السلام عليكم انا التكييف بتاعي مكنش عاجبني بصراحة لان تكييف البطة احسن منة ففكرت وكان في موضوع هنا عن نفس الفكرة وهو اننا نعزل ماسورة الساقع الخارجة من الكباس الي الكويل فجبت هواية سخان بتكون زي ورق الفويل بس تخين عنة وانشف ب30 جنية وقصيتها شريط رفيع ولفيتها علي ماسورة التكييف الساقع وفعلا فرق جدا التكييف لان الماسورة دية ماشية جنب فرن الشكمان غير البطة البطة كباسها عند سدر العربية وراء الموتور فبعيد جدا عن سخونية الفرن والشكمان عشان كدة تكيفها احسن ولان فريونها 12 مش 134 المهم بعد العزل التكييف بقي تمام تمام اقصي حاجة لو الجو نار 3 والعادي 2 او 1 وجربوا وقولولي وشكرا