أنا شخصيا غيرت الإتنين الخلفي مقاس 17/50/215 والأمامي ستوك زي ماهو 17/45/215 في كوبية
اللي حصل ان المطباط أحن من الاول العربية سحبها قل شوية وفي الملفات العاصية 90 درجة على سرعات منخفضة بحس ان اللي ورا ثابت والأمامي بيسحف مني
والله أعلم
أنا شخصيا غيرت الإتنين الخلفي مقاس 17/50/215 والأمامي ستوك زي ماهو 17/45/215 في كوبية
اللي حصل ان المطباط أحن من الاول العربية سحبها قل شوية وفي الملفات العاصية 90 درجة على سرعات منخفضة بحس ان اللي ورا ثابت والأمامي بيسحف مني
والله أعلم
أنا بعد ما أصابتني لعنة البلالين في الأربع فرد :) و الحمد لله
جبت طقم جديد كومهو Ecsta SPT مقاسه 225/45/17 , بعديها حسيت ان العفشة أنعم شوية بسيطة و الثبات برده في الملفات بقى أزيد شوية بسيطة
و المقاس ده الحمد لله مش بيحك خالص حتى و العربية محملة أوزان تقيلة و مسافر بيها و خدت كام مطب هوا الحمد لله محصلش حاجة
و أنا بركب الكاوتش الراجل قاللي ده فيه ناس بتركب مقاس 235/45/17 , قلتله ده ممكن يحك في العربية علشان عريض, قاللي كله اللي ركبه مشتكاش منه , و الله أعلم
و بعدين مؤخرا جبت فردتين جداد بريدجستون مقاس 225/45/17 ركبتهم ورا حسيت ان العفشة بقت أنعم شوية عن ما كان الكومهو راكب , مش عارف بقى بيتهيألي و لا ده فعلا اللي حصل
دى يا جماعه مقارنه بين شوية مقاسات تنفع على السيراتو
و الله اعلم
http://a3.sphotos.ak.fbcdn.net/hphot...30614732_n.jpg
تمام جدا و مشكور على المشاركه الفعاله و المعلومات المهمه
و يا ريت تنقلنا احساسك مع فواصل الكبارى بتعوم من الخلف و الا لا .
و هل فرقت فرق ملحوظ فعلا فى النعومه و فرق محسوس فعلا.
و يا ريت تقولنا اسم نوع الكوتش اللى ركبته الجديد و سعره كام و اشتريته منان لان المقاس ده مش منتشر
البريدجستون انعم فعلا و اطرى و الكومهو انشف .
بس خلى بالك الكوتش الطرى بيستهلك اسرع من الناشف .و الله اعلم
سؤال :ما هو سعر فردة البريدجستون و نوع النقشه و اسمها .و اخبارها اه فى الفرامل و الثبات و النعومه بالمقارنه بكل المقاسات السابقه .
معلش طولت عليك بس من عشمى .عشان محتاج اغير قريب جدا .
و مشكور جدا جدا على المعلومات و المشاركات الفعاله و ربنا يكرمك .
و منتظر ردك و مشكور .
و دى مقاسات من موقع متخصص بمقاسات الكوتش مع الجنط
و فيها المقاسات بتاعة التوكيل و اللى الاعضاء ركبوها كمان و مستريحين معاها .
http://a5.sphotos.ak.fbcdn.net/hphot...67345586_n.jpg
Tire Size Calculator - Compare Tire Sizes
يعنى التوكيل قايل 215/50/17 و 205/60/16و 185/70/15
و المقاسات الموجوده على ارض الواقع فى مصر هى .
