تقرير عن فورد فوكاس 2012

**AYMH** · 02-04-2013 09:38 AM

المشاركة الأصلية كتبت بواسطة mohamed fawzy

على فكرة حصلي النهاردة موقف حبيت اقولكو عليه

كنت متاخر على الشغل ومستعجل شوية فقولت اجري شوية رغم ان انا ملتزم جدا بالتليين المهم ما جريتش قوي يعني جيبت 140 وانا ماشي في الشمال لقيت ميكروباص كان ماشي في النص كسر عليا فقولت اخد غرزة من يمينه واسيبه هو يكمل في الشمال واول ما طلعت منه لقيت في وشي عربية نقل ماشية في اليمين وهو كان بيفاديها وانا مش شايفها طبعا المهم العربية دي من العربيات بتاعة النضافة اللي بترش مية وراها وهي ماشية على سرعة 20 مثلا فلقيتها قدامي والميكروباص بقى على شمالي جنبي بالظبط وانا ماشي 140 والارض كلها مية من العربية النقل طبعا قولت خلاص هي دي النهاية وطبيعي فرملت على الاخر واستنين العربية بقى تعوم وتعرض في الطريق وتلبس في العربية النقل او الميكروباص

انما بفضل الله كل ده ما حصلش العربية وقفت عادي جدا كان مفيش مية وكاني ماشي على 40 مش 140 ومن غير متحدف سنتي يمين او شمال طبعا احترمت العربية جدا وقلت لو كانت الالنترا هي اللي معايا في الموقف ده رغم احترامي الشديد للالنترا كان زمان الناش قشرتني من على العربية النقل

الحمد لله قدر ولطف :_alshmokh22[1]:

اتزان العربيه ممتاز بس المشكله انها بتاكل التيل

**aliabdo** · 02-04-2013 10:35 AM

العربيه دي من ساعت ما شوفتها و انا مهبول بيها ؛ انا كذا مره اشوفها فى المعرض من بعيد و مرضاش اروح اتفرج عليها عشان عارف لو شوفتها حدبس منه لله بقى بتاع السيليز هو الى فرجنى عليها مع انى كنت عايز اجيب تيدا او لينيا

**aliabdo** · 02-04-2013 10:37 AM

انا بتكلم بس على فرق السعر مش اكتر انما العربيه بنام احلم بيها و موهوم بيها

**e_abouelregal** · 06-04-2013 05:44 AM

ممكن اعرف اخبار توافر قطع الغيار ايه
انا اصلا بافكر فى التحفة دى اللى اسمها فوكس بس يعنى معى صديق بيفضل جيتا
وبيقول اعادة بيعها افضل ودى لحد الان اعتقد معاه حق وكمان بيقول قطع الغيار متوفرة للجيتا
نفسى فى مقارنة بين الاثنين من جميع النواحى لو حد يساعدنى لو سمحتم
شكرا

**yehiaseg** · 06-04-2013 02:55 PM

قطع الغيار متوفره في التوكيل ، التوكيل بجد داعم العربيه دي كويس جدا، لدرجه ان المساحه اللي عندي في الزجاج الخلفي اتكسرت ، فقلت اكيد مش هلاقيها في التوكيل علشان العربيه جديده وكده، المهم روحت ولاقيتها والحمدلله ، بالنسبه لاعاده البيع انت اصلا لسه مشتريتشي يبقي ليه هتبيع!!!؟؟؟؟، ده نصيب ، لو عامل اعاده البيع مهم يبقي خليك في الكوري وبرده نصيب:)، اعتقد المهم ميزانيتك وعوامل الامان وتوافر التوكيل ومعاملته، والشكل وطبعا استخير واصبر واستشير واي خدمه:)

**e_abouelregal** · 07-04-2013 06:21 AM

شكرا انا برضه بقول يوم ما ابيع يحلها الف حلال بس الواحد ان شاء الله يركب عربية كويسة الاربع خمس سنوات القادمة ان شاء الله

**h_soly** · 12-04-2013 09:29 AM

يا جماعه عندي سؤال
أيه افضل شركة تأمين بيتعامل معاها توكيل فورد ؟ ولا كل زي بعض

**yehiaseg** · 12-04-2013 12:40 PM

انا مجربً كونتاكت ، جيده جدا

**h_soly** · 12-04-2013 08:04 PM

الف شكر على رد حضرتك السريع

**yehiaseg** · 13-04-2013 01:50 AM

ياباشا تحت امرك، اسأل حضرتك بس واحنا تحت امرك، الحمدلله شوفت فوكس هاتش باك النهارده حمرا ماشاءالله لون جامد جدا

الموضوع: تقرير عن فورد فوكاس 2012

LinkBack

أدوات الموضوع

عرض

المواضيع المتشابهه

تقرير كامل بالاسعار عن فورد فوكاس 2012

فورد فوكاس 2012 للبيع

بعض الاستفسارات عن فورد فوكاس 2012

سؤال على الماشى بخصوص فورد فوكاس 2012 والجمارك

فقط على نايل موتورز اسعار وموصفات فورد فوكاس 2012

الكلمات الدلالية لهذا الموضوع

المفضلات

المفضلات

ضوابط المشاركة