رحلة الى مارينا مع سيراتو والانترا 2012 و جيتا :)

**Land_Cruiser** · 10-06-2012 03:44 PM

حمدا لله على السلامه ووصف حضرتك ما شاء الله كان الواحد كان قاعد جنبك فى الرحله دى

**CryptonX** · 10-06-2012 03:44 PM

المشاركة الأصلية كتبت بواسطة mazher_m

حمد لله علي السلامه
وتعيش وتستجم
ربنا يديك خير عربيتك ويكفيك شرها وان شاء الله تجيب الهاي لاين
قابل بقي ردود من اصحاب الجتا والسيراتو

الله يسلمك يا باشا, اهلا وسهلا بيهم انا والله بنقل تجربتي الشخصي و قلت اني مش خبير .. ده بس تجربة من وجهة نظري مش اكثر.

المشاركة الأصلية كتبت بواسطة modo88

حمد الله علي السلامة وياريت تكون اتسبطت اوي وروقت مزاجك من الحر والقرف والزحمه :(
ان شاء الله ناوي اخبط مشوارك دا قريب :d

حاول .. حتفرق كتير والله :)

المشاركة الأصلية كتبت بواسطة hossam99

حمداً لله علي سلامتك
و ربنا يحفظك إنت و عربيتك من كل شر
و حاول تجيب كفة المرايه الأصليه ....

الله يسلمك .. ان شاء الله حجيبها قريبا

المشاركة الأصلية كتبت بواسطة koshary

بسم الله ماشاء الله رحلة سعيدة ياباشا وتقرير جامد عن الانترا وان شاء الله ربنا يكرمك وتجيب الهاى لاين

ان شاء الله الف شكر ليك

المشاركة الأصلية كتبت بواسطة shakshak2011

أنا كنت مسافر برضه الأسبوع ده للساحل الشمالى ... و كنت مسافر بعربية واحد صديقى إلنترا 2012 أول فئه .. و الصراحه و الحق يقال .. العربيه أبهرتنى .. العزل ممتاز جداً جداً .. كنا ماشيين على 160 و مش حاسس إطلاقاً بالسرعه .. الثبات جيد جداً .. العربيه واسعه ما شاء الله .. و التكييف رائع .. بإختصار العربيه فوق الرائعه .. ربنا يحفظها لصاحبها .. و إن شاء الله هتكون إختيارى القادم

يارب يوفق في اختيارك و تجيبها ان شاء الله

المشاركة الأصلية كتبت بواسطة minicooper20

من واحد ركب جيتا 4 سنين
الانترا برقبتها فى الوسع و النعومه احقاقا للحق
لكن كا فرامل و ثبات اعزرنى

اعذرك يا فندم :) انا قلت انا مش سويق يعني و مش بتاع غرز و التهور ده .. انا جربت الاتنين قيادة على سرعات عالية و بعد المناوارات الخفيفة ... محستش بصراحة باي فرق غير ان الجيتا اتقل في الحركة و الدركسوين اتقل في المناورات و في اللف .. غير كدة محستش بصراحة :)

الفرامل مجربتهاش في الجيتا بصراحة.

المشاركة الأصلية كتبت بواسطة bob12345

من واحد مش متحيز و مش بتاع كوري و الماني و ياباني و الكلام ده
بس في فروق في الجيتا عن كل الفئة من كورولا و سيفيك و لانسر ومازدا و الانترا و سيراتو و فوكاس
انا معايا الالنترا 2008 و ركبت الجديدة
الفرق في الركوبة و الخامات و الفخامة و الثبات و الفرامل موجود
بس مش معناه ان اللانترا وحشة
النعومة و الاعتمادية و السعر مقابل القيمة

وحتى بتحيز يا باشا ايه المشكلة .. انا نقلت تجربة شخصية .. بس بصراحة فخامة ؟ دي مختلف عليها تماما :)
الجيتا من الداخل مملة ملل فظيع .. و السواد الكاحل الي في كل حتة و الاضاءة اليلية و الكاسيت و زراير الدرسكيون و الدركسيون نفسه .. بصراحة مفيهوش اي فخامة خالص !! الخامات جيدة جدا و الصناعة طبعا ممتازة ... بس محستش نهائي اني راكب حاجة فخمة خالص !
الركوبة .. والله لسرعات 160 مفيش اي فرق حسيته في المطبات او في الطريق غير ان الالنترا عزلها احسن ! يمكن في الغرز و في الحاجات الي فيها تهور شوية تكون الجيتا افضل (منطقيا بما انها مبنية على الجولف) بس في القيادة اليومية و الطرق السريعة والله محستش بفروقات خالص...
دنا اصلا كنت عايز اقنع نفسي بكدة .. لاني سيارتي المفضلة هي الجولف .. فكنت متصور اني حأذهل من الاداء مثلا .. بس واضع ان سقف توقعاتي كان عالي اوي :)

وشكرا لحضرتك.

**CryptonX** · 10-06-2012 04:20 PM

المشاركة الأصلية كتبت بواسطة bob12345

و الله ياباشا هيا ازواق ممكن يكون بيعجبك الشكل لو حضرتك بتحب الاشكال الي بيتقال عليها فضائية زي الالنترا و الكروز من جوه هتحس ان الجيتا مملة
بس مش عارف موضوع السواد ده انا عندي فرش بيج و ابانوس و في في الجيتا فرش ابيض مع اسود مع في كذا نوع ولون للفرش مش اسود بس
اما بالنسبة للاداء
فماتور العربية هو الي ظلمها
هو مش تعبان اوي زي الناس متخيله
بس هو مش مناسب لاسم
vw
فعشان كده مش حتحس بامكانيات العربية غير لو ركبتها فترة كفاية

معاك حق .. انا فعلا بحب شكل الكروز جدا من الداخل .. و كانت حتبقى اختياري اصلا قبل الانترا لولا التوكيل و المحرك و الكماليات المعدومة في الهايلاين ..

الجيتا الي كنت راكبها عاملة كدة بالظبط من جوة :
http://gallery.carreview.com/data/ca...tta_tdi_26.jpg

http://www.boston.com/cars/newsandre...I-interior.jpg

وحتى البارات الفضي الي فاصلة بين التابلوه من فوق ومن تحت كان لونها اسود او كاربون فايبر مش فضي.

فاديتني احساس بالكئابة بصراحة :)

اداء العربية مش تعبان .. بس كانت عايزة فعلا حاجة افضل .. اعتقد ال TSI الي نزل في الجديدة حيكون مناسب جدا.

**Mohab555** · 10-06-2012 04:22 PM

الف شكر على التقرير الجميل
ونفس التجربة بتاعتك حصلت مع صديق ليا معاه اوكتافيا 2010 توب لاين ركب الالنترا الجديدة و ساقها فى مشوار سفر لحد الغردقة ,,,,,اول لما رجع من الغردقة باع الاوكتافيا و جاب التوب لاين الخليجي الفئة الى ب 160 الف و دلوقتى بيقسم و بيقولى انا مرتاح ومبسوط فى الالنترا اكتر من الاوكتافيا 100 مره وانا شخصيا مردتش عليه من كتر الذهول الى جالى من كلامه ... دى فانتازيا ياجدعان !!!

**Formulator** · 10-06-2012 05:34 PM

أنا رقم 1 جيت أهو.. بس جاى أطرقعلكو

أولا: الجيتا مابتنزلش مصر تورشن-بيم يا أستاذ،
(ياعم إنزل شوية من عـ النت وشوف العربيات فـ التوكيلات وفـ الشارع الأول وبعدين قول معلومات)؟؟!!!
عـ الأقل ساعتها ممكن ماتبقاش غلط..

الجيتا: اللى أنت قصدك عليها بتاع أمريكا (قافشك أنا )
بتنزل فـ كل الفئات بالعفشة الـTorsion-Beam، الـSE الموتور الـ2500cc.. وحتى المواتير الـTSI الـ1400cc.. تورشن بيم؟؟!!!

لكن حتى فـ أمريكا.. نسخة الـGLi (تعتبر جولف GTI بس بشنطة)، بموتور الـ2.0 TFSI (الـ200 حصان إياهم اللى نفخوا الـ274 الكورى بتاع الجينيسيس)...
عفشتها Multi-Link عاااااااااادى جدا زى الـGTI تعليق الـVW 4-Link الشهير..!!!
لكن فـ مصر (وأوروبا).. تحتفظ الجيتا بنفس التعليق الملتى-لينك فـ كل النسخ (بما فيها الـTSI والـTDI).

Edit: ماشوفش بقى كلمة جيتا+تورشن-بيم دى خاااااااااالص فـ أى توبيك..
أصلا أنا كنت عامل مشاركة قبل كده من سنة تقريبا عـ الموضوع ده.. وجبت صور لعفشة الجيتا التورشن-بيم بتاع أمريكا vs عفشة الـForte/Elantra ، يعنى مش عايز أعقد بتوع الكورى أكثر مانا معقدهم.. ههههههههههههههههه

ثانيا: يعنى المصرية أوتوموتيف بتستغفل الناس (مع أعتراضى عـ الكلمة أصلا، بس أنا مقدر انك اتضبطت فـ كذا توبيك تانى.. فـ متعصب شوية)..
وبتبيعله الجيتا الـHighLine بالموتور الـTSI والفتيس الـDSG والعفشة الـMultiLink + تانك الأوبشنز بـ 220 ألف...

وغبور مش بيستغفل الزبااااااااااين لما يبيعلهم سيراتو Replica بموتور وفتيس كورى عادى وعفشة تورشن بـ 150-160 ألف؟؟؟!!!!!!
وارد برضه؟؟!!!

