الموضوع: نيسان صنى الان فى مصر

المشاركة الأصلية كتبت بواسطة limo81

السلام عليكم صقور النيسان
انا بيتهيألى انها سوف تتفوق على الاكسنت rb والاوبترا.....واحتمال كمان اللانسر 1300
ومحدش يضرب :n_no[1]:

مافيش ضرب ياباشا .. ده انت منورنا

المشاركة الأصلية كتبت بواسطة limo81

بس العنوان فين بالظبط عشان الواحد يعاين ع الطبيعه :)

توكيل أوتوا اجيبت نيسان .. آخر شارع سوريا المهندسين على الشمال

المشاركة الأصلية كتبت بواسطة mody3on

من غير ضرب هي تتفوق عليهم في وسائل الامان واعتمادية كويسة ومشاكل قليلة ووسع داخلي كويس بالنسبة لفئتها , بس بصراحة شايف الهايلاين مفروض متزيدش عن 110 الف بالكتير , عشان شكلها مش حلو خالص وموتور 99 حصان اقل من فئتها بكتير ( ما عدا الاوروبي ) , لو ب 105-110 الف وفيها كل الكماليات تبقى كويسة , بس انا شايف التيدا احسن منها ( بس غالية اوي ) , من الاخر هي عربية عملية وفيها وسائل امان ومريحة وواسعة بس معتقدش تناسب شباب اوي ( ك driving و handling وسحب ) وعن نفسي مبحبش ال cvt

+11111

المشاركة الأصلية كتبت بواسطة GRADER

يا باشا انت ماتتصورش أفدتنى ازاى لأنى فعلا كنت فى حيرة شديدة بين ال ار بى والنيسان وقولت ال ار بى أشيك بكتير و ستيب ترونك وبنفس السعر تقريبا ومتجمعة فى كوريا بس لما قرأت الكلام الى انت كاتبه قولت لنفسى هعمل ايه بالشياكة لو حصل حاجة وانا وولادى فى العربية لا قدر الله؟؟؟ لسة أخويا عامل حادث على الدائرى دخلت فىه عربية نقل بمقطورة من ورا ولولا ستر ربنا طبعا فى الأول ثم عوامل الأمان الى حضرتك بتتكلم عنها زى الاير باج عمرة ما كان هيطلع عايش أبدا نظرا لحجم التدمير الى حصل فى العربية وقوة الصدمة. الحمد لله العربية اترمت فى الزبالة.
ولهذا فعلا بالنسبة لشخص مثلى ومثلك عنده أسرة خايف عليها ومش عايش فى سن المراهقة نفسه يجرى بالعربية ويستمتع بشوية شياكة فان الصنى اختيار عاقل جدا وحكيم وفى انتظار المزيد من المعلومات والتقارير من السادة الأفاضل القائمين على المنتدى وبارك الله فيكم.

حمدلله على سلامة اخو حضرتك

المشاركة الأصلية كتبت بواسطة hamed190000

انا اتفرجت عليها امبارح على فكره العربيه على الطبيعه اشيك كتير من الصور
وواسعه جدا من الخلف وخامتها كويسه بالنسبه لسعرها بس ناقص حد يفيدنا
بتقرير عن تجربتها فى القياده

الاستاذ احمد ومصطفى والاستاذ كريم منير هيعملوا تقرير عن القيادة قريباا

المشاركة الأصلية كتبت بواسطة takakan2005

العربية دى أنا مستنى نزولها من فترة وإتقال حتنزل 10 يونيه وبعدين دلوقتى فيه كلام إنهها حتنزل شهر 10
ياريت المختصين فى شركة نيسان مصر يقولولنا حتنزل إمتى بالضبط - أقصد الأسعار والحجز والأستلام .

كمان فيه سؤال فنى بخصوص الجير الأوتوماتيك هو cvt صحيح والكاتينة جنزير - زى الصنى القديم - ولا سير ؟؟ .

فين الحملة الدعائية المسبقة من الشركة والتعريف بالمنتج الجديد بمنتهى الشفافية - كلمة العصر ده الشهيرة - ولا فى أى كلام فى الموضوع ده وليه الغموض ده كله من الشركة.

مستنى الأجابة والرد من الناس المختصين فى شركة نيسان مصر ومن الناس اللى عارفة وفاهمة .

اعلى فئة اللى هتنزل في شهر 10

فى خلال اسبوع انشاء الله هيعلنوا كل حاجة

الفيس العادى مش cvt

المشاركة الأصلية كتبت بواسطة mozalol

يا جدعان خلينا نفكر بالعقل
انتوا بتتكلموا علي عربية في حدود 100 الي 105 الف يبقي الي عاوز يشتري عربية فالسعر دة يبقي ادامة اما الاكسنت الار بي الي فيها نفس المواصفات دي سعرها 111.5 ألف او الكيا ريوا 112.5 الف والكيا ريوا 1400 سي سي مبدئياً كدة
لو اتكلمنا علي الثبات والإتزان علي الطريق الاكسنت والكيا زبالة مقارنة بالصني الجديدة الاتزان بتعها احلي لاحظوا ياجماعة في الصور الي فاتت وفالطبيعة انه يوجد تكسيحة في سقف السيارة زي ميكون كدة تجوييف بيساعد العربية علي الاتزان فالسرعات العالية ودة بيقولة الناس الي اختبرت السيارة دي فالمصنع وعلي فكرة السيارة مش جديدة السيارة دي بقالها سنة فالصين وحوالي ست اشهر فالخليج والكل بيشكر فيها وادي اعلان ليها فالخليج نتفرج علية يمكن ينفع فحاجة
‫الإعلان الرسمي لنيسان صني 2012 الجديدة كلياً‬‎ - YouTube

لو اتكلمنا علي الوسع من جودة الصني الجديدة اوسع من الاكسنت الار بي والكيا ريوا
لو اتكلمنا علي الاستهلاك فالوقود الصني 1500 سي سي ديوال انجكشن استهلاكها وسط بين الكيا 1400 سي سي والاكسنت الار بي 1600 سي سي ومحركها 1500 سي سي مناسب مع التكييف والجري واستهلاك وقود اقل
الي يفحص العربية دي ياجماعة يلاحظ مثلا خلف الاكصدام الأمامي يوجد كساحة صلب عشان لو لقدر الله اي حدثة تكسر الإكصدام تلاقي وراة كساحة صلب تحمي الموتور وفوق الردياتير برضوا كسحة صلب تانية تحمي الردياتير والابواب فيها دعامات صلب يعني العربية بالعربية نيسان راعت فيها عيوب كتير كانت موجودة فالموديل الاقدم
1- وسع الصالون من جوة
2- شكل العربية من برة
3-استهلاك الوقود اقل
4-عفشة اقوي واحلي وتم اختبارها علي المضمار بتاع النيسان الاكس تريل
والخلاصة سعر مش هتعرف تجيب بيه عربية بالمواصفات دي اقصد مواصفات يا جماعة مواصفات مش فرش وعفش وتقفيل وكدة بتكلم علي اتزان وثبات واستهلاك اقل للوقود وووووووووووووووو
نيسان

مش حلو الاعلان ده :d

بس كلام مظبوط ما عدا حكاية الشكل الخارجى دى

المشاركة الأصلية كتبت بواسطة mody3on

اتفق معاك في معظم الحاجات زي السعر الكويس والوسع والعفشة المريحة
ولكن اسمحلي , حضرتك ازاي حكمت ان ثباتها واتزانها احسن من الاكسنت والريو ؟
وبعدين الريو 1400 cc بس 110 حصان والصني 1500 cc بس 99 حصان , يعني القوة مش بالسعة والصني مش اقوى من الريو ولا حاجة , وبعدين الريو اصلا سحبها مش ممتاز ما بالك بالصني !
وشكل العربية مش احسن اوي من القديمة بصراحة , انا بس عايز اعرف ليه منزلوهاش بالموتور بتاع امريكا 1.6 109 حصان ؟ او حتى موتور التيدا ! اعتقد لان السعر كان هيعلى ومكانتش هتنافس بس مش مبرر بصراحة
كل اعتراضي فيها على حتة الموتور بس , لكن كقيمة مقابل السعر كويسة وعملية ( امان-وسع-راحة-رخيصة) ,

+11111111

منور يامودى باشا

المشاركة الأصلية كتبت بواسطة CryptonX

شكرا يا باشا على الصور .. انا على فكرة لقيتها في مدينة نصر .. وركب جواها ..
المفروض تتسمى نيسان "صيني" بجد ..

خامات و تصميم داخلي و خارجي اي كلام ! اي كلام اي كلام يعني ! حرام يتحط عليها علامة نييسان .. كانوا سابوها داشيا ولا حاجة ...

العفو ياباشا تحت امرك

ههههههههههه مش للدرجادى :d

السيارة ديه يا جماعة إقتصادية فى كل حاجة حتى إقتصادية فى الخامات الداخلية

والله مادفع فيها جنيه
دى ال128 انضف منها بمرااااااااااااااحل
الجيل السابق شيك وجميل وممتاز خصوصا السوبر صالون لكن دى يتقال عليها لوكال صالون - رابتش صالون

ههههههههههههههههههههههههه ههههههه