اولا : فتيس الالنترا مش محتاج 6 سرعات لانة اولا زود الاحساس بالنقلات + ان المحرك اصلا بيجيب 200 بالعافية , ومحرك الهوندا كويس جدا علية 5 سرعات بيأمنلة تسارع ممتاز وعدم الاحساس بالنقلات ودة اللى يهمنا
مين قالك أن فتيس الألنترا الست سرعات زود الأحساس بالنقل ... طبعاً غلطان أركب الألنترا الأول وأحكم ... دي من أهم مميزات الفتيس الست سرعات أصلاً .
ثانيا : مش عارف انت ازاى بتقول على عفشة الالنترا انها ناعمة ياريت تجربها تانى وتحكم
عفشة الألنترا مريحة جداً على فكرة كل يوم مدخل الجراج عندي متبهدل وبدخل على سرعة وعادي والحمد لله بس مشكلة في التزييق بصراحة هي اللي منرفزاني ولكن أنا عازر العربية علشان الطرق بتاعتنا هنا عاوزة دبابات .
ثالثا : شكل السيفيك 2010 شكلة رياضى وجذاب جدا وعصرى . بالمقارنة بشكل الالنترا اللى حلواة بس يفتقد للجاذبية
دي أذواق الهوندا أنا بعشق شكلها من الأمام من ورا متلزمنيش ببصلة بصراحة بينما الألنترا حلوة من أدام ومن ورا ومن كل الزوايا .
رابعا : السيفيك فيها كل عوامل الامان standard فى كل الفئات , مش زى اللالنترا اللى فئة واحدة بس اللى مجتمعة فيها مواصفات الامان ( وهما abs- 2airbag ) بس , والاوبشن اللى كل مرة يضحكوا بالناس علية ويدفعهوم فلوس اكتر بكتير
مش مشكلتنا دي مشكلة توكيل .
خامسا : السيفيك ال vti فيها كل تستخدمها بجد مش اوبشن وخلاص والاسم موجود فى العربية زى ( نظام ال vsa مساعد الثبات : ودة مهم جدا وبيفرق كتير فى الثبات - paddle shift : مهم جدا للقيادة الرياضية ولية متعة تانية لعدم تشتيت الانتباة - فتحة السقف لاضفاء اللمسة الرياضية على السيارة - ديسكات خلفية موجودة فى كل الفئات مش طنابير زى الالنترا - طبعا بجانب الانظمة الاساسية ( abs- ebd- 2airbag- vsa ) صدقنى متعة تانية خالص
الشيفتات دي موجودة في السيراتو عادي مش أختراع يعني بينما كل الأنظمة اللي بتقول عليها أنت دافع تمنها مش واخدها ببلاش .
سادسا : السيتى فعلا تمنها غالى انا ماقولتش حاجة بس معلش لو قارنتها بغيرها يبقى هية احسن على الاقل فيها عوامل امان واداء محركها كويس جدا وناعمة جدا وعفشتها فى قمة الراحة ,يعيبها الخامات - غلاء قطع الغيار - سعر اعادة بيع وحش
سابعا : بالنسبة للاسعار انا بدفع 200 الف جنية وعارف انها غالية عليها بس فى المقابل واخد عربية كاملة فى كل حاجة وعلى فكرة هما بس 189 الف مش 200 الف للدقة فى كلامى , لكن لما تاخد بقى عربية ب135 ولا ب138 الف جنية ومافيهاش عوامل امان وعربية متنفضة يبقى اية !!!!!!!!!!!!
مش عارف مش واصلالك أزاي النقطة دي أنت دافع تمن الكماليات دي u get wut u pay for الألنترا ميزتها أنها best value for money يعني لما هي ب 138 زي ما بتقول حط فيها كل الأمكانيات اللي موجودة في الهوندا عمرها ما هتوصل للسعر بتاع الهوندا يعني من الآخر لو قدامي هيونداي فيها كل الكماليات والأنظمة اللي موجودة في العالم وقدامي الهوندا بنفس الكماليات هأشتري الهيونداي ودة الي حاصل بره ودة سبب نجاح وأنتشار العربية وصلت كدة ؟
المفضلات