تقرير عن السيارة القشقاي اوتوماتيك 2012 مدعم بالصور

**محمد بدر** · 16-02-2013 04:16 PM

المشاركة الأصلية كتبت بواسطة ahmed khafagy

خلاص .. بما اننا في عصر المظاهرات .. نعمل دعوة لجميع اعضاء المنتدى عاما وحاجزي القشقاي خاصة .. بتفعيل هذا الطلب .. ههههههههههه

شكرا على ردك .. وشكلي كده هافرحك عن قريب .. لما الغي حجز القشقاي .. هههههههههههههه

يا صديقى والله كل ما أتمناه ان كل واحد يركب العربية إللى بيحبها
وطبعا أزعل جدا على اربعة أشهر ونصف مروا
وبعدين القشقاى مش هتخسر فى السعر يعنى ممكن نستلم وبعد كده نبيع وبعدين نحجز تانى ونستلم ومنبعش
هههههههههههههه
ربنا يوفقك

**mohammedgido** · 16-02-2013 10:49 PM

المشاركة الأصلية كتبت بواسطة mohee

ثانيا : يوجد على الزجاج الامامى شيئ يشبه العدسه وراء المرايا الداخليه

ملاحظه : انا معايا قشقاى 2013 اتوماتيك اسود و لسه مستلمها من عشره ايام فقط

اولا الف مبروك علي العربية وربنا يرزقنا يارب :))

ثانيا انا مش من ملاك العربية وبإذن الله أكون من ملاكها بس هرد عليك في النقطة رقم 2 من خلال متابعاتي لكلام الاخوة هنا
العدسة دي حساس مطر بيشتغل لما المطرة تنزل بيشتغل المساحات تلقائي لما يكون وضع الدراع للمساحات علي ( أوتو )

ياربأكون صح :)))

**م. حاتم السباعي** · 17-02-2013 12:01 AM

المشاركة الأصلية كتبت بواسطة محمد بدر

يا سيدى الفاضل
أضحك زى ما حضرتك عايز أحنا هنا علشان نخفف على بعض ونساعد بعض انا النهاردة عندك حضرتك بكره عندى
وفعلا المنتدى بسم الله ماشاء الله به رجال كثيرين ومعرفة الرجال كنوز
وبعدين انت حضرتك اتيت على الجرح - بتقول مهندس / حاتم ........ مهندس / حاتم مين
ههههههه
والله هذا الرجل من الكنوز إللى الواحد طلع بيها من المنتدى
حضرتك تثنى عليه بكلامك الجميل وأعتقد لم تقابله ياريت تقابله والله الدنيا بخير ومصر بخير ان شاء الله
وأشكرك جدا على مجاملتك الرقيقة لى وان شاء الله نتقابل فى القريب العاجل عل خير
واحب أفكرك تانى
انتظر الشهر ونصف - هانت
والعروسة واثقة من نفسها مفيش مشكلة تتقل شوية

يا رب يعزك يا استاذ محمد
انا و الله كسبت اخ و صديق جديد و ربنا يديم علينا المحبة

بس سيبك انت القشقاي هيا البريمو هههههههههههههه

**م. حاتم السباعي** · 17-02-2013 12:54 AM

المشاركة الأصلية كتبت بواسطة mohee

الف مبروك على حضرتك العربيه و ربنا يديك خيرها و يكفيك شرها ان شاء الله

بارك الله في حضرتك
و الف مبروك لحضرتك و نورتنا بأنضمامك لنا

ممكن اطلب من حضرتك بعض المعلومات

احنا هنا في خدمة حضرتك دائما

اولا : ازاى اقدر اشغل رشاشات مياه الفوانيس

حضرتك هي بتعمل في حالة واحدة و هي اثناء اضائة النور العالي فقط بعد الضغط علي ذراع المساحات

ثانيا : يوجد على الزجاج الامامى شيئ يشبه العدسه وراء المرايا الداخليه

هذا هو حساس المطر
و يعمل حين يكون هناك مطر لو وضع ذراع المساحات علي الوضع auto كما اخبرك الاخ الاستاذ محمد

ثالثا : هناك الكثير من الخصائص فى التبلوه يظهر بين شاشه ال ار بى ام و شاشه السرعه انا مش فاهمها ممكن حضرتك تيفدنى فيها

هذه الشاشة هي شاشة المعلومات
و هي شاشة متغيرة بيتم تغييرها عن طريق الزر البارز اللي علي شكل زر ضبط المنبهات باللون الاسود
و هذه الشاشة ستجدها بتعرض لك ( كمبيوتر الرحلة )
فأما تضبطه علي وضع يظهر لك (( الاقتصاد في استهلاك الوقود )) و هو ال fuel economy
و سيظهر لك الاختيار و انت ممكن تراقب بنفسك الارتفاع و الانخفاض للمؤشر