215/45/17 و 205/55/16 و 195/65/15
و الاعضاء ركبوا المقاسات الاتيه و استريحوا معاها و شكرو ا فيها و مفيش مشاكل و هى :
225/45/17 و 215/50/17 و 235/45/17
و من كل ده نستنتج ان كل المقاسات اللى فاتت سليمه و تنفع .مع العلم ان الجنط ال 17 عرضه 7 انش فقط و يتحمل عرض كوتش حتى 225 فقط .يعنى لو عاوز تركب 235/45/17 يبقى لازملك جنط جديد اعرض شويه ممكن 7.5 انش او 8 بوصه
و الله اعلم
انا كلمت الاستاذ محمد حسنى على التليفون و هو انسان محترم جدا و رد على بكل زوق ,و سالته عن الكوتش و اخباره اه معاه و كده :225/45/17
مبدايا شكرلى فى البريدج ستون و انه مركبه بقاله اكتر من 30 الف كم و مستريح معاه و مبيحكش منه فى مطبات الهوا او مع التحميل .و هو ركب البريدجستون ال( gr 90) تقريبا مش متذكر .لو غلطان يا ريت هو يصححلى , هو ناعم و طرى .و لاحظ ان المقاس 225/45/17 انعم من المقاس العادى ال 215/45/17 و اثبت منه فى الملفات .و طلبت منه انه يجربه فى حته فيها فواصل كبارى و يقولى رايه اه و يرد على و انا منتظره يرد على بعد التجربه باذن الله .و ربنا يسهل و الكلام و التخمين يطلع صح باذن الله .
يا باشا كتر خيرك ده بس من ذوقك , و بعدين انت ما شاء الله مضبط القسم بالمعلومات الهايلة اللي بتجيبها
أنا غيرت طقم كاوتش كامل بعد 17000 كم و جبت كاوتش Kumho Ecsta SPT - Ku31
http://www.nileup.com//uploads/images/sc79ba01069.jpg
وقت أما جبتهم كان تقريبا الكلام ده من سنة و نص , الفردة الواحدة كانت بـ 475 جنيه
دلوقتي الفردة بقى تمنها 690 - 700 جنيه
و كانوا كويسيين و الحمد لله , و بيستحملوا مني كتير من نقر و مطبات خدتها بسرعة
بس مرة كان فيه فردة ضغط الهواء فيها قليل و نزلت بيها في حفرة جامدة طلع فيها بلونة , و فردة تانية اتقطعت بسبب مسمار كبير دخل فيها بميل فقطع حته كبيرة , الكلام ده و العربية عاملة 50000 كم.
اشتريت ساعتها فردتين بريدجستون Turanza ER300 ,
http://www.nileup.com//uploads/images/s1b72263d9b.jpg
الفردة كانت تقريبا عاملة 1150 , ده من غير خصم نايل موتورز , بصراحة مش فاكر كانوا بكام بعد الخصم
بس انا حاسس أدائهم أحسن من الكومهو من حيث النعومة , ده بعد تجربة 10000 كم تقريبا
المقاس اللي هو 225/45/17 الحمد لله مش بيحك خالص مع أي مطبات أو مطبات هواء حتى أما العربية بتكون محملة أوزان تقيلة
إن شاء الله أبقي أجرب الملف اللي انت قولتلي عليه و أقولك عن النتيجة ,
ههههههههههههههه وماله تبقى 2*1 ولا سبورتاج ولا قاشقاى ولا اوفر برايس ووجع دماغ
بس السنتى هايفرق يادكتور خصوصا لما تبقى راكب العربيه فتره ومتعود على ارتفاع وثبات معين , وكمان انت هاتزود البروفايل على نفس العرض زى ماهو ف هاتحس بفرق وهاتضايق من ثباتها
لما تغير ان شاء الله جرب تزود العرض بس يعنى 215/60/16
مظبوط ياباشا
ولو تفتكر احنا مره حسبنا ولقينا ان المفروض الصح بتاع السيراتو فى المقاس ال 17 هو ال 225/45 لان دا اللى هايدى نفس ارتفاع ال 205/55/16 و 195/65/15
بس تقريبا كيا بتوفر عشان ال 215 سعره ارخص :)
انت كدا عليت العربيه من ورا وسايبها زى ماهى من قدام يعنى المفروض لو راكب لوحدك صباح اللعب بتاع ضهر العربيه :) لو معاك ناس راكبه ورا على طول وحاجات فى الشنطه ممكن ماتحسش بفرق اوى
مبروك وشكرا على نقل التجربه