الموضوع: عندي مشكلة .. ممكن تشاركوني الرأي

ههههههههه فكرتينى بأيام زمان

هقولك بأختصار الحل فى رأيى
اولا ابن حضرتك بيذاكر اه وبيتعب وكل حاجة بس غالبا كدا طريقة مذاكرته غلط يعنى الأول لازم نعرف هو بيذاكر بفهم ولا حفظ فقط
لو فهم وجاب الدرجة دى يبقا هو بيكتب الملخص المفيد ودا ما ينفعش فى المدرسة للأسف المدرسين بيحبوا الرغاى واللى بيقعد يفتى ( نظام تعليم فاشل فعلا )

ولو بيبقا هامه الحفظ فى المذاكرة وخلاص فأكيد اى سؤال فيه لعب مش هيعرف يجاوب لكن ممكن يفتى فيه

نعمل إيه بقا اولا ما يذاكرش كدا وخلاص ويدخل الأمتحان لازم يشوف نماذج للأسئلة ويحاول فيها قبل الأمتحان

ثانيا لو اتجاهه علمى يبقا حاولى تخليه يركز على الفهم اكتر ومش مهم الدرجات اوى لو اتجاه ادبى يبقا تخليه يركز على طريقة للحفظ يفتكر بيها

ثالثا بقا التعليم فى المدرسة مختلف تماما عن الجامعة فى الأتجاه العلمى ( هتكلم عن العلمى بس عشان تخصصى :d )

يعنى فى المدرسة كنا بنزعل اوى لو نقصنا نص درجة والكلام دا واحنا داخلين حافظين المنهج بالمسائل
تيجى بقا ندخل الكلية صدمة عمرنا نظام تعليم مختلف تماما معتمد على الفهم ولعب كتير فى الأسئلة والواحد يقعد يلف حوالين نفسه فى الأمتحان ولو حلينا سؤال صح يبقا كتر خير الدنيا ليه بقا لأننا ما اتعودناش نفهم من صغرنا وغالبا هتلاقى ناس كتير من اللى كانو بيطلعوا الأوائل فى المدارس بيفشلوا فى الكليات عشان السبب دا
فلازم يعرف يتعلم صح من دلوقتى بغض النظر عن الدرجات عشان ما يتعبش بعدين :)

المشاركة الأصلية كتبت بواسطة me_medoo

انا بصراحة كش هكدب عليكم. انا قعدت مع ابني في مره قبل الامتحنات ومكنش مزاكر كويس فديتو كام طريقة كده كنا بنعملهم ايام الجامعة وفهمتو ازاي يبرشم على ديل قميصو او يكتبلو مسئلة مسئلتين في ايدو وفهمتو انو لمن يرجع يجبلو فص لمونه. يدعك قميصو كويس هيطلع الحبر على طول واغسلوا قبل ماماتو تشوفوا وتبهدلني. بس اعمل اسيب ابني يسقط يعني ويدخلي في سنة دراسية تانية وممكن كمان يروح بدري وبالقلم الرصاص يكتب الحل المثالي على التخته. او على الحيطة بخط صغير بس مقروء وقلتلوا اهم حاجة حسن خطك وصغرو. وربنا إن شاء الله. هيكرمك .... ومحدش يستغرب. اني بعمل كده حتى لو دخلتو معهد سنتين ولا اربع سنين ولا اي جامعة من الجامعات الخاصة صحيح مقلتوليش ايه رايكم في القانون الجديد الي هيعملو الثانوية العامة سنة وحدة وصلى الله وبارك انا بصراحة عن نقسي بايد القانون ده. على الاقل. هقدر اعصر ابني سنة مزاكرة. ودروس احسن من تلات سنين. ويدبحني ويعصرني انا

طيب انت مقتنع باللي انت بتعمله دة صح ؟ انا اول مرة اشوف اب يقول لابنه كدة .. دايما بيتعلموا من اصحابهم .. بس بصراحة انت بتعلمه يغشش نفسه .. مش بياخد مجهود حد تاني ..وجهة نظر

