هل يمكننا تشغيل السيارات بالمياه بدلاً من البنزين ؟؟؟؟

**sab3aawy** · 19-06-2008 10:32 PM

المشاركة الأصلية كتبت بواسطة فادى

الله ينور يا أستاذ سبعاوى, ده اللى كنت بقوله فى أول رد على الموضوع.

الطاقة لا تفنى و لا تستحدث!!!

اشكرك يا فادى على التعليق، بالمناسبة، انت جيت على بالى من كام يوم، اصلى شفت فى الشارع عربية داتسون 120 موديل حاجة وسبعين لونها اصفر، وكانت جاررة عربية شاهين لسة باكياسها ، ساعتها كنت بتمنى انى يكون معايا كاميرا علشان اصور الصوره دى وابعتهالك على سبيل الدعابة طبعا لأن ربنا يعلم انا بعزك قد ايه

**hani945** · 19-06-2008 11:12 PM

أنا فعلاً وجدت فى المدونات والمنتديات الموجودة على الانترنت ناس كتير غير مقتنعة بهذه الفكرة
لكن هذا لا يمنع أنه ممكن يكون فى احتمال إن الفكرة دى تنجح
لعدة اسباب :
اولاً : بالنسبة لكمية الطاقة الكهربية المطلوبة ، دى ممكن يكون لها حل باستخدام دائرة إلكترونية أو جهاز إلكترونى هنقدر من خلاله تحديد كمية التيار الكهربائى وفرق الجهد
ثانياً : كمية الغاز الناتجة بعد فترة قصيرة جدا من استخدام هذا الجهاز الالكترونى فى التفاعل كبيرة وكافية لاشعال شعلة لحام .
ثالثا : المخترع الأمريكيى ( ستانلى ماير ) صاحب الاختراع نجح فعلاً واستطاع إنه يعدل إحدى السيارات وقام بتشغيلها بهذه الفكرة .
والرابط ده عليه الفيديو بتاعه والسيارة التى تعمل بالماء :
http://www.youtube.com/watch?v=YIgOn...eature=related
رابعاً : من قديم الزمن عندما ظهرت نظريات جديدة كاكتشاف الجاذبية ، وأن الأرض كروية ، وأن الأرض هى التى تدور حول الشمس كانت كلها تخالف الاعتقادات السائدة فى ذلك الزمن واتضح بعد ذلك صحتها .

**hani945** · 19-06-2008 11:16 PM

وده كمان رابط لفيديو خلية الوقود للمخترع ستانلى ماير أثناء تشغيلها

http://www.youtube.com/watch?v=nOGAk...eature=related

**meza** · 19-06-2008 11:20 PM

It uses electrolysis to separate hydrogen (H) from oxygen (O) in water. Nothing new. That works really well, except it takes energy to separate the H from the O, so they are not getting anything for free (unless you think plugging it into the wall and using electricity as "free").

طب هو يا أستاذ سبعاوى ... مش ممكن نستمد الطاقة الكهربائية دى من الطاقة الشمسية .. و بكده يبقى مكلفناش طاقة من الناحية (بترول لتوليد الكهرباء يعنى) و برضه مخرقناش قانون .. الطاقة لا تفنى ولا تستحدث ..... لكنها تتحول من شكل إلى آخر.

انا استطيع تصديق ان يكتشف العلماء طريقة لتحويل التراب الى ذهب، وهو ما كان يطلق عليها قديما حجر الفلاسفة ويمكن تخيل حدوثه مستقبلا فى مفاعل نووى،لكن لا اصدق ان تسير سيارة بالماء، لانه ببساطة لا يمكن استخلاص طاقة من تكسيره

السيارة هتعمل بالهيدروجين المستخلص من الماء .... و أكيد حضرتك سمعت عن موضوع الهيدروجين ده قبل كده .... و الناتج من العربية هيبقى بخار مية فقط بدون عادم.

من قريب كانوا أعلنوا عن عربية BMW تعمل بالهيدروجين بالكامل ..... الفرق اللى عملته الشركة اليابانية (هى شركة هوندا بالمناسبة) إنها هتنتج السيارة دى بشكل تسويقى ...... يعنى ممكن المستهلك العادى يشتريها.

تحياتى.

**hani945** · 19-06-2008 11:26 PM

المخترع نجح فعلا فى تشغيل السيارة

نفسى أشوف مخترع مصرى

قام بنفس التجربة وأحسن كمان ويضع عليها علم مصر

ويكتب عليه ( صنع فى مصر )

**meza** · 19-06-2008 11:27 PM

أه بالