الموضوع: تقرير عن فورد فوكاس 2012

المشاركة الأصلية كتبت بواسطة lolo414

بعد اذن حضرتك عندي استفسار

هي اللي مع حضرتك الفل اوبشنز صح؟

لو ده صح كنت عايز أسألك ايه التجهيزات القياسيه في الفورد فوكس
يعني اقل فئه اوتو بتنزل بايه؟

تحياتي

انا عربيتي الهاي لاين فعلا لكن بالنسبة لأقل فئة اللي هي الاوتوماتيك تريند سعرها 158000

وتجهيزاتها : 1600 سي سي - 125 حصان - abs - ebd - esp - ba - تكييف عادي - 2 زجاج كهرباء امامي - كاوتش 16 طاسات - cd - ريموت كونترول

المشاركة الأصلية كتبت بواسطة mzeid

الخاصية دي اسمها parking lights و دي خاصية في كل السيارات الالماني حتى السكودا

كل الأوربى يوجد به هذه الخاصيه وهى موجوده عندى فى اللينيا

المشاركة الأصلية كتبت بواسطة ayman2

كل الأوربى يوجد به هذه الخاصيه وهى موجوده عندى فى اللينيا

اه مانا عرفت الموضوع ده اصل انا جديد في الاوروبي طول عمري راكب كوري هانعمل ايه

المشاركة الأصلية كتبت بواسطة dr.hazem

طيب عندي سؤال لحضرتك...
تختار فوكس تريند ولا النترا 2013 ال1.8؟؟ احب تسمع وجهة نظرك...
تحياتي

sent from my se arc s using forum runner

سؤال صعب انت كده زنقتني :)
اصل انا قبل الفوكاس كان معايا النترا 2007 الشكل اللي قبل اللي موجود وطبعا كنت مسميها الاصيلة عمرها ما كسفتني او خذلتني لمدة 5 سنين ب 150 الف كيلومتر
بس انا هاقولك رايي انا عن نفسي مش حابب قوي الشكل الجديد للالنترا انت عارف الشكل ده اذواق وهما مبالغين فيه قوي الصراحة يعني في الكرفات و السوك وكده كان المفروض تبقى سيمبل شوية عن كده زي ما هو معتاد من الالنترا ده زائد ان الالنترا معروفة بالعفشة الناعمة انما الشيب الجديد ده عفشته ناشفة شوية وده بردو جديد على الالنترا غير كده هي طبعا عربية محترمة محدش يقدر يقول غير كده
على صعيد أخر بقى واسمحلي اقولك صعيد في وسط الكلام يعني على راي الفنان كريم عبد العزيز :) الفوكاس عالم تاني ممكن تكون مش سخنة قوي زي الالنترا في طلعتها الهجومية انما لما تقول يا جري محدش يعرف يوقفها ده الي جانب انها بتديك ثقة فوق الوصف لا يهمها ملفات ولا غرز ايا كانت السرعة اللي انت ماشي عليها ثبات رهييييب ويوم ما تحب تقف مش لازم تدوس فرامل ممكن تشخط فيها بس هاتلاقيها كلبشت في الارض :)) وعفشتها ناعمة بس في نفس الوقت صعبة الانضغاط بتخبطش في المطبات زي الالنترا كده كانت ناعمة انما لو اتنين قعدوا ورا اي مطب ممكن يصنفر العربية من تحت عادي جدا
في النهاية رغم فرق الكماليات الرهيب ما بين العربيتين التريند والالنترا 2013 فانا برشحلك الفوكاس لو حضرتك زي حلاتي كده ما كنتش جربت الالماني قبل كده وكنت واخد على الكوري يبقى توكل على الله في الفوكاس هاتحس فعلا بالفرق