الموضوع: نيسان صنى الان فى مصر

المشاركة الأصلية كتبت بواسطة د.اشرف هنداوى

هي الكاملة قصدي 2 abs فعلا حتنزل في شهر 10 مش دلوقتي ؟

اللى فيها 2 ايرباج و abs اللى موجودة دلوقتى اللى فى الصور دى

اساسى فى الفئتين

السلام عليكم صقور النيسان
انا بيتهيألى انها سوف تتفوق على الاكسنت RB والاوبترا.....واحتمال كمان اللانسر 1300
ومحدش يضرب

بس العنوان فين بالظبط عشان الواحد يعاين ع الطبيعه :)

المشاركة الأصلية كتبت بواسطة aldooo

السلام عليكم و رحمة الله و بركاته ...

هذه أول مشاركة لى فى هذا المنتدى المحترم والذى يزيده احتراما هو انتساب هذه المجموعة من الاعضاء والنخبة ويقف بالفعل لسانى عاجزا لاصف أو أجد كلمات تصف هؤلاء الاعضاء المحترمين.

أما بالنسبة للنيسان صنى الجديدة أرجو من السادة الاعضاء ان يتحملونى فى اطالتى و التى لها مغزى و فائدة إن شاءالله.
- تعرضت لحادث أليم أنا و أسرتى منذ ثلاثة أشهر تقريبا تحت منزلى مباشرة وأنا داخل السيارة (هيونداى نيو أكسينت 2008 ) و نتيجة لهذا الحادث مازلت اتلقى العلاج انا و زوجتى و لكننا الحمد لله أفضل بكثير و ابنى الحمد لله تعافى تماما ولكنه فقد احدى اسنانه الامامية بالرغم من انه كان جالس فى المقعد الخلفى وهذا لعدم توافر اى عوامل أمان فى السيارة أما السيارة فالحمد لله تدمرت بالكامل.

بعد هذا الحادث تغيرت و جهة نظرى كليا لتقييم اى سيارة بعد ان كنت ابحث عن الشكل و الكماليات اصبحت ابحث عن عوامل الامان و ما هى مدى اعتمادية السيارة و أصبح الشكل و المواصفات يأتى فى المقام الاخير..... و بدأت رحلتى فى البحث عن سيارة تتوافر فيها عوامل الامان المناسبة و ذات سمعة جيدة وسعر مناسب أيضا و بدأت أقرأ و أطلع على هذا المنتدى الموقر و الذى أفادنى بشكل كبير بهذا الكم الكبير من المعلومات عن السيارات و كيفية الاختيار و بعد ان دخلت النيسان صنى الجديدة ضمن اختيارتى و بعد ان شاهدتها على الحقيقة و جدها الافضل بدون مبالغة فى كل شيىء:-

1. توافر عوامل الامان (2 اير باج , اي بى أس , إى بى دى , بى اى)
2. السعر المناسب لو افترضنا 105 ألف فهى تدخل فى نفس الفئة السعرية مع أكسنت أر بى و أوبترا و كلاهما خالى من أى عوامل أمان ناهيك عن التوكيلين عن تجربة سيىء للغاية.
3. اما بالنسبة للمساحة الداخلية للنيسان فهى واسعة جداجداجدا وأيضا الشنطة الخلفيه حوالى 490 لترز
4. الشكل ليس أفضل شيىء و لكن نتيجة لتجربتى ليس له وزن من وجهة نظرى
5. الخامات المستخدمة داخليا فى المقاعد أفضل من الشكل القديم بكثير و تم تلافى بعض عيوب التقفيل فى الموديا القديم.
6. العزل أفضل بكثير (متسمعش صوت الماتوور بالداخل و لا أصوات من بالخارج ).
7. التابلووه غير غنى بالمره ولكن شكل العددات مقبول و اضاءتها كما يوجد كمبيوتر لحساب استهلاك البنزين(زى الاوكتافيا).

أخيرا فى المجمل لن تجد سيارة بها كمية عوامل الامان و ذات اعتمادية جيدة و بمواصفات تقنية جيدة و سمعة جيدة و كمان توكيا محترم بشهادة الجميع مثل النيسان صنى الجديدة فى نفس الفئة السعرية.... و أسف على الاطالة

يا باشا انت ماتتصورش أفدتنى ازاى لأنى فعلا كنت فى حيرة شديدة بين ال ار بى والنيسان وقولت ال ار بى أشيك بكتير و ستيب ترونك وبنفس السعر تقريبا ومتجمعة فى كوريا بس لما قرأت الكلام الى انت كاتبه قولت لنفسى هعمل ايه بالشياكة لو حصل حاجة وانا وولادى فى العربية لا قدر الله؟؟؟ لسة أخويا عامل حادث على الدائرى دخلت فىه عربية نقل بمقطورة من ورا ولولا ستر ربنا طبعا فى الأول ثم عوامل الأمان الى حضرتك بتتكلم عنها زى الاير باج عمرة ما كان هيطلع عايش أبدا نظرا لحجم التدمير الى حصل فى العربية وقوة الصدمة. الحمد لله العربية اترمت فى الزبالة.
ولهذا فعلا بالنسبة لشخص مثلى ومثلك عنده أسرة خايف عليها ومش عايش فى سن المراهقة نفسه يجرى بالعربية ويستمتع بشوية شياكة فان الصنى اختيار عاقل جدا وحكيم وفى انتظار المزيد من المعلومات والتقارير من السادة الأفاضل القائمين على المنتدى وبارك الله فيكم.

انا اتفرجت عليها امبارح على فكره العربيه على الطبيعه اشيك كتير من الصور
وواسعه جدا من الخلف وخامتها كويسه بالنسبه لسعرها بس ناقص حد يفيدنا
بتقرير عن تجربتها فى القياده

العربية دى أنا مستنى نزولها من فترة وإتقال حتنزل 10 يونيه وبعدين دلوقتى فيه كلام إنهها حتنزل شهر 10
ياريت المختصين فى شركة نيسان مصر يقولولنا حتنزل إمتى بالضبط - أقصد الأسعار والحجز والأستلام .

كمان فيه سؤال فنى بخصوص الجير الأوتوماتيك هو cvt صحيح والكاتينة جنزير - زى الصنى القديم - ولا سير ؟؟ .

فين الحملة الدعائية المسبقة من الشركة والتعريف بالمنتج الجديد بمنتهى الشفافية - كلمة العصر ده الشهيرة - ولا فى أى كلام فى الموضوع ده وليه الغموض ده كله من الشركة.

مستنى الأجابة والرد من الناس المختصين فى شركة نيسان مصر ومن الناس اللى عارفة وفاهمة .

يا جدعان خلينا نفكر بالعقل
انتوا بتتكلموا علي عربية في حدود 100 الي 105 الف يبقي الي عاوز يشتري عربية فالسعر دة يبقي ادامة اما الاكسنت الار بي الي فيها نفس المواصفات دي سعرها 111.5 ألف او الكيا ريوا 112.5 الف والكيا ريوا 1400 سي سي مبدئياً كدة
لو اتكلمنا علي الثبات والإتزان علي الطريق الاكسنت والكيا زبالة مقارنة بالصني الجديدة الاتزان بتعها احلي لاحظوا ياجماعة في الصور الي فاتت وفالطبيعة انه يوجد تكسيحة في سقف السيارة زي ميكون كدة تجوييف بيساعد العربية علي الاتزان فالسرعات العالية ودة بيقولة الناس الي اختبرت السيارة دي فالمصنع وعلي فكرة السيارة مش جديدة السيارة دي بقالها سنة فالصين وحوالي ست اشهر فالخليج والكل بيشكر فيها وادي اعلان ليها فالخليج نتفرج علية يمكن ينفع فحاجة
http://www.youtube.com/watch?v=DQGFuSx-NNc

لو اتكلمنا علي الوسع من جودة الصني الجديدة اوسع من الاكسنت الار بي والكيا ريوا
لو اتكلمنا علي الاستهلاك فالوقود الصني 1500 سي سي ديوال انجكشن استهلاكها وسط بين الكيا 1400 سي سي والاكسنت الار بي 1600 سي سي ومحركها 1500 سي سي مناسب مع التكييف والجري واستهلاك وقود اقل
الي يفحص العربية دي ياجماعة يلاحظ مثلا خلف الاكصدام الأمامي يوجد كساحة صلب عشان لو لقدر الله اي حدثة تكسر الإكصدام تلاقي وراة كساحة صلب تحمي الموتور وفوق الردياتير برضوا كسحة صلب تانية تحمي الردياتير والابواب فيها دعامات صلب يعني العربية بالعربية نيسان راعت فيها عيوب كتير كانت موجودة فالموديل الاقدم
1- وسع الصالون من جوة
2- شكل العربية من برة
3-استهلاك الوقود اقل
4-عفشة اقوي واحلي وتم اختبارها علي المضمار بتاع النيسان الاكس تريل
والخلاصة سعر مش هتعرف تجيب بيه عربية بالمواصفات دي اقصد مواصفات يا جماعة مواصفات مش فرش وعفش وتقفيل وكدة بتكلم علي اتزان وثبات واستهلاك اقل للوقود وووووووووووووووو نيسان