ثالثا: بالنسبة لتجربة كريبتو..
والكلام ليك برضه (عشان تعرف الحاجات اللى مابتلاقيهاش فـ البروشور، ومايعرفهاش غير السواقين أواللى جربوا)..

- الدركسيون: طبيعى يا كريبتو، الباور عندك كهرباء.. وعنده Electro-Hydraulic، لااااااااااازم يبقى عندك أخف.
بس فيه حاجة.. ومش معقول ماخدتش بالك منها (أنا عارف انك Average-Driver)
- الـSteering-Precision.. والـSensitivity بتاع الباور للسرعة؟!!
- الـDrive-Feel.. ودقة التوجيه على كل السرعات، ماحسيتش ان الدركسيون Direct-Steer مرتبط بالعجلتين اللى قدام مباشرة؟؟!!!

- بالنسبة للعفشة والشاسيه: هو الفرق شاسع طبعا، بس مش هيبان معاك على طريق-سريع إلا فـ Spirited-Drive وغرز على سرعات، ساعتها بقى نشوف الهاندلينج والثبات؟؟!!!

وبرضه عفشة الـMulti-Link تبان معاك أوى فـ الطرق المكسرة، ومطبات الهوا وفواصل الكبارى...etc
(الحتت اللى عفشة التورشن-بيم بتاع الهيونداى-كيا ضعيفة فيها)..

ومعاك حق فـ الوسع، ولو إنى مش مقتنع بموضوع العزل (يمكن قصدك التكييف أفضل فـ الإلنترا؟؟)..!!
هى آه الجيتا والأكتافيا عـ السرعات العالية 150-160 بيبقى صوتهم عالى عشان الموتور بيبقى حاااااارق جامد (صغير عليها طبعا 1.6 بـ102 حصان) بس مش للدرجة دى؟!!

Rgds،

**Formulator** · 10-06-2012 06:09 PM

المشاركة الأصلية كتبت بواسطة minicooper20

النترا صفقه رابحه من غبور عن الجيتا
يا راااااااااااااااااااااااا ااجل
يا رجل ده غبور عملكو اليرباج اوبشن و ال abs
صفقه ايه و رابحه ايه
منخلينا موضعين
و عفشه ايه التورشن بيم
دى فولكش عمله ماتور و فتيس لو هيونداى فضلت 300 سنه متعرفش تفكو و تركبو (صيغه مبالغه على قله التكنو )
انا بقالى كتير اوى بتفرج على الصراع البنكو على الكورى و الالمانى و اليبانى و مبحبش اشارك
بس اتمنى نكون موضوعين
سوال جنبى حكمت على الخمات انها بلاستك اوى هو حضرتك ركبتها فين لاموخذه هى لسه نزلت و لا بان ليها ملامح حتى
مع توافقى معاك انها غاليه كا 225 الف السعر الصح مش اكتر من 180 علشان تنافس الفوكس و الفنتازيا
اتمنى الحياااااااااااااد الحياد فى الكام و الكام يكون بالتجربه و البرهان مش لنكات و فيديوهات

أهااااااااااااااااااااااا ااااااااااه

دانا نسيت فرووووووووووق عوامل الأمان:
الفرامل الـABS+EBD+BA (طبعا Bosch ألمانى

)
+ Traction-Control والـESP حزمة كاملة
+ 6 أو 8 إيرباج (زى النيو-باسات تقريبا)
+ الهاندلينج Package اللى بتنزل فـ الهاى-لاين: الجنط الـ17" والسوست والكيت..
(@ CryptonX الجيتا اللى انت جربتها لو HighLine بالجنط الـ17" أنشف فـ العفشة سيكا من الفئة اللى قبلها بالجنط الـ16" بالـSuspension الستاندرد)؟؟!!!

قالك 225 ألف كتييييييييييييير؟؟!!!
ياعم دا غبور بينزلكوا الـabs الماندو الكورى الحقير (مفيش ebd ولا ba) والإيرباج (واحدة و مابتفتحش على فكرة

) بالعافية، زى مايكون بيقطعهالكو من لحمه؟؟!!!
هههههههههههههههههههههه

-

-

-

الموضوع: رحلة الى مارينا مع سيراتو والانترا 2012 و جيتا :)

LinkBack

أدوات الموضوع

عرض

-

-

-

المواضيع المتشابهه

النترا 2012 vs. جيتا 2011 vs. فانتازيا 2012

صور 2رحلات فريق عمر الصياد من مارينا 6-4-2012

محتار جدا بين السيفيك والانترا 2012

الانترا الخليجى .. والانترا المصرى . والانترا الموزنبيقى

الكلمات الدلالية لهذا الموضوع

المفضلات

المفضلات

ضوابط المشاركة