العربيه بتحدف شمال ومش لاقي حل

**ahmad--ezzat** · 17-05-2012 02:50 AM

المشاركة الأصلية كتبت بواسطة eng f3lix

ممكن كمان يكون الكاوتش بتاع سرعات يعني ليه نقشة بأتجاه معين
خليه يتأكد ان الكاوتش اتجاهه صح
ومعلش مردتش عليا بخصوص اللي حصل في عربيتك
هو عمل ايه في المقص بالظبط

والله يافندم انا مش عارف بالتحديد هو عمل ايه لاني مبفهمش كلامه عشان لسانه تقيل جدااا ومبرشم احيانا :-):-)
بس انا شفته فك الطنبوره وقعد يظبتها بايده وربط علي وضع معين...انا سيبته ورحت صليت عبال ماخلص

**atefadel** · 17-05-2012 10:50 PM

انا عندي نفس المشكلة في الصني
ولفيت علي كل بتوع الزوايا لدرجة انهم بقوا مش بيخدوا فلوس كشف ولا اي حاجة
كلة سليم علي الشعرة
اخر واحد قولتلو اخرج جرب العربية
مفيش حدفة ولا يمين ولا شمال
بس قالي ان الدركسيون مش بيرد بسرعة ودة بيخلي العربية فيها عوجة وانك تحتاج تلف الدركسيون يمين جامد وتعدلة علشان العربية تبقي عدلة
انا صراحة مش فاهم حاجة ومش مستريح
ودة عيب علبة الدركسيون
سؤال بقي هي علبة الدركسيون فيها زيت
لان الموضوع بحس بية والعربية باردة

**hszm** · 24-05-2012 12:29 AM

ممكن يكون العيب فالكاوتش
اعكس الكاوتش و لو حدفت يمين يبقى من الكاوتش

**adelelgarhy** · 19-06-2012 02:43 PM

انا يا جماعه لبست حفره بعربيه سيراتو كوبيه و كان معايا 2 فى العربيه و حسيت ان فيه حاجه فى العربيه من ادام يمين .. كشفت زوايا مرتين و ربطت على العفشه و غيرت الكوتش و بصيت عالجنط بس العربيه حاسسها مش ماسكه نفسها و الطاره بتلعب لوحدها ... ممكن حد يقولى اعمل ايه؟

**FAREED2012** · 01-08-2012 01:38 PM

المشاركة الأصلية كتبت بواسطة ahmad--ezzat

في التجنيد...هو عفشجي وميكانيكي فنفس الوقت..

اسمه حماصة؟؟؟؟ هههههههههههههههههه

**omarkhaled55** · 17-08-2012 09:35 PM

المشاركة الأصلية كتبت بواسطة lanos2004

شوف ظبط زرجينه بلدى كدة مينفعش لازم جهاز ظبط شاسيه بالكمبيوتر
الحاجه التانيه ممكن يكون ماستر الفرامل شمال قافش على العجله شويه شوف التيل فى النحيتتين بيخلص بنفس السمك ولا فيه اختلاف
انا بقه عربيتى فيها حدفه بسيطه يمين بظبط الهوا فردة 30 والتانيه 28 وخلاص لانى زهقت من بتوع الزوايا بتتظبط لمدة شهر وترجع تحدف تانى

انا كمان بتاع الزوايا قلى كدة قالى فى فردة كاوتش اتقل من التانية فضبط الهوا فى فردة اقل من التانية
بس انا مش عارف دلوقتى من الى مفروض الهوا فيها يبقى اتقل من التانية ؟؟؟