الموضوع: اسمع مبروووك :) اشتريت سيينا 2002

المشاركة الأصلية كتبت بواسطة nouranwar

+11111111111
و يتحط في القائمة السوداء اللي المنتدي عاملها علشان الميكانيكية الفشلين اعتقد كنت شفت الموضوع ده قبل كده

ايوه انا ناوى احطه فى القايمه السوداء عشان كده مش انا بس اللى بشتكى

المشاركة الأصلية كتبت بواسطة nouranwar

بالنسبة للميكانيكي مفيش ميكانيكية جنبي خالص :(
و اتفقت مع ميكانيكي في شارع فؤاد اول دخلةيمين من شارع فؤاد بعد راديو شاك و لو فيه حاجة هشوف اللي حضرتك قولتلي عليهم لأني مستعجل جدا اني اصلح طقم الدبرياج علشان عندي جيش السبت
ربنا يخليك يا ميسو اكييد هزعجك في اي وقت و في كل وقت

ازاى مفيش جنبك مكانيكيه !!!!! دى كليبوترا وسيدى جابر مليانه مكانيكيه انا كنت اعرف 2 هناك
ده انت لو دورت ممكن تلاقى حد فى الناس دى بتفهم كويس جدا فى السيينا لان المنطقه دىفيها ناس محترمه كتير واكيد السيينا عدت على المكانيكيه اللى هناك لما شبعو ههههههههههههه

وده مكان المكانيكى بتاع البونتو اللى زميلنا هنا وصفه فى الموضوع ده طالما شارع فؤاد اقرب ليك
http://www.nilemotors.net/Nile/299446-40000.html

الميكانيكي اسمه سعيد و مكانه و انت ماشي في شارع فوءاد عدي الاشارة بتاعة البطالسة وخش اول شارع يمين حتلاقيه بجد ملوش حل.

المشاركة الأصلية كتبت بواسطة misoalex

ازاى مفيش جنبك مكانيكيه !!!!! دى كليبوترا وسيدى جابر مليانه مكانيكيه انا كنت اعرف 2 هناك
ده انت لو دورت ممكن تلاقى حد فى الناس دى بتفهم كويس جدا فى السيينا لان المنطقه دىفيها ناس محترمه كتير واكيد السيينا عدت على المكانيكيه اللى هناك لما شبعو ههههههههههههه

وده مكان المكانيكى بتاع البونتو اللى زميلنا هنا وصفه فى الموضوع ده طالما شارع فؤاد اقرب ليك
http://www.nilemotors.net/nile/299446-40000.html

تصدق يا ميسو شكلي د اللي روحتله اصل الميكانيكي ده تحت بيت صاحبي بالضبط و يعرفه
جبت عربية نصف نقل علشان تشد العربية لغاية هناك اخد 70 جنيه و روحتله قالي هي العربية ديه تبع عمرو (صاحبي) قولتله اه قالي تمام هتستلمها مني بكرة قولتله لأ انا ورايا جيش بكره و كده المهم ان شاء الله هستلمها منه الساعة 12 او 1 بالليل
اديتله طقم الدبرياج و البوجيهات و فلتر البنزين و الهواء و سير التقسيمة و زيت الباور و الفرامل قولتله اتعامل هروحله كمان ساعة او اتنين ان شاء الله اشوفه عمل ايه و بالمرة اسأله لو محتاجة تيل او اي سيور تانية و يشوفلي بلية شداد سير الكتينة و اي حاجة محتاجاها علشان اخلص من شغل الميكانيكة اللي فيها بالمرة :b4_048:

طب ابقا طمنا عملت ايه

وابقى قولى طلع هو نفس المكانيكى ولا واحد تانى؟؟

المشاركة الأصلية كتبت بواسطة misoalex

بعد اللى انت حكيته ده وبعد اللى حصل معايا ومع ناس شوفتها من نفس الورشه وكله بيشتكى من نفس المشكله يبقى لازم نعمل موضوع منفصل فيه تحذير من المكان ده عشان كل الناس تعرف لان للاسف فيه ناس لسه بتروحله وبتتخدع زى وزيك من ان المكان كله عربيات سيينا فبتاخد فكره غير الحقيقه ومبتكتشفش ده غير بعد ما بتخسر فلوس ومجهود وبعد حرقه دم

