الموضوع: رحلة الى مارينا مع سيراتو والانترا 2012 و جيتا :)

نفس المقارنة كنت عايز أعملها بين الالنترا و الجيتا و تقريبا نفس الانطباعات بعد مشوار سفر ليوم واحد من القاهرة الي رأس شقير و العودة و لكني تجنبت الدخول في مهاترات الكلام عن الكوري و الالماني

لكن بشكل أجمالي التقرير ممتاز و سأقتطف منه مقاطع أعلق عليها كالتالي :

المشاركة الأصلية كتبت بواسطة cryptonx

في كذا مرة حرقنا جنب بعض كدة فوق ال 120 الى 180 و نزولا تاني ..في كل مرة كنت بطلع من مستريح جدا جدا بفرق كبير بس بهدي علشان نفضل مع بعض
الألنترا أخف من الجيتا فطبيعي أنك تقدر تطلع منها بسهولة

المهم كانت رحلة الذهاب ظريفة و مريحة و وصلنا في وقت كويس جدا الحمد الله.
نزلت من العربية متوقع ااني ظهري يكون مقطوم .. الحمد الله الكرسي كان مريح نسبيا و حسيت بتنميل في رجلي الشمال بس الي مش بتسعمل .. و الري راكب جنبي معاه audi a4 برده قالي الن الرحلة كانت مريحة فعلا و محسش بحاجة .

أنا كان معايا ياريس و كورولا و كل مشاويري سفريات طويلة
أقدر أقولك أن الألنترا تفوقت في حتة الكرسي دي و الراحة في القاعدة تليها الكورولا ثم الياريس اللي كنت باحس أن مع القيادة لمسافات طويلة بالام في الرقبة

الجيتا كنت راكبها من كام يوم و أنا رايح رأس شقير و العودة في نفس اليوم
فعلا لم أشعر براحة في قاعدتها زي الالنترا

المهم قطعنا مسافة 80 كم كاملة هو بعربيتي و انا بعربيته ...
ملاحظتي الوحيدة كانت على الجيتا (انا مش خبير سواقة يعني) ان الباور بتاعها اتقل بكتير مني و العزل اقل و الوسع او احساسي اني راكب في عربية واسعة اقل .. طبعا الكماليات حدث ولا حرج دي الهايلاين يعني :) العفشة محستش انها انشف او اخف و محستش برده انها اثبت او اقل ..

تقريبا نفس الاحساس

تعليقه هو بقى بعد "النزول" الملكي من "الجيتا الهايلاين" الى "الكوري الاوفلاين" lol
انه محسش باي فرق بتاتا ! يعني مش فرق الالماني و الكلام اياه ... غير في 3 حاجات ..

+ تسارع الانترا افضل
+ عزل الانترا افضل
+ الانترا اوسع

- باور الجيتا اتقل (الانترا باور خفيف جدا)
- خامات الجيتا الهايلاين افضل
- كماليات طبعا اعلى (فرق الفئات)

ده الاحساس اللي كان عندي لما ركبت الجيتا

و ده راجل anti-korean قديم يعني .. قالي بالحرف الواحد "مكنتش متوقع كدة بصراحة" :)
و انهى الركوبة بانه خمس 180 درجة بعربيتي و انا قلبي بيقف قدام الفيلا و احنا راجعين :)
وقالي لآ ظريفة lol

مع تعليق بتاع السيراتو ال 2012 ان عربيته مبتزيدش بعد ال 180 .. وانا بصراحة لا اعلم اخر عربيتي كام .. فقلنا للاسف نتهور شوية و احنا راجعين ..

ممكن تجيب ال 200 كم/ساعة و تعدييها كمان مرتاح بس لو لوحدك لكن لو العربية محملة أعتقد هايكون فيه صعوبة و كمان بيعتمد علي حالة الفلاتر و البوجيهات و الكاوتش

بالنسبة للثبات بصراحة لحد 180 محستش خالص اني ماشي على السرعة دي .. لدرجة ان الي راكب جنبي و هو راكب audi a4 بيقولي متدوس بنزين شوية .. بص على العداد .. قالي لآ زي الفل كدة خليك :)

ثبات الالنترا معقول جدا لحد ال 180 كم/ساعة لكن بصراحة أنا ما انصحش بالسرعة دي خاصة لو فيه هواء

وصلت بوابات القاهرة ... حوالي 300 كم .. كان فاضل في التانك حوالي 30% المرة دي ! طبعا علشان الحرق الرهيب الي حرقناه !

