الموضوع: كنت حعمل حادثه بس الحمد لله . والسر مكتوب جوا

بسم الله الرحمن الرحيم

السلام عليكم ورحمة الله وبركاتة


عايز احكى قصه كده امبارح كنت مروح وفى دخلت المحور وانا رايح اكتوبر

واحد ربنا يهديه فرمل مره واحده والى وراه لحق نفسه

وانا كنت حلبس فى الراجل الى ورا الراجل الاولانى

بس الحمد لله فرملت فرمله عمرى ما عملتها قبل كده جامده جدا وعملت صوت عالى

الى غاظنى انا الراجل مشى ولا قال لى حتى انا اسف مع انى والله كنت على بعد سنتى مترات من الاكصدام بتاعه الى ورا وكان ممكن يدفع جامد ولو اتكلم معايا كنت حهزقه

بس مش دا المهم فى القصه اصلا

المهم انى انا اساسا مشفتش العربية وهى بتفرمل ومش عارف ااساسا انا فرملت ازى لانى ولا قصدت افرمل ولا شفت الموقف غير بعد ما حصل وانا لازق فيه

حد يقولى هى فزورة يعنى

اقوله لا .
السر انى كنت لحظتها بقول اذكار المساء . واقسم بالله ما شفت اى حاجه انا محستش غير برجلى بدوس على الفرامل وفديت الراجل زى ما يكون رجلى داست لوحدها كده

فبالله عليكم يا اخونا الاذكار ثم الاذكار فعلا بتحفظكم جدا انا كنت ماشى على سرعة 60 تقريبا يعنى لو كنت لبست فيه كان حيبقى موال

الحمد لله . بس يا جماعة الكلام دا صحيح لو العربية ماشية على الهادى

اما لو الطريق سريع مظنش يعنى هو يقف على مزاجه وانا البس فيه من ورا لان دا طريق سريع ويقولى انا الى غلطان علشان مش عامل مسافه مهو طريق سريع