موافق على فكرة عمل موضوع منفصل لتحذير الناس بدل ما تدبس
أعمل الموضوع وأنا هنقل المشاركة دى هناك كنوع من التجربة والتحذير
وأهم حاجة كانت الفلوس وحرقة الدم ( لوحنى فى الفلوس )
سير على بركة الله :)

المشاركة الأصلية كتبت بواسطة nouranwar

تصدق يا ميسو شكلي د اللي روحتله اصل الميكانيكي ده تحت بيت صاحبي بالضبط و يعرفه
جبت عربية نصف نقل علشان تشد العربية لغاية هناك اخد 70 جنيه و روحتله قالي هي العربية ديه تبع عمرو (صاحبي) قولتله اه قالي تمام هتستلمها مني بكرة قولتله لأ انا ورايا جيش بكره و كده المهم ان شاء الله هستلمها منه الساعة 12 او 1 بالليل
اديتله طقم الدبرياج و البوجيهات و فلتر البنزين و الهواء و سير التقسيمة و زيت الباور و الفرامل قولتله اتعامل هروحله كمان ساعة او اتنين ان شاء الله اشوفه عمل ايه و بالمرة اسأله لو محتاجة تيل او اي سيور تانية و يشوفلي بلية شداد سير الكتينة و اي حاجة محتاجاها علشان اخلص من شغل الميكانيكة اللي فيها بالمرة :b4_048:

أنت طلعت عفريت أهو هههههههههه
ابقى طمنا عملت اية ويارب تظبط على كدة ويكون كله تمام

المشاركة الأصلية كتبت بواسطة misoalex

طب ابقا طمنا عملت ايه

وابقى قولى طلع هو نفس المكانيكى ولا واحد تانى؟؟

روحتله امبارح الساعة 11,30 و علي حسب اتفاقنا انه هيخلص الساعة 12 او 1 بالكتير قالي بلية الشداد عايزة تتغير رحت جبتها من شكوكو في صلاح الدين ب 45 جنيه و وديتهاله قالي كاوتشة السيرفو بتاع الفرامل عايزة تتغير علشان مقطوعة رحت دورت عليها ملقيتهاش غير عند واحد بتاع كاوتش في صلاح الدين بعد الاشارة بعد الجامع اللي هناك ب 10 جنيه مع انها متسواش 2 جنيه روحت وديتهاله لطعني جمبه لغاية الساعة 1,30 و قالي مش هلحق اخلصها النهاردة تعلالي بكرة الساعة 3 العصر استلمها و طبعا علشان روحت الجيش روحتله الساعة 6 قالي العربية جاهزة و خلصت بس قاطعة بنزين قولتله ديه كان فيها بنزين بتاع النص قالي لأ قاطعة بنزين و هبعت الولد يجيبه بعد الفطار علي الساعة 8 هروحله الساعة 9 ان شاء الله و اشوفه عمل ايه !

طلع هو اسمه سعيد بس الملاحظة اللي موجودة لغاية دلوقتي انه معندهوش واحد يروح يجيب قطع الغيار الناقصة و بيخليك تروح انت و تتعامل
ربنا يكرم و اخلص من الميكانيكا بتاعتها بقي
صحيح هو قالي ان بيضات الطرف بتاعتها رايحة في 60 داهية و لازم لازم يتغيروا علشان متملصش منك و انت ماشي و بالذات علي سرعات

المشاركة الأصلية كتبت بواسطة amur1010

أنت طلعت عفريت أهو هههههههههه
ابقى طمنا عملت اية ويارب تظبط على كدة ويكون كله تمام

ههههههههههههههههه ده انا مدقدق و ابن بلد
يارب هستلمها و اجربها و اقولكم ان شاء الله ربنا يكرم يا استاذ عمرو