الزواج الثاني ..... حل و لا مشكلة ؟

**MaZaGAngeE** · 21-05-2012 06:07 PM

هل الزواج الثاني حل لبعض مشاكل الحياة و لا رفاهية لا داعي ليها و لا مشكلة تضاف الى مشاكل الحياة ؟

**المنسي** · 21-05-2012 06:41 PM

المشاركة الأصلية كتبت بواسطة mazagangee

هل الزواج الثاني حل لبعض مشاكل الحياة و لا رفاهية لا داعي ليها و لا مشكلة تضاف الى مشاكل الحياة ؟

الزواج الثانى حلله الشرع بس فى ناس بتستغله بطريقة غلط اما بالنسبة لسؤالك احيانا الزواج الثانى بيكون حل لبعض مشاكل الحياة زى موضوع الانجاب وذلك عندما يكون هناك مانع من ناحية الزوجة فى القدرة على الانجاب مثلا وساعتها للرجل الحق فالزواج من اخرى ولكن برضا الزوجة الاولى اما بالنسبة لجزء انها مشكلة تضاف الى مشاكل الحياة فده بيحصل لما يبقي الزوجة مكفية زوجها من كل حاجة وهو اللى مش مستكفى بالبلدى كده فراغة عين

**Screenplays** · 21-05-2012 06:41 PM

دي مشكله منيله بستين نيله و بعدين من كتر الفلوس و من جمال الحريم عشان نتجوز مرتين ؟

**Ghamrawy** · 21-05-2012 08:57 PM

حد يحل غلطة بغلطة اكبر منها ؟!! ههههههههه

**MaZaGAngeE** · 22-05-2012 01:19 AM

المشاركة الأصلية كتبت بواسطة screenplays

دي مشكله منيله بستين نيله و بعدين من كتر الفلوس و من جمال الحريم عشان نتجوز مرتين ؟

عين المحب عن كل عيب كليلة
و ايوة في حريم حلوة لو دورت على المناسبة ليك هتلاقي
و بعدين ان او انت مش توم كروز عشان نتجوز نيكوا كيدمان

المشاركة الأصلية كتبت بواسطة wael3m

يا راجل !!!!! انت مبتحرمش ؟ ولا عجبك جروب الفيس بوك انا مصرى وهتجوز 4

انا اول مرة اسمع عنه

المشاركة الأصلية كتبت بواسطة ghamrawy

حد يحل غلطة بغلطة اكبر منها ؟!! ههههههههه

و داوها بما كانت هي الداء

**MaZaGAngeE** · 22-05-2012 01:27 AM

عايزين نفترض ايه الحالات اللي يكون الزواج الثاني فيها مقبولا من الزوجة الاولى ؟

انا سمعت راي بيقول ان الزوجة يكفي عليها من 3 الى 4 اطفال و لو الزوج عايز اطفال اكتر هيكون محتاج انه يتجوز تاني

**kameluo** · 22-05-2012 01:43 AM

المشاركة الأصلية كتبت بواسطة mazagangee

عايزين نفترض ايه الحالات اللي يكون الزواج الثاني فيها مقبولا من الزوجة الاولى ؟

انا سمعت راي بيقول ان الزوجة يكفي عليها من 3 الى 4 اطفال و لو الزوج عايز اطفال اكتر هيكون محتاج انه يتجوز تاني

ممكن لو الزوجة الأولي عندها مشكلة في الخلفة مثلأ
و بالنسبة للزوج العاوز اكتر من 4 اطفال ده يتجوز أرنبة احسن

**Screenplays** · 22-05-2012 01:55 AM

عين المحب عن كل عيب كليلة
و ايوة في حريم حلوة لو دورت على المناسبة ليك هتلاقي
و بعدين ان او انت مش توم كروز عشان نتجوز نيكوا كيدمان

ماشي بس الراجل مش بشكله و احنا الحمد لله حلوين و مقبولين و شوف لما بنطلع بره بنعمل ايه ههههههههههههه

**amr.elsayed** · 22-05-2012 02:16 AM

هى المشكلة انه يطبق العدل بينهم وفى ظل ان من طبيعة الستات صعوبة ارضائهم فا بيكون الموضوع صعب على الرجل
الا بقى لو فى حاجة زى ما قولتوا مثلا واحدة ما بتخلفش هو مضطر انه يتزوج من اخرى وغالبا بتكون الزوجة الاولى راضية
وممكن الزوجتين يتعاونوا مع بعض وبتكون المشاكل اقل من لما تكون الزوجة الاولى غير راضية او عندها احساس بالظلم
.......................
الموضوع الشائك بردو ان واحد يتجوز تانى بحجة ان زوجته الاولى فقدت جمالها مع مرور الزمن او وزنها زاد جدا ودة بيحصل كتير فى مجتمعنا بسبب نوعية اكلنا
طبعا الواحد لما بيفكر فى الموضوع بيقول فين الوفاء والاخلاص لكن لو تحسبها تلاقى ان الزوج له حجة انه عايز يعف نفسه
لكن فى نفس الوقت الزوجة دى فقدت جمالها فى بيته وفى اولاده على الرغم انه مش عذر لكن فى نفس الوقت جزء من الحقيقة و تلام على اهمالها فى نفسها
موضوع جامد ومحير الحقيقة وبيختلف من شخص للتانى فى واحد حيكون عنده حق وفى غيره حيكون لأ

-

الموضوع: الزواج الثاني ..... حل و لا مشكلة ؟

LinkBack

أدوات الموضوع

عرض

الزواج الثاني ..... حل و لا مشكلة ؟ - انشر الموضوع فى :

-

-

-

-

المواضيع المتشابهه

النتائج المترتبة على الزواج الثاني ردا على موضوع منافع الزواج الثاني

الزواج .... كيف ؟

مشكلة في الغيار الثاني !

عند الزواج

الكلمات الدلالية لهذا الموضوع

المفضلات

المفضلات

ضوابط المشاركة