حصريا على نايل موتورز وبس، اول تقرير عن بيجو 508 الجديدة

**my3fox** · 04-08-2013 10:07 PM

هي هي نفس العربية و بنفس اﻹمكانيات....حسب ما التوكيل بيقول....بس اللي بيختلف سنة الصنع......
طب الفيس ليفت حينزل إمتي يا توكيل..... معندناش فكرة و الله
شكرا يا توكيل

**eleanor** · 04-08-2013 11:29 PM

لسا مافيش فيس ليفت نزل من شركه بيجو الام على مستوى العالم لانه فى 3 اشكال هيختارو منهم

**meerothe1st** · 10-08-2013 02:48 PM

السلام عليكم
انا ليا استفسار للملاك.
والدى اشترى السيارة من اسبوع وهى عاملة دلوقتى 500 كيلو
العربية ماشاء الله رائعة فى كل حاجة، المشكلة الوحيدة اللى لاحظتها هى ان التكييف ضعييف.
يعنى والدى كان معاه فلوانس و a5 وفى فرق ملحوظ بينهم. أنا معايا هوندا وكارينز ومفيش مقارنة أساسا.
وهو تكيفها ضعيف ولا فى مشكله فى عربية والدى ولا هو بيتحسن مع الوقت
فى برضو حاجة حسيت بيها ان وانا واقف دايس فرامل على d فى رجة بسيطة
أرجو الإفادة مع الشكر.

**eleanor** · 11-08-2013 05:56 AM

المشاركة الأصلية كتبت بواسطة meerothe1st

السلام عليكم
انا ليا استفسار للملاك.
والدى اشترى السيارة من اسبوع وهى عاملة دلوقتى 500 كيلو
العربية ماشاء الله رائعة فى كل حاجة، المشكلة الوحيدة اللى لاحظتها هى ان التكييف ضعييف.
يعنى والدى كان معاه فلوانس و a5 وفى فرق ملحوظ بينهم. أنا معايا هوندا وكارينز ومفيش مقارنة أساسا.
وهو تكيفها ضعيف ولا فى مشكله فى عربية والدى ولا هو بيتحسن مع الوقت
فى برضو حاجة حسيت بيها ان وانا واقف دايس فرامل على d فى رجة بسيطة
أرجو الإفادة مع الشكر.

بالنسبه للتكيف العربيه ماشاء الله تكيفها حلو جدا جدا وعمرك ماهتحتاج تعليه لاعلى درجه
والمفروض العربيه مافيهاش رجه ولا اى حاجه
شوف البنزين نضيف ولالا لو البنزين كويس يبقى روح التوكيل ويستحسن توكيل غمره علشان فاهمين وعندهم كل حاجه
وان شاء الله هاتطلع بسيطه و90 % سوء بنزين

**nofal010011229** · 12-08-2013 01:11 PM

المشاركة الأصلية كتبت بواسطة meerothe1st

شكرا لرد حضرتك
أنا متوقع ان موضوع الرجة ممكن يكون فعلا من البنزين
فى حد جرب مركز أبو رواش لأنه أقرب ليا بكنير

نصيحة اخي الكريم بلاش ابو رواش انا روحت في صيانة ال 2500 كان دون المستوي في كل شيء حاسس ان الناس اللي هناك دون المستوي انا كان ليا استفسارات والمهندس اللي قابلني ضعيف ومستوي المكان سيء

**ALshahba** · 15-08-2013 01:33 AM

برجاء يا جماعه اي حد يشتري 805 او اي عربيه تيربو ياريت اول تفويله تكون بنزين 95
وبعد كده حطلها 92 ...... حتلاحظ فرق ملحوظ

**MoH.SaLaDiN** · 15-08-2013 10:44 PM

ماشاء الله عربية روعة بجد

**ALshahba** · 03-09-2013 02:37 PM

زملائي الاعزاء اهلا بكم .... احب ان انقل لكم نتيجة حوار دار بيني وبين سائق بيجو 508 الجديده:

بعد السلام والتحيه دخلت علي طول فى الموضوع وسألته عن استهلاك البنزين وقالي......عالي جدا !!!!!

يعني بيعمل فى تفويلة 100جنيه (54لتر) فئة 92 حوالي 270-28كم فقط ..... انا استغربت جدا واكدت عليه اجابته واكد عليا ماقاله وقالي ده طبعا بتشغيل التكيف ومن غير التكييف بتعمل حوالي 310-320كم !!!!

اما السؤال التاني فكان عن الثبات والراحه ..... قالي:
فى المطبات بسمع صوت تخبيط ودب عالي ورا وبالاخص فى مطبات الفواصل .... وقارن بينها وبين الفانتازيا اللي كان راكبها قبل كده وقالي ...... بسمع برضه نفس الدب ولك اقل من البيجو

لكن بصفة عامه (علي حد قوله) انها جميله وطياره وسحبها وثباتها عالي