ازاي أعرف إن العفشة محتاجة تتضبط

**dandashx** · 06-06-2012 05:41 PM

حاسس إن العربية بتتهز من جوه أكتر مع المطبات والحفر اللي في الطريق، ومش عارف إذا كان ده طبيعي ولا لأ. ومن اسبوعين كلت مطب على 70كم فخلاني شكيت انه يكون السبب.
لما باركب تاكسي لانوس في نفس الطريق اللي بامشي فيه بعربيتي، باحس إن التاكسي أنعم ومعزول عن الاهتزازات أكتر من عربيتي، عربيتي كليو 2003 ومعرفش هل هي عفشتها كده ولا فيه مشكلة محتاج أبص عليها

السؤال عامة، إمتى الواحد يحس إن العفشة محتاجة تتضبط؟ أو نقول، إيه الأعراض اللي بتقوللي إكشف عالعفشة.

**saadelden** · 06-06-2012 08:24 PM

الاعراض , لو فيه صوت تزييق او تخبيط
الدركسيون بيحدف لواحده

دي الحاجات الي بتبان اوي لو العفشه فيها مشكله
غير كدا روح ربطها و اكشف علي الجلب و الي بايظ غيره

**amrelsaqqa** · 06-06-2012 08:42 PM

رد فعل العربية يكون مبالغ فيه شوية حتى مع ادق تفاصيل الطريق واقل السرعات

يعنى اقل تكسيرة في الطريق تلاقى العربية كلها مدربكة
تنزل حفرة حتى لو ماشى سلانسيه ، تلاقى العربية رزعت ودبت جامد ، وممكن تلاقى في جنب بيرزع اكتر من جنب
تاخد مطب تلاقى العربية اتشالت واتحطت حتى لو كنت ماشى بالراحة
تاخد مطب هوائى على سرعة تلاقى العربية بتتنطط من ورا كأنه كان مطب حقيقى
تحس بكل زلطة وكل طوبة في الطريق وخصوصا في الدركسيون وتلاقيه بيترجرج في ايديك جامد

طبعا مش لازم الاعراض دى كلها مع بعض

**dandashx** · 07-06-2012 01:01 PM

المشاركة الأصلية كتبت بواسطة amrelsaqqa

رد فعل العربية يكون مبالغ فيه شوية حتى مع ادق تفاصيل الطريق واقل السرعات

يعنى اقل تكسيرة في الطريق تلاقى العربية كلها مدربكة
تنزل حفرة حتى لو ماشى سلانسيه ، تلاقى العربية رزعت ودبت جامد ، وممكن تلاقى في جنب بيرزع اكتر من جنب
تاخد مطب تلاقى العربية اتشالت واتحطت حتى لو كنت ماشى بالراحة
تاخد مطب هوائى على سرعة تلاقى العربية بتتنطط من ورا كأنه كان مطب حقيقى
تحس بكل زلطة وكل طوبة في الطريق وخصوصا في الدركسيون وتلاقيه بيترجرج في ايديك جامد

طبعا مش لازم الاعراض دى كلها مع بعض

الحاجات دي كلها نسبية. بالذات أخر حاجة.

أنا عندي رجرجة في الدركسيون مع الحفر اللي في الطريق بس مش عارف أحدد إذا كانت الرجرجة دي طبيعية ولا زيادة عن اللزوم. المفروض أعمل ايه عشان اعرف؟

**Sh_sunsea** · 07-06-2012 01:07 PM

انا بدأت أشعر بالعكس - ان المطبات العربية بتترزع فيها جامد جدا - وتثبت مرة واحدة - حاسس اني ماشي على حديد مش على مساعدين

هل دي تهيؤات - والعكس هو الي معناه ان المساعدين او العفشة محتاجة ضبط - ولا الي انا باشعر بيه ده ليه اسباب ..؟

**amrelsaqqa** · 07-06-2012 01:26 PM

المشاركة الأصلية كتبت بواسطة dandashx

الحاجات دي كلها نسبية. بالذات أخر حاجة.

أنا عندي رجرجة في الدركسيون مع الحفر اللي في الطريق بس مش عارف أحدد إذا كانت الرجرجة دي طبيعية ولا زيادة عن اللزوم. المفروض أعمل ايه عشان اعرف؟

انت ادرى واحد بعربيتك لو كانت مفيهاش العيوب دى قبل كدة يبقى اكيد فيه مشكلة

انت ممكن تروح لواحد عفشجى بس يكون بيفهم
يعنى مش اللى تقول له فك وركب وخلاص

يركب العربية يطلع بيها ياخدها لفة في طريق فاضى وفي شارع مكسر
هيقولك كل اللى فيها

**amrelsaqqa** · 07-06-2012 01:27 PM

المشاركة الأصلية كتبت بواسطة sh_sunsea

انا بدأت أشعر بالعكس - ان المطبات العربية بتترزع فيها جامد جدا - وتثبت مرة واحدة - حاسس اني ماشي على حديد مش على مساعدين

هل دي تهيؤات - والعكس هو الي معناه ان المساعدين او العفشة محتاجة ضبط - ولا الي انا باشعر بيه ده ليه اسباب ..؟

المساعد لما بيبوظ يا ما بيخف يا اما بيحجر

الوصف اللى انت بتقول له اقرب لانه يكون محجر ، بس طبعا الكشف على الحقيقة هو اللى يحدد

**dandashx** · 10-06-2012 02:27 PM

المطبات مش حاسس فيها باختلاف كبير ونا طالع وانا نازل.

الاختلاف لما يكون شارع مش مستوي، يعني زي إشارة روكسي وشريط المترو اللي معدي في وسطها، لما اعدي عليها حتى لو بسرعة 20-30 كم/س باحس إن العربية بتترج جامد وباسمع صوت من تحت

ملحوظة: ماربطتش العفشة من زمان جدا، ممكن يكون الموضوع تربيط وبس، ولا المشكلة ممكن تكون أكبر

**ahmedjumpo** · 10-06-2012 05:55 PM

المشاركة الأصلية كتبت بواسطة dandashx

المطبات مش حاسس فيها باختلاف كبير ونا طالع وانا نازل.

الاختلاف لما يكون شارع مش مستوي، يعني زي إشارة روكسي وشريط المترو اللي معدي في وسطها، لما اعدي عليها حتى لو بسرعة 20-30 كم/س باحس إن العربية بتترج جامد وباسمع صوت من تحت

ملحوظة: ماربطتش العفشة من زمان جدا، ممكن يكون الموضوع تربيط وبس، ولا المشكلة ممكن تكون أكبر

طيب ما تبداء بالارخص و هو تربيط العفشة و كمان و العفشجى بيربط هيقولك على حالة مكونات العفشة و اذا كان فيه حاجة محتاجة تتغير

**dandashx** · 11-06-2012 12:50 PM

المشاركة الأصلية كتبت بواسطة ahmedjumpo

طيب ما تبداء بالارخص و هو تربيط العفشة و كمان و العفشجى بيربط هيقولك على حالة مكونات العفشة و اذا كان فيه حاجة محتاجة تتغير

هاعمل كده ان شاء الله

الموضوع: ازاي أعرف إن العفشة محتاجة تتضبط

LinkBack

أدوات الموضوع

عرض

-

-

-

المواضيع المتشابهه

أعرف ازاي ان المقصات عاوزة تتغير ؟

تعرف ازاي ان خراطيم الفرامل محتاجة تغيير - فيكترا a

ازاي أعرف العربية النصين من السليمة ؟؟

ازاي أعرف الزنون الأصلي

ازاي أعرف ان بلي العجل بتاع العربية خرب

الكلمات الدلالية لهذا الموضوع

المفضلات

المفضلات

ضوابط المشاركة