او انك تضبط الشاشة علي وضع اخر مثل
(( متوسط السرعة )) average speed
و هي تظهر لك متوسط سرعتك خلال الرحلة المقطوعة

او تضبطه علي (( المتبقي لديك من الوقود )) range
و هي تعطيك اشارة للمتبقي بالتقريب بالكم علي انتهاء الوقود لديك

و هكذا

و هناك قائمة الاعدادات settings
و عن طريقها تستطيع ان تضبط لنفسك اي اختيار قادم من ضبط للساعة
الي درجة الحرارة الي ضبط المسافات هل بالميل او بالكم

ملاحظه : انا معايا قشقاى 2013 اتوماتيك اسود و لسه مستلمها من عشره ايام فقط

الف مليون مبروك و ربنا يعطيك خيرها و يكفيك شرها

المشاركة الأصلية كتبت بواسطة mohammedgido

يا رب اكون استطعت ان افيد حضرتك و لو فيه اي حاجة مش واضحة ارجو ان تخبرني مباشرة

اولا الف مبروك علي العربية وربنا يرزقنا يارب :))

ثانيا انا مش من ملاك العربية وبإذن الله أكون من ملاكها بس هرد عليك في النقطة رقم 2 من خلال متابعاتي لكلام الاخوة هنا
العدسة دي حساس مطر بيشتغل لما المطرة تنزل بيشتغل المساحات تلقائي لما يكون وضع الدراع للمساحات علي ( أوتو )

ياربأكون صح :)))

تسلم ايدك يا اخي الحبيب الاستاذ محمد
و انا و الله النهاردة كنت بكمل لحضرتك الاستعلام عن موضوع العربية و احتمال كبير ناس تقنعني بالفلونس عن اللانسر سبحان الله
عموما البحث شغال و انا رأيي تدخل برضه في قسم المقارنات و اكيد الاخوة هيكونو افضل مني بكتير في ترشيح سيارة مناسبة في الاختيارات اللي حضرتك حددتها او يضيفو عليها كمان

تحياتي لك

**م. حاتم السباعي** · 23-02-2013 10:05 PM

المشاركة الأصلية كتبت بواسطة seif0sun

انا الحمد لله و بفضله جبت قشقاى من شهرين كدا طبعا التقرير بتاع حضرتك عادل و محايد جدا طبعا المميزات اتا مش هتكلم بعد كلامك طبعا و لكن انا كان عندى سوال و تعليق
ازاى اوصل بتسارع العربيه لاقصى تسارع لانى بحس حتى لو دوست على البنزين للاخر التسارع ثابت و الر ب م هوا اللى بيعلى جامد بس ؟؟
...........
ثانيا التقفيل بصراحه اقل من اللى كنت متوقعه الصراحه مش بكتتير يعنى بس فى حاجات كدا مثلا زى الفيبر اللى فى الارض ناحيه الباب تحس انوا فارق عن مكانه الطبيعى و فى حتت فاكه طبعا و اللى فاجاتنى الصراحه فيبر التقفيل اللى ورا الدريكسون على طول من الناحيه اليمين قافل تمام من ناحيه الشمال بدا يفتح بشكل ملحوظ ....... و بعدين الازاز اليمين عندى مع النقر او المطبات او الطرق الغير ممهده بسمع تكتكه فى الازازز نفسه هل دا طبيعيي؟؟؟

الاخ الكريم الاستاذ سيف

في البداية الف مبروك و ربنا يعطيك خيرها و يكفيك شرها

بالنسبة للتسارع انا لم اتخطي بها ال 150 كم لاني لا اهوي السرعات العالية عموما و لكني لا استطيع ان احكم عليها هل ستستجيب معي لاكثر من هذا ام لا و ان شاء الله قريبا احاول اخذها مشوار علي طريق العين السخنة الجديد و اجرب مدي تقبلها للسرعات العالية من عدمه
و لو اني لا انصح حضرتك عموما بتخطي ال 130 بأي حال من الاحوال

و بالنسبة للفيبر اللي في الارضية هل حضرتك عملت لها ارضية يجوز يكون التركيب لم يعود كما كان و ممكن حضرتك مع اول صيانة تخبرهم لان هناك كلبسات ممكن تكون غير راكبة مكانها
و بالنسبة للفيبر اللي خلف الدركسيون كان تمام عندي جدا لحد ما ركبت الانذار و لما فكو المكان ده لتركيب الانذار و الحساس لم يعود كما كان فهل حضرتك ركبت حساس ركن؟؟؟؟؟؟؟؟