المشاركة الأصلية كتبت بواسطة mazher_m

بسم الله الرحمن الرحيم
اختي الفاضله بارك الله فيك وفي ابنك وجعله الله قره عين لوالديه
الموضوع اللي انتي اتكلمتي عنه مهم جدا جدا
واذا متعلجش بحكمه شديده ممكن تكون العواقب وخيمه
نفس موقف ابنك انا شخصيا حصل معايا وتقريبا في نفس المرحله الاعداديه
وللاسف الشديد لم اهتم بان يكون ليا ترتيب في الدراسه
المهم اني انجح وخلاص حتي في الكليه
المهم...انا معرفش الموضوع يتعالج ازاي
بس في الدكتور ياسر نصر وده دكتور في التربيه وعلم النفس
بيجي علي قناه الناس يوم الخميس الساعه 8 مساء ولمده ساعه
اعتقد ان له اراء تحترم تابعيه وان شاء الله يديكي حل للمشكله دي
وان شاء الله يستعيد ثقته بنفسه وتطمني عليه

شكرا لحضرتك .. انا هاحاول اتابع البرنامج دة .. مع اني رغم اني دارسة علم نفس الا اني باعتقد ان حلول الكتب دي مش دايما بتجيب نتيجة .. الواقع العملي بيختلف كم شخص للتاني.. بس الواحد ممكن ياخد من الموضوع ما يتناسب معه

المشاركة الأصلية كتبت بواسطة A.Saad

لازم تفهميه ان القيم والمباديء اهم من الطريقة
ده حاليا علشان ترجعي ثقته فى نفسه
وان اللى غش منه
خد مجهوده وضافوا لتعبه
وان المجموع مش مقياس
فيه مقياس احترامه لذاته وده اهم
قيمه ومبادئه اهم
بعد كدة
فى الصيف
تشوفى حل لطريقة المذاكرة
او الكتابة فى الامتحان
ممكن يكون مذاكر بس مش عارف يجاوب صح
فياخد درجة اقل
واقرى عليه الرقية الشرعية

الولد بيقول لي تخيلي اما ابقى في اللجنة بتاعة الامتحان
وحوالي 12 واحد بيندهوا عليا
اركز في الحل ازاي
طبعا مش اي حد عنده مهارة انه ينعزل عن العالم الخارجي اثناء الحل

المشاركة الأصلية كتبت بواسطة AirForces

ههههههههه فكرتينى بأيام زمان

هقولك بأختصار الحل فى رأيى
اولا ابن حضرتك بيذاكر اه وبيتعب وكل حاجة بس غالبا كدا طريقة مذاكرته غلط يعنى الأول لازم نعرف هو بيذاكر بفهم ولا حفظ فقط
لو فهم وجاب الدرجة دى يبقا هو بيكتب الملخص المفيد ودا ما ينفعش فى المدرسة للأسف المدرسين بيحبوا الرغاى واللى بيقعد يفتى ( نظام تعليم فاشل فعلا )

ولو بيبقا هامه الحفظ فى المذاكرة وخلاص فأكيد اى سؤال فيه لعب مش هيعرف يجاوب لكن ممكن يفتى فيه

نعمل إيه بقا اولا ما يذاكرش كدا وخلاص ويدخل الأمتحان لازم يشوف نماذج للأسئلة ويحاول فيها قبل الأمتحان

ثانيا لو اتجاهه علمى يبقا حاولى تخليه يركز على الفهم اكتر ومش مهم الدرجات اوى لو اتجاه ادبى يبقا تخليه يركز على طريقة للحفظ يفتكر بيها

ثالثا بقا التعليم فى المدرسة مختلف تماما عن الجامعة فى الأتجاه العلمى ( هتكلم عن العلمى بس عشان تخصصى :d )

يعنى فى المدرسة كنا بنزعل اوى لو نقصنا نص درجة والكلام دا واحنا داخلين حافظين المنهج بالمسائل
تيجى بقا ندخل الكلية صدمة عمرنا نظام تعليم مختلف تماما معتمد على الفهم ولعب كتير فى الأسئلة والواحد يقعد يلف حوالين نفسه فى الأمتحان ولو حلينا سؤال صح يبقا كتر خير الدنيا ليه بقا لأننا ما اتعودناش نفهم من صغرنا وغالبا هتلاقى ناس كتير من اللى كانو بيطلعوا الأوائل فى المدارس بيفشلوا فى الكليات عشان السبب دا
فلازم يعرف يتعلم صح من دلوقتى بغض النظر عن الدرجات عشان ما يتعبش بعدين :)

