الموضوع: تقرير بالتفصيل عن امكانيات نيسان صنى الشكل الجديد وتقرير عن تجربة السيارة والاسعار

المشاركة الأصلية كتبت بواسطة ahmadm

السلام عليكم

انا لسة راجع من اؤتو ايجبت المهندسين قلت اتفرج على الطبيعة عشان الصراحة لما شفتها فى الصور من جوة قرفت منها جدا بس بجد الصور مالهاش اى علاقة بالواقع العربية شكلها لطيف جدا من جوة و من برة و الشكل الداخلى الفاتح شكلة مبهج عن الاسود بس بردة الاسود على الطبيعة مختلف كل الاختلاف عن الصور
اتعجب كل العجب من الوسع الغريب اللى تم اضافة للعربية بجد انا طولى 181 سم و مليان شوية حلوين ظبط الكرسي قدام اخر مزاج و رجعت قعدت ورا و كانت المفاجئة بجد بين ركبتى و بين ظهر الكرسي مسافة قبضة يد دا غير ان ظهر الكنبة الخلفية زاوية ميلة مفتخرة بمجرد الجلوس تحس بشعور الانتخة . و على فكرة سألونى على الاستاذ أحمد :) مش عارف بس انا غيرت راي فيها بعد الرؤية على الطبيعة :) شكلى هاجيبها إن شاء الله

كانك قاعد فى الكنبة فى بيتكم مش كده :)

المشاركة الأصلية كتبت بواسطة ashouhdy

القديمة أحلى بشهادة مهندسين توكيل نيسان !! ومش عارف لية AhmedTV متحمس ليها اوى كدة وعامل موضوع اعلانى رهيب ! لية يأحمد لية @:

عمرى ما شفت القديمة أحلى تصميم بقالة أكتر من 10 سنوات مش عايز يتغير عربية طويلة على الفاضى وكنبه خلفيه ضيقة جدا وتعذب اللى قاعد فيها سفاحة بنزين بطريقه بشعة على فكرة انا كان معايا السوبر صالون وبعتها وهجيب الشكل الجديد عشان حل أكتر مشكلتين عانيت منهم سابقا وسع الصالون وأستهلاك البنزين

المشاركة الأصلية كتبت بواسطة mmffor

مش السيارة دي صناعة صيني تقفيل مصري؟؟؟؟

العربية اغلب اجزائها مصنعة في الهند, ولكن اللي يطمن الواحد انها تحمل اسم نيسان. لا اعتقد ان نيسان حتغامر بسمعتها والعربية بتتباع في العام كله. والعربية تباع تحت ثلاثة اسماء على حسب الدولة اللي بتتباع فيها (sunny, versa, almera)

Nissan's new global sedan (Sunny, Versa, Almera) was unveiled at the 8th China (Guangzhou) International Automobile Exhibition on December 2010.
It went on sale first in China (Model name: Sunny) in January 2011, in North America (Model name: Versa) in summer 2011, in Thailand in October 2011 (Model name: Almera) and then progressively across 170 countries worldwide under different vehicle brand names.