اقتباس المشاركة الأصلية كتبت بواسطة mody3on مشاهدة المشاركة
اولا الهوندا 5 سرعات الالنترا 6 سرعات ( الفتيس ) , الالنترا 130 حصان والهوندا 124 تقريبا , الالنترا ناعمة وعفشتها كويسة , بالنسبة للثبات معرفش بصراحة بس مش ده اللي يهمني اوي لاني مش كل يوم بمشي على 180 وباخد غرز عالسرعة دي , شكل الالنترا بالنسبة ليا احسن شكل عربية في الفئة دي مع الفوكاس , مش الهوندا اللي شكلها مش مظبوط ( بتكلم عالجديدة ) , اوبشن ايه اللي في الهوندا بقى اللي مخليها ب 200 الف ويزيد عن الالنترا ب 50 الف ؟ هتقولي شفتات ورا الطارة ميهمنيش خالص وموجود في السيراتو مش اختراع يعني , بالنسبة للامان ( 2 ايرباج + abs + ebd ) موجودين في الفولي لودد , مرايات مش ضم ومفيش فوج لايت , مفيهاش start-stop ولا بصمة , خامات بلاستيك , استهلاك بنزين الالنترا ممتاز واسأل المهندس سمير
اما بالنسبة للالنترا عندك حق الفئة دي متستحقش تكون ب 135 , ولكن , هل السيتي تستحق تكون ب 135 ؟ هل البولو ال 85 حصان تستحق تكون ب 135 ؟ هل السيفيك تستحق تكون ب 200 ؟ ولا هو غبور بس اللي حرامي والباقي ملايكة وبينزلوا عربيات باسعار معقولة ؟ البلوتوث بالنسبة لك مش مهم بالنسبة ليا مهم , ارجع واقولك سعرها غالي جدا بس هي دي بلدك هتعمل ايه ؟
اولا : فتيس الالنترا مش محتاج 6 سرعات لانة اولا زود الاحساس بالنقلات + ان المحرك اصلا بيجيب 200 بالعافية , ومحرك الهوندا كويس جدا علية 5 سرعات بيأمنلة تسارع ممتاز وعدم الاحساس بالنقلات ودة اللى يهمنا

ثانيا : مش عارف انت ازاى بتقول على عفشة الالنترا انها ناعمة ياريت تجربها تانى وتحكم

ثالثا : شكل السيفيك 2010 شكلة رياضى وجذاب جدا وعصرى . بالمقارنة بشكل الالنترا اللى حلواة بس يفتقد للجاذبية

رابعا : السيفيك فيها كل عوامل الامان standard فى كل الفئات , مش زى اللالنترا اللى فئة واحدة بس اللى مجتمعة فيها مواصفات الامان ( وهما abs- 2airbag ) بس , والاوبشن اللى كل مرة يضحكوا بالناس علية ويدفعهوم فلوس اكتر بكتير

خامسا : السيفيك ال vti فيها كل تستخدمها بجد مش اوبشن وخلاص والاسم موجود فى العربية زى ( نظام ال vsa مساعد الثبات : ودة مهم جدا وبيفرق كتير فى الثبات - paddle shift : مهم جدا للقيادة الرياضية ولية متعة تانية لعدم تشتيت الانتباة - فتحة السقف لاضفاء اللمسة الرياضية على السيارة - ديسكات خلفية موجودة فى كل الفئات مش طنابير زى الالنترا - طبعا بجانب الانظمة الاساسية ( abs- ebd- 2airbag- vsa ) صدقنى متعة تانية خالص

سادسا : السيتى فعلا تمنها غالى انا ماقولتش حاجة بس معلش لو قارنتها بغيرها يبقى هية احسن على الاقل فيها عوامل امان واداء محركها كويس جدا وناعمة جدا وعفشتها فى قمة الراحة ,يعيبها الخامات - غلاء قطع الغيار - سعر اعادة بيع وحش

سابعا : بالنسبة للاسعار انا بدفع 200 الف جنية وعارف انها غالية عليها بس فى المقابل واخد عربية كاملة فى كل حاجة وعلى فكرة هما بس 189 الف مش 200 الف للدقة فى كلامى , لكن لما تاخد بقى عربية ب135 ولا ب138 الف جنية ومافيهاش عوامل امان وعربية متنفضة يبقى اية !!!!!!!!!!!!1