الموضوع: الزواج الثاني ..... حل و لا مشكلة ؟

المشاركة الأصلية كتبت بواسطة funnymickey

لامواخذه سبب تفكير الرجال في الزواج التاني هو المتعه ليس اكتر
من الاخر كل واحد فينا نفسه يعيش شهريار
وفيه ستات ولا تفرق معاها كل اللي يهمها راجل يسترها ويبقي هوا المسؤول عنها وخلاص

تخيل انتا معاك 4 كل يوم مع واحده
بتتعامل معامله تانيه بشكل تاني
حتي الخناق متنوع
وفعلا مش حتبص بره
لانك عندك كل حاجه

انما ولا مجتمع ولا عنوسه
واي حد يقول مشاكل المجتمع والعنوسه
قوله زي الفل

هات فلوس نأجر شقه ونجيب عفش وجوز اتنين
شاب وفتاه مش قادرين علي الجواز
وبكده يبقي حليت مشكله العنوسه
والمجتمع يبقي مجتمع صالح

أخي الكريم لو لم تكن هناك رغبات جنسية عند الرجل لما سعى للزواج من البداية ولانتهت الحياة على الأرض

الله سبحانه وتعالى لما وضع هذه الرغبة الجنسية العميقة عند الرجل والزائدة عن رغبات المرأة وضعها لحكم كثيرة


وده اللي بيخلي الرجل يغامر ويقدم على تحمل مسئولية الزواج الأول والثاني وحتى الثالث والرابع





في بلدنا حدثت حادثة لم تفارق ذهني منذ سنوات

واحد أعرفه اتجوز بنت جميلة وبعد سنوات اتضح انها لا تنجب وكانوا ممكن يستمروا في المحاولة لكن هو يأس من الأمر

البنت لما لقيته هيطلقها وصل بيها الحال إنها عرضت عليه إنه يتجوز عليها وما يطلقهاش لكن هو اتلكك بحجج فارغة - الله أعلم بنيته - المهم طلقها واتجوز وخلف وعاش حياته

هي كل شوية يتقدملها واحد عنده ستين سنة أو واحد كبير وعنده مرض مزمن وصعب الحياة معه أو واحد معاه عيال كبار وعاوزلهم مريية وخدامه تراعيهم

أصيبت بحالة إكتئاب شديد وشكلها اتغير خالص وبعد سنة تقريبا صحيوا من النوم لقيوها ماتت - ربنا يرحمها

والله لما سمعت إنها بدأ عليها الذبول كان نفسي أقول لمراتي إني عاوز أتجوزها رغم إني ما شفتهاش أصلا

ولما عرفت إنها ماتت حسيت إن ذنبها علينا كلنا لأننا مجتمع عقله وقلبه متحجر وبنستميت في التضييق على أنفسنا

ولو كنا مجتمع شجاع يبحث عن الحلول ويفرضها بدون خجل ما كناش وصلنا للمرجلة دي واللي مخليه جميع شعوب العالم بمسلميهم وغير مسلميهم بيعددوا بطرق شرعية وغير شرعية

وإحنا فقط المسلمين السنة في مصر هم من يعانوا من ثقافة غريبة تجعل اللي يمشي في الحرام مع أربعة يبقى واد مقطع السمكة وديلها وعايش حياته واللي يتجوز اتنين ويعول همهم يبقى عينه فارغة ودني


المشكلة إن محاربة التعدد بيعود بالسلبية على النساء في المقام الأول

وأنا نصحت مراتي أني لو مت إنها تتجوز مباشرة بعد العدة وتنسق مع إخوتي إزاي يهتموا جميعا بأمر أولادي من غير ما يحرموها من حقها في الصحبة الحلال


ربنا يهدينا جميعا للخير





.

يا اخي قل اللهم ارزقنا تقاتك او اللهم ارزقنا تقواك

حضرتك لو بصيت في اخر سطر حتلاقيي كاتب المعني ده حرفيا

لكن حضرتك مقولتش لن تعدلوا ده المقصود بها التعدد ام عدم التعدد

لان في ناس بتفتكر خلاص واحده ومش حقدر اعدل يبقي مفيش داعي للزواج بأخريات
[/quote]




أعتقد والله أعلم إن فيه ناس فهمت الآية بأن الله سبحانه وتعالى يخوفنا من التعدد ويقرر أننا لن نعدل وهذا شرط التعدد الرئيسي

ولكن والله أعلم أن الآية تفيد عكس ذلك

فالصحابة لما نزلت الآيات التي تنص على فرض العدل في التعدد اعتقدوا أن العدل يكون في كل شئ مادي ومعنوي وخافوا جميعا من أن لا يحققوا الشرط فامتنعوا عن التعدد
فنزلت الآية توضح أن الله سبحانه وتعالى يعلم أن العدل المادي والمعنوي المطلق هو أمر يستحيل تحقيقه ولذلك فالمطلوب هو العدل المستطاع وأن لا نميل كل الميل

أي أن الآية نزلت للتخفيف من شروط العدل - ( وليس لمنع التعدد بإعلان أن العدل لا يمكن تحقيقه ولذلك فالتعدد لن يكون صحصحا )

والله أعلى وأعلم







.

أنا شايفه إن الزواج الثانى لا يكون إلا لحاجة الرجل،يمكن لأن الزوجة الأولى لاتعطيه كل حاجة عايزها مش قادرة أو مش عارفة أو لحاجة فى نفسه تجهها حتى ولو هي مش مأثره في حاجة ، في الوقت دا فأعتقد أن زواج الرجل حق بل واجب عليه علشان ميعملش حاجة حرام و المشكلة أن بعض الأزواج مش بيقولوا لزوجاتهم بزواجهم الثانى ، وتكون المشكلة لما تعرف الزوجة الأولى فتقوم الدنيا ومش بتقعد .

وهيطبق نظام التعدد مع تطور العصر وزيادة مواليد الإناث شئنا أم أبينا ، بس الأهم من كدة ( بعد إعترافنا بإمكانية زواج الرجل من زوجة تانية ودا لأنه حلال شرعاً ) يا ترى الراجل هيكون مبسوط بعد زواجه من واحدة تانية ، ويا ترى الزوجة التانية فعلاً هتريحه ، ويا ترى الزوجة الأولى هتقبل هذه الزيجة ، في الحالة دي لازم يكون الراجل اللي عمل كدة قادروكووول ( بارد يعني ) لإنه هيتحمل كل الضغوط اللي هتيجي له من الأولى والثانية ، والمتطلبات الكتيرة اللي هتيجي من الأولى علشان تندمه أنه عمل كدة بحجة أنها طلبات عيالك ، وتكون عايزة تخلص عليه علشان تروح خلصان للثانية ، والغيرة اللي هتيجي من التانية علشان تثبت له حبها أكتر من الأولى وتكون عايزة تخلص عليه علشان تروح خلصان للأولى ، وهتكون هي دي الحياة شد ، وجذب من جميع الأطراف واللي هيعيش أكتر في هذه الدوامة ذو النفس الأطول والضحية الرجل والزوجة الأولى والزوجة الثانية والأولاد .

موضوع قديم متشابه ل أ/ شداد
http://www.nilemotors.net/Nile/252777-a.html

والله الموفق ليكو يا راااجال المنتدى وأتجوزوا تاني وأتهنوا كمان وكمان و(أشرب ) أقصد أعدل بأة يا جميييييل ، وألف مبروك وبالرفاء والبنين .