احب انكد عليك واقولك ان احنا اللى عملنا كده مش هما اللى قالو كده
هما كاتبين ف الكاتلوج وعلى القايم ان ضعط الكاوتش 32
احنا اللى بنبدع علشان نريح ضهرنا شوية بس
تسلم على الموضوع يامحمد بس الحوار ده ملوش دعوة بالتنطيط ولا النشوفية
زيادة عرضه مش هتأثر الا ف الثبات وبشكل غير ملحوظ لانها بالفعل الكوتش عريض
هوا ممكن يزود تماسكها ف الفرامل شوية زيادة بس هيا مش محتاجا ده برده
وعمتن نتمنى ذلك
طالما احنا بنلعب فى range +4 or -4 يبقى فى التمام
السلام عليكم
دلوقتى المقاسات الجديده علينا هى 205/60/16 و 215/50/17 يعنى بنزود نمره فى بروفايل كل مقاس
نبدأ بال 205/60 لو قارنناه بال 205/55 البروفايل هايزيد 1 سم والعربيه هاتعلى 1 سم يعنى ثبات اقل فرامل زى ماهى بس العفشه هاتبقى انعم وهايعمل فرق فى العداد 3.2 كيلو اقل
215/50 لو قارنناه بال 215/45 نفس الكلام البروفايل هايزيد 1 سم والعربيه هاتعلى 1 سم العفشه هاتبقى احسن لكن ثبات اقل وهايعمل فرق 3.4 كم فى العداد
انا شخصيا مبفضلش الطريقه دى اننا نزود البروفايل على نفس العرض لان العربيه بتعلى اوى وكمان نفس العرض يعنى الثبات هايتأثر جامد
انا بافضل الطريقه التانيه تزويد العرض على نفس البروفايل يعنى 215/55/16 و 225/45/17
صحيح العفشه مش هاتنعم زى المقاسات اللى فوق لكن هاتبقى احسن من الاصلى والعربيه هاتعلى حاجه بسيطه متأثرش وكمان استفدت بالعرض الاكبر يعنى ثبات وفرامل احسن بس تسارع ابطئ شويه
225/45/17 مجربه فى عربية صاحبى كوبيه وكانت ماشاء الله فارقه فى العفشه
فى حل تالت نظريا افضل من الاتنين بس هايبقى مكلف اكتر انك تركب المقاسات اللى فوق اللى على 50 وتوطى العربيه 1 سم بسوست او حاجه بس عمليا معرفش حد جربها
المشكلة الوحيدة ان المقاسات اللى 215/50 دا مش موجود عندنا فى مصر كتير ولا 225 و لو لقيتوه بيقى غالى جدا فى الانواع النضيفة جدا بس
اعتقد ان مقاس 17 غالي ومش مناسب للطرق في مصر
كما ان شكله بيكون افضل على السيارات الفارهة او الكبيرة مثلا كيا اوبتيما ...
اما الكيا سيراتو المناسب جدا لها مقاس 15 .. وشكرا للموضوع