الموضوع: تقرير بالتفصيل عن امكانيات نيسان صنى الشكل الجديد وتقرير عن تجربة السيارة والاسعار

المشاركة الأصلية كتبت بواسطة AhmaZonG

نمسك بقى حاجة حاجة ..

1 . فعلا أنا قصدي whp بتاع اختبار dyno .. بس خاني التعبير .. أنت عندك حق في ديه .. حقك علي أنا ..

ولا يهمك ياكبير

2 . أنا عارف كل ارقام اللي أنت اتكلمت عنها بتاعت السيراتو .. ماكدبتكش ..

بس أنا قصدي في الموضوع كله إن فرق الوزن بين الصني و السيراتو كبيييييييير لصالح السيراتو .. و ده يدي الصني الأفضلية إنها ماتبعدش إن السيراتو في أي اختبار تسارع حقيقي .. و خد بالك كمان الصني بوجيهتها platinium زي بتاعت التيدا ..

احنا اتكلمنا فى موضوع الوزن فى الكام مشاركه اللى فاتوا , قولنا ان الوزن ممكن يساعد لو الهورس باور متقارب , بس بيتهيألى بعد المشاركه اللى فاتت واضح ان الارقام بعيده فى جميع الظروف , وكمان رقم التسارع اللى هو داخل فيه الوزن , السيراتو كرقم كاتالوج حوالى 11 ثانيه والصنى باحسن مواصفات 108 حصان و CVT فى 13.5 ثانيه

طب ما أنا اقولك حاجة .. هوندا سيتي 1500 بس عمري ماشفت سيراتو سدى معاها .. فرق وزن و موتور أكيد ..

طبيعى ان السيتى تسد مع السيراتو , ليه ؟؟؟ مش بس عشان الوزن زى ما انت قولت لأ عندها كذا عامل , السيتى 120 حصان و 145 نيوتن موتور i-Vtec يعنى موتور قريب من قوة السيراتو ووزن خفيف , فين بقى الصنى من الكلام دا ؟؟؟

و اكبر منافس للصني الجديدة الهوندا سيتي ..

الكلام في الأرقام كتييييييييييير اوي و عمرنا ماهنخلص منه ..

مين دى ياباشا اللى اكبر منافس :):) لو هاتتكلم فى مواتير السيتى تمسح الصنى , الصنى زى ماقولتلك اخرها اللوجان المانيوال واللانوس , طب انت عارف ان اللوجان الاوتوماتيك هاتبقى احسن من الصنى :):)

عندك الصني 2008 / 2009 / 2010 و في ناس عملت بيها من 0 - 100 في 9 ثواني !!!! و اولهم جورج geo ..

عادى اصدق خصوصا لو مانيوال دا موتور 1600 و 118 حصان وعزمه عالى

السيراتو بتاعت ياسر .. yoko نفسه بيقول إنها بتسد معاه .. عربية فيقة بتجري كتيييييييير .. عاملة أحلى شغل !!! ..

ماشاء الله بتاعت ياسر فايقه وبتجرى بس يوكو عربيته مكنتش مظبوطه فى اليوم دا حسب كلامه دى مهما كان t jet يعنى قصه تانيه غير اللى بنتكلم فيه

لكل قاعدة شواذ يا حسام باشا ..

القاعده الشاذه دى بتبقى فى عربيه او عدد معين من العربيات , لكن احنا بنقارن موديلين فى الوضع العادى

وارقام التسارع فى التجارب الفعليه بتقل عن الكتالوج زى ما انت قولت امثله , بس فى حدود , يعنى السيراتو بدل 11 ممكن يبقى تسارعها فى 10 ثوانى 9.5 بالكتير اوى , كذلك الصنى من 13.5 ممكن تبقى 12.5 او 12 بالكتير , دا على افتراض اصلا ان تسارعها 13.5 مش اكتر كمان :)

عموما أنا قريب جدا هجرب الصني الجديدة .. و لو معجبتنيش أول واحد هيعرضها أنا ! ..

ده أنا يا راجل كنت بعارض التيدا في كذا حاجة مش هعارض الصني ههههههههههههه .. و كانوا هيموتوا مني هنا في القسم ههههههههههه ..

أنا بس عيزاك تعرف إن مش بميل لاي سيارة .. أنا ديما بحب اخد قيمة مقابل المال .. مش عايز يضحك علي ولا اضحك على حد .. و ديه سياسة نيسان .. مش حاجة تانية .. فاهمني طبعا هههههههههه ..

نورت ..

ياباشا حتى لو بتميل لعربيات معينه عادى حقك وبراحتك , انا بس مستغرب من نظرية ان موتور الصنى الجديده دا هايبقى زى السيراتو وغيرها من ال 1600 , مع اننا اهو لما حللنا جميع النقط فى جميع الظروف الكلام دا نظريا وعمليا مش صح

وانا باحترم فيك الصراحه خصوصا لما قريتلك مشاركه بتقول ان الصنى 99 حصان و Gross كمان مش Net , مع ان دى حركه مش حلوه من التوكيل وهو اكيد عمل كدا عشان الدعايا وان الناس ماتخافش من رقم 99 ولا ايه رأيك ؟

منور بيك ياباشا فى انتظار تعليقك

تسلم ايديك يابو حميد على التقرير الجامد دا