الموضوع: نيسان صنى الان فى مصر

المشاركة الأصلية كتبت بواسطة mollaelolla

لا معلش بقى انا اول واحد قلت علع موضوع الكساحة و قلت انى فوجئت ان هذا الاكصدام البرىء يخفى خلفه قنطرة صلب .... انا مسكتها بنفسى و ماكنتش مصدق

ايوة كدة كلمني علي قنطرة صلب وراء الإكصام الأمامي والخلفي ..... كلمني عن 1500 سي سي ديوال انجكشن في عز ازمة الوقود الي احنا فيها ...... وكلمني وكلمني عن سير كاتينة جنزير يعني خدمة شاقة والوحيدة في فأتها السعرية فيها الموضوع دة ....... هوا دة الكلام والنقد البناء
مش تكلمني علي حقوق الانسان في الدول النامية وتقلي 128 وجبنة باندا وكدة

المشاركة الأصلية كتبت بواسطة yakoot

العربية شوفتها وركبتها ياجماعة العربية ممتازة جدا كشكل وموضوع الشكل دا ازواق والعربية من جوة بحر مشفتش وسع فى عربية زى دى فى نفس الفئة حتى الإلنترا ركبتها ورجعت الكرسى للاخر الكنبة الى ورا ضيقة

العربية يعيبها فى نظرى الخامات الداخلية ( هى معظمها بلاستيك ولكن بمقارنة عربيات فى نفس الفئة السعرية معظمها بلاستيك حتى الإلنترا معظمها بلاستيك من الداخل )

وبالنسبة للشكل الداخلى فهى ازواق والموضوع نسبة وتناسب يعنى انا ممكن اتقبل الشكل الداخلى والخارجى كمان فى مقابل انى اخد عربية اعتمادية وموفرة وسمعت كمان ان قطع الغيار هتبقى ارخص من القديمة

يعنى مميزاتها اكثر من عيوبها !! مش عارف انا النقد الى على العربية الى لسه حتى متجربتش فى السوق

واظن والله اعلم ان العربية بالماتور مش هتبقى بطة زى مالناس متوقعة بل بالعكس انا متوقع ان يكون السحب والعزم ممتاز جدا

100 100 ياباشا كلام زى الفل

للالاسف الناس مش متوقعه انها تكون بطة فى تقريرين فى المنتدى فى واحد اجرها فى قطر و ممكن تقروا تعليقه على السحب و التكييف و كمان اخ فى العراق و قال ان السحب 7/10 و مستنين المصريين يقولولنا رايهم خصوصا اللى هيستلموا فى 15/6 انا شفتها امبارح فى نيسان المعادى نفس اللون اللى فى التقرير مش عارف دا مقرر و لا ايه شكلها حلو من بره و من جوة لا تعليق و دا مش راى الناس فى مصر اقروا التعليقات فى الخليج و فى الهند

هل فعلآ الكاتينة جنزير ولا ده كلام دعاية ؟

المشاركة الأصلية كتبت بواسطة yakoot

العربية شوفتها وركبتها ياجماعة العربية ممتازة جدا كشكل وموضوع الشكل دا ازواق والعربية من جوة بحر مشفتش وسع فى عربية زى دى فى نفس الفئة حتى الإلنترا ركبتها ورجعت الكرسى للاخر الكنبة الى ورا ضيقة

العربية يعيبها فى نظرى الخامات الداخلية ( هى معظمها بلاستيك ولكن بمقارنة عربيات فى نفس الفئة السعرية معظمها بلاستيك حتى الإلنترا معظمها بلاستيك من الداخل )

وبالنسبة للشكل الداخلى فهى ازواق والموضوع نسبة وتناسب يعنى انا ممكن اتقبل الشكل الداخلى والخارجى كمان فى مقابل انى اخد عربية اعتمادية وموفرة وسمعت كمان ان قطع الغيار هتبقى ارخص من القديمة

يعنى مميزاتها اكثر من عيوبها !! مش عارف انا النقد الى على العربية الى لسه حتى متجربتش فى السوق

واظن والله اعلم ان العربية بالماتور مش هتبقى بطة زى مالناس متوقعة بل بالعكس انا متوقع ان يكون السحب والعزم ممتاز جدا

بصراحه بعد ما قريت الكلام الجامد ده ما قدرتش امسك نفسي و رحت اوتو ايجبت مدينه نصر و اتفرجت علي العربيه علي الطبيعه هناك .
ملحوظاتي المبدئيه عليها كالتالي :
طبعا مش حاتكلم علي الشكل الخارجي او الداخلي علشان دي ازواق و كل واحد حر في رأيه و رأيي الشخصي ان العربيه جميله جدا من بره و جيده فقط من جوه و ده لأن احساسي بوحده العدادات انها فقيره جدا و يمكن لما تنزل السوبر صالون بالعدادات الليزر الدنيا حالها يبقي احلي من كده بكتير و نيجي بقا لحصر النقط في العربيه .
1 - العربيه متقفله احسن من اللي الشكل القديم بكتير ( و يا خوفي يكون جر رجل في اول كام دفعه و خلاص )
2 - الخامات المستخدمه في الفرش فعلا محترمه جدا و الكراسي مريحه قوي .
3 - الصالون بحر مالوش آخر ( العربيه فعلا وسعوها بشكل مبهر )
4 - حته الخامات الضعيفه و البلاستيكات اللي كل الكلام عليها - بصراحه انا مش شايفها بالرداءه اللي الناس صورتها و قالت في حقها كلام اقل من قيمتها بكتير هي آه خامات بلاستيك لكن جيد جدا و زيها زي كل العربيات الجديده .
5 - الأطارات ( ماكسيس ) و عيب علي نيسان انها توفر للدرجه دي - يعني العربيه لو كانو زودوا تمنها 1000 جم مع الأحتفاظ بالاطارات البريدجستون الياباني كان حايرفع من اسهمها جدا لكن كده عيب و اعتقد ان فرق التوريد اقل من الزياده اللي قلتها .
6 - موضوع ان المحرك 1500 سي سي لن يحسم الا بالتجربه علي ارض الواقع .
و صدقوني يا جماعه اللي علي الورق حاجه و التجربه الفعليه حاجه تانيه خالص .
و عاده بيتم اللعب في نسب اشواط الفتيس للتسارع او في توقيت فتح و قفل الصبابات .
فمافيش داعي للمقارنه النظريه من واقع الأرقام المعلنه في البروشورات و علي النت
الفيصل الحقيقي هو الشارع و احساسك الشخصي بتسارع العربيه .

علي فكره انا سني مش صغير و متزوج و معي بنتين و ولد و امتلكت و سقت الكثير من السيارات زيرو و مستعمل و العربيه دي اعتقد انها حاتعمل شغل ممتاز انشاء الله الفتره اللي جايه .
تقبلوا مروري و صباح الفل علي الصقور كلها.

اعربية الخامات الى فى الصالون مصرى اكيد و دة علشان نسبة ال40 فى المية و دة بيفرق عن المستوردة بالكامل بس الباقى كلة يابانى ودة مش ممكن تلاقية بالسعر دة ابدا
العربية حتنجح جدا واراهن و ذلك كسيارة عائلية مصرية و خصوصا لو استهلاكها فى البنزين قل عن استهلاك الصنى الحالية الى عيبها الوحيد من رايى هو علو معدل استهلاك البنزين