والله على اد ما باقدر باحاول اعلمه الصح

المشاركة الأصلية كتبت بواسطة shaddadfalcon1

فكرتيني لما كنت طول عمري بطلع من ال 3 الأوائل وجيت في اولي كليه شيلت ماده بقيت محبط بغباء وبعد كده سنه تانيه وتالته بقي كل همي اني انجح يعني بعد ماكنت مش بشيل هم النجاح ده اصلا لاني كنت ببقي ضامن بفضل الله اني هنجح وكان قلقي ياتري هطلع الأول ولا التاني ولا التالت بقيت كل همي اني اجيب حتي مقبول ومفقتش غير في سنه رابعه لما ذاكرت شويه طلعت ال 8 علي الدفعه

شوفي ابنك لو الأجابات بتاعتة صحيحه وفي ظلم حصل في التصحيح يبقي تطلبي اعادة تصحيح لكن لو ده فعلا النتيجه اللي المفروض يجيبها يبقي متزلعيش ومتخليهوش يزعل وتحاولي توصليله ان اللي نجح بالغش ده هيسقط بعدين لما يبقي مفيش غش وحاولي تشوفي اي مثال حي حواليكي تقوليلهوه

معني انه مدايق من الغش ان معدنه كويس بس الاحباط ده بقي مش كويس خالص لانه ممكن يفكر هو كمان انه يغش حتي لو مقالكيش

وبعدين لازم تبقي عارف وانتي بتراجعي معاه هل فعلا هو حل كده وهل دي الأجابة الصح ولا لآ وازاي المدرسين بيصححو

انا مش بادخل معاه في حاجة الا لما باكون متأكدة اني ماشية معاه صح .. لو مقلقة باقول له لا اسال المستر

في اعداد وثانوي كان حفظ يعني لو حليت المساله كلها صح والناتج الأخير غلط يبقي المساله كلها غلط
في الكليه لو الدنيا كلها غلط بس انت ماشي صح في الخطوات والدكتور حس انك فاهم كان بيحسبها صح
ده حتي في دكتور قالنا لو كنت ماشي صح وفجاه لقيت الدنيا كركبت معاك اكتبلي : هناك خطا ما وسيب السوال وانا هسحبهولك صح لو لقيتك فاهم

انا في التيرم الاول طلبت اني اشوف الورق بتاعه واعيد تصحيحه عشان المواد اللي متأكد انه قفلها
زوجي راح الكنترول بتاعه قولوله روح الادارة التعليمية
الادارة التعليمية عوموا الموضوع ويقولوله مش هتوصل لحاجة
وسطت مدرسينه يسألولي حد في الكنترول
لانهم هما نفسهم مش مصدقين الدرجات اللي جابها لانهم عارفين مستواه .. خاصة الmath و science
افادوني في الاخر انهم كل اللي هيعملوه هيعيدوا رصد الدرجات مش هيعيدوا التصحيح وحتى لو لقوا غلط مش هيعلنوا عنه هيداروه لانه بيبقى فيها ضرر عالمدرس اللس صحح وكل الطقم اللي راجع ودي فيها طبعا حرمان من الكنترول اللي بيعود عليهم بمبالغ محترمة فمحدش هيضر زميله عشان يديك درجة
فاستعوضنا ربنا وسكتنا وقلت دي اعدادية مش ثانوية

المشاركة الأصلية كتبت بواسطة i_Boy

سيبيه يغش

مش عارفة ليه ناس كتير بتقول كدة .. حتى باباه بيقول لي سيبيه يسلك نفسه بس مش عارفة بيتكلم جد ولا بيهزر
وهل اللي بيغش دة بيبقى ناجح في حياته بعد كدة ومتفوق وربنا بيرزقه عادي زيه زي اللي تعب وما غشش؟

كل واحد فينا نفسه ولاده يبقوا احسن منه
ولو هوا كان بيرتكب غلط في حياته بيحاول يتلافاه مع ولاده وينصحهم عشان ما يرتكبوش نفس الخطأ

ربنا يلهمنا الصواب