أستهلاك الألنترا مثالي حتي علي السرعات العالية و علي فكرة .... مواتير هيونداي تطورت بشكل كبير جدا جدا تكاد تكون مثل المواتير الالماني و ده من خلال مقارنة عملية بالجيتا و حساب أستهلاك البنزين في العربيتين بعد مشوار قارب ال 600 كم علي سرعات وصلت الي 160 كم/ساعة

وبمنتهى الامانة و بسواقة عربية زي الجيتا الي الناس محسساني اني كنت حركب وحش خرافي .. والله مارضي اركبها و لا اشتريها بعد الانترا .... بس طبعا حجيب الانترا بكماليات اعلى ..
وصاحب الجيتا نفسه بيفكر يجيب السوناتا الجديدة :)

لأ ... الجيتا عربية فعلا ممتازة بالرغم من أمكانية مقارنة الالنترا بيها لكن ستظل هناك نقاط تفوق عديدة للجيتا يجب ذكرها في مقارنة أكثر أحترافية و بالنقاط

المشاركة الأصلية كتبت بواسطة minicooper20

النترا صفقه رابحه من غبور عن الجيتا
يا راااااااااااااااااااااااا ااجل
يا رجل ده غبور عملكو اليرباج اوبشن و ال abs
صفقه ايه و رابحه ايه
منخلينا موضعين
و عفشه ايه التورشن بيم
دى فولكش عمله ماتور و فتيس لو هيونداى فضلت 300 سنه متعرفش تفكو و تركبو (صيغه مبالغه على قله التكنو )
انا بقالى كتير اوى بتفرج على الصراع البنكو على الكورى و الالمانى و اليبانى و مبحبش اشارك
بس اتمنى نكون موضوعين
سوال جنبى حكمت على الخمات انها بلاستك اوى هو حضرتك ركبتها فين لاموخذه هى لسه نزلت و لا بان ليها ملامح حتى
مع توافقى معاك انها غاليه كا 225 الف السعر الصح مش اكتر من 180 علشان تنافس الفوكس و الفنتازيا
اتمنى الحياااااااااااااد الحياد فى الكام و الكام يكون بالتجربه و البرهان مش لنكات و فيديوهات

بس بالنسبه لموضوع الخامات في الجيتا هي فعلا أقل من الموديل الي قبله من بره وجوه تحس ان العربيه بقت أقل فخامه ده راي كل reviews بره عنها قبل حد مايضرب أنا من المتعصبين للألماني ومعايا حاليا passatcc وكنت ركبت جيتا لما كانت عربيتي في الصيانه قعدت معايا يوم ده برده مش معناه ان هيونداي اجمد أنا ركبتها برده يومين قبل كده وهي فعلا نقله جديده عن الي قبلها بس معلش أنا كان معايا هوندا 2009VTI في مصر وكانت برقبتها في كل حاجه

المشاركة الأصلية كتبت بواسطة dede_dodo88

و أخيراااااااً فعلتها..
طلعت النهاردة Day use السخنة ما بين ستيلا و بورتو..
و كنت هعمل حادثة و أنا راجع كنت هتشقلط فيها بس ربنا ستر..
كنت ماشي على 180 على الـCruise control و ماسك الشمال و الطريق كنت فيه لوحدي لحد ما وصلت لعربية Accent RB كانت في الحارة اللي في النص و كنت هعدي خلاص من جنبها و أنا في حارتي و هوبببب مرة واحدة تكسر عليا من غير أي مقدمات.. روحت ضارب كلاكس جامد و مفرمل و كاسر الدريكسيون شمال عشان أتفادى... راحت العربية معرضة مني فضلت تجيب يمين و شمال فقفشت في الدريكيسون بإيديا الأتنين و ظبطت العربية لحد ما ثبتها بس مراية الأكسنت حكت في الباب اليمين ورا و العربية بتعرض.. المهم كل ده و الأكسنت متمسكة بنفس الحارة على الرغم أن كنا أحنا الأتنين لوحدينا في الطريق فكان في مجال تبعد عني تماماً..
بعد ما عرفت أظبط عربيتي روحت قارص بنزين لحد ما الأكسنت أختفت من ورايا تماماً من غير ما أناقش هو ايه اللي عمله ده..
بس مخيبتش ظني و طلعت واحدة بنت اللي كانت سايقة فساعتها فهمت من غير ما أناقش..
سؤال بقى.. هو اللي حصل معايا ده كويس و للا وحش. يعني التعريضة دي عيب مني و للا من العربية و للا ده طبيعي على العلم أن التعريضه كانت في نطاق نفس الحارة اللي كنت فيها.. العربية فيها abs , esp , ebd و أي 3 أحرف أنجليزي فهل مع ده كله ممكن يحصل كده؟!!!

متاكد ان ال esp كان شغال ؟