عمرة ماتور للبيتلز تتكلف كام

**alhathik** · 12-11-2009 11:04 AM

السلام عليكم عايز خبرة اهل البيتلز أنا كنت رحت لميكانيكي غيرلي ديسك وبالمرة بدلت العمة بتاعتي بعمه ثانيه ب 80 جنيه علشان يركب فيها كل خراطيم الماتور وظبط كهرباء المهم العربية بقت بتعمل وت زقزقه كده في الشكمان وبقت زي متكون مخنوقة والسحب ضعيف كانك بتجر حاجة رحتلوا قاللي العربية بتهرب كبس وعايز طقم جوانات وتتكلف 600 جنيه علشان فيها خرط تاني مشكله العربية وانت واقف ودايس سنه بنزين بتحس ان في حاجة بترجرج شويه وتروح قالي السبيكة عايزة تتغير وشوية حاجات تانية تتكلف 1700 جنية فقلت احسن أغير الماتور واجيب واحد 1600 ب 2 كربراتير قالي ب 5000 ولو حبيت اجيب واحد فاضي واخد حاجاته من عندي يبقى 2ونص ثلاثة وقالي حل تاني اني احول بتاعي ل 1600 بتغيير البساتم والشمايز وبنفس التكلفه بس يبقى جديد معلش طولت عليكم المهم لو واحد عنده خبره يقولي اولا كلام الميكانيكي صح من ناحية تهريب الكبس ولا ده كاربراتير ولا العمة مش راكبه صح او مش كويسه وتانيا الرجه دي فعلا تبقى سبيكة وثالثا سعر الماتور 1600 بكام ارجو سرعة الرد وتقبلوني صديق جديد في المنتدى

**alhathik** · 18-11-2009 01:23 PM

محدش رد ليه محدش بيخش المنتدى ولا ايه

**ahit** · 19-11-2009 06:27 PM

السلام عليكم ورحمة الله وبركاته

أخى alhathik

هى عربيتك موديل كام ؟ و كام سىسى ؟ و العمه اللى كانت راكبه زيت ولا فلتر هواء ؟ و الجديده زيها ولا مختلفه ؟ و مشكله الرجه دى حصلت بعد تركيب العمه ولا بعدها ؟
و مين الميكانيكى اللى بتتعامل معاه ؟

**ramremo** · 19-11-2009 08:21 PM

ربنا يخليكوا ياجماعه انا استفدت كتير من الموضوع ده ,, لانى بتلزاوى جديد وقريب ان شاء الله هحطلكم صور لعربيتى ,, يارب تعجبكم ان شاء الله وربنا يكفينا شر الطريق

**ahit** · 20-11-2009 01:40 PM

ربنا يخليكوا ياجماعه انا استفدت كتير من الموضوع ده ,, لانى بتلزاوى جديد وقريب ان شاء الله هحطلكم صور لعربيتى ,, يارب تعجبكم ان شاء الله وربنا يكفينا شر الطريق

أهلاً بيك معانا
و مبروك العربيه و ربنا يباركلك فيها و يكفيك شرها
و ياريت تحكيلنا قصتك مع البيتل بتاعتك و كل حاجه عنها و صورها و خبرتك فى الرابط التالى
عشاق و ملاك البيتلز بالمنتدى

**ابوهاشم** · 21-11-2009 12:43 AM

المشاركة الأصلية كتبت بواسطة ramremo

ربنا يخليكوا ياجماعه انا استفدت كتير من الموضوع ده ,, لانى بتلزاوى جديد وقريب ان شاء الله هحطلكم صور لعربيتى ,, يارب تعجبكم ان شاء الله وربنا يكفينا شر الطريق

منور المنتدى ياباشا
والف مبروك واحسنت اختيارك بالسياره البيتل
وان شاء الله احنا كمان هنستفاد من تجاربك مع البيتل
فيما بعد ومنتظرين الصور

**gomangy** · 22-11-2009 10:11 AM

المشاركة الأصلية كتبت بواسطة ramremo

ربنا يخليكوا ياجماعه انا استفدت كتير من الموضوع ده ,, لانى بتلزاوى جديد وقريب ان شاء الله هحطلكم صور لعربيتى ,, يارب تعجبكم ان شاء الله وربنا يكفينا شر الطريق

منور المنتدي يا باشا واهلا بيك وسطينا ومنتظرين صور العربيه بتاعتك وربنا يباركلك فيها

**alhathik** · 23-11-2009 03:36 PM

الس[QUOTE=ahit;3872135848]السلام عليكم ورحمة الله وبركاته

أخى alhathik

هى عربيتك موديل كام ؟ و كام سىسى ؟ و العمه اللى كانت راكبه زيت ولا فلتر هواء ؟ و الجديده زيها ولا مختلفه ؟ و مشكله الرجه دى حصلت بعد تركيب العمه ولا بعدها ؟
و مين الميكانيكى اللى بتتعامل معاه ؟[/QUOT
السلام عليكم أستاذ أحمد حسن عربيتي موديل 1969 1300 سيسي والعمتين قريبا فلتر زيت بس مش متأكد أما مشكلة الرجة فهي من أول ما اشتريت العربية مالهاش دعوة بالعمة وعلى فكرة العربية صوتها عالي معرفش ليه أما الميكانيكي فهو واحد اسمة مجدي وروماني بعد المزلقان اللي ورا حديقة بدر يمين حتلاقية واضح ورحت لميكانيكي تاني في الحي السابع قالي ان المشكلة في كرسي السبيكة ومحتاجة عمرة والف شكر على رد حضرتك وكل عام وحضرتك والمنتدى جميعا بخير

**ahit** · 23-11-2009 07:54 PM

السلام عليكم ورحمة الله وبركاته

أخى الكريم
أنا كنت بقصد بسؤالى عن نوع العمه إن لو كانت العمه فلتر هواء ممكن يكون الفلتر مسدود و هو اللى خانق الماتور و بالتالى هاتحس برعشه فى الماتور.
لكن معروف إن العمه الزيت مش بتتسد و عمليه أكتر من فلتر الهواء.
رجرجه أو رعشه الماتور ليها عده أسباب :
1- سلوك بوجيهات أو بوجيهات أو أبلتين و كوندينسر يعنى كهربه العربيه محتاجة تظبيط.
2- ظبط كربراتير لأن ممكن يكون فيه سدد فى أى بيك داخل الكربراتير.
3- قاعده الماتور.
4- قاعده الفتيس.
و حل الحالات دى بسيط
أما لو كان هناك رعشه أو رجه فى الماتور مع خبط أو ترزيع بيكون السبب :
1- سبيكه الماتور
2- بيل بيرزع
3- الكرانك
و فى الحالات دى بتحتاج عمره

و فى رأى الشخصى إنك تشوف كذا ميكانيكى و تشوف رأيهم زى :
1- محمد على بجسر السويس
2- محمد الأسمر بجسر السويس
3- عاطف عبده فرج بالزهراء ( ممتاز )

**gomangy** · 24-11-2009 09:39 AM

بارك الله فيك يا ابو عمر وجزالك الله كل خير

الموضوع: عمرة ماتور للبيتلز تتكلف كام

LinkBack

أدوات الموضوع

عرض

-

-

-

-

-

-

المواضيع المتشابهه

عمرة مكنة فورد أسكورت ١٣٠٠ موديل ٩٩ تتكلف كام؟؟

عمرة موتور 304 تتكلف كام

عمرة 127 تتكلف كام

عايز اعرف عمرة كاملة لمتور 128 1300 cc تتكلف كام بالتفصيل

عمرة الشاريد 1990 تتكلف كام تقريبا

الكلمات الدلالية لهذا الموضوع

المفضلات

المفضلات

ضوابط المشاركة