بالظبط
وكمان بخصوص زيت الفتيس الوتوماتك ناس كتير شكرتلى فى الموبيل atf320 ايه رأيك فيه مقارنة بالشيل والزيوت التانيه
اسف ع الاطاله وشكرا

الوميل الفاضل
بص بالنسبه لبوجيهات بيكونوا NGK\شمعه طويله ب 134 جم و بيكونول في علبه زرقاء في ابيض لي حاجه تانيه لا
الزيت بتاع ال الجير انا بفضل الموبيل اللي هو dexron iii و هو االي انت بتقول عليه احسن من الشل

المشاركة الأصلية كتبت بواسطة ramy_fiat_2000

ياباشا توظ فى العربيه اجيلك منغير حاجه ما انت عارف كفايا زوقك واخلاقك الكريمه بس والله اللى منعنى ظروف الشغل اللى ملوش مواعيد

المشاركة الأصلية كتبت بواسطة roland_yamaha

بشمهندس هاني كل سنة وانت طيب انا م/هاني عبدالمقصود من حلوان وعاوز أجيلك يوم السبت القادم ان شاء الله انا و م/كريم فوزي‏(الانترا‏)‏ لانه شكرلي في حضرتك وفي المركز أوي.
انا معايا إلانترا 2009 أوتو عاملة 86000 كم وعندي مشكلتين مش مريحني نفسيا
اولا: زيت الفتيس الاوتو بينقط خفيف من تحت وكل ما أربط مسامير الكارتيرة بعد كام يوم بتهوي شوية لوحدها فبتعمل ترشيح للزيت فمطلوب أغير جوان الكارتيرة الاصلي لأني مش لاقيه واعمله بسليكون طبعا‏(في واحد قالي ممكن بجمالكة بس معرفش صح ولا غلط‏)‏ ده هيتكلف كام
ثانيا: مشكلة في تانك البنزين كل اما افولها تفضل تنقط بنزين ع الارض لحد ماترميلها بتاع 4-5 لتر ع الارض روحت لواحد ميكانيكي شال الكرسي الخلفي وبص ع الطرمبة مفهاش حاجة راح فك الجوان بتاعها وبرضو مفهاش حاجة قالي التانك لازم يتحل عشان شكله مخروم من فوق وعندي استهلاك بنزين فظيع معرفش من الحكاية دي ولا ايه. فعاوزك تبصلي علي التانك ونشوف فيه ايه
وكمان هغير بوجيهات وبلية شداد الدينامو عشان خشنة
فشوف حضرتك اجيلك السبت الساعة كام

كريم فوزي ليه كده بس ههههههههه
يا باشا انت و كريم فوق دماغي
اولا كده كده حضرتك هتغي فلتر زيت الفتيس يعني الكارتيره هتتفك و نشوف المسكله منين و هي اصلا في الفابريكا بيكون سيلكون مش جوان بالنسبه لموضوع الجمالاكا ده لا تعليق هو شكل اللي قالك كده نجار ههه
بالنسبه للبنزين
نشوف التسريب جاي منين بس لو سمحت ماتجيش بالعربيه فول تانك و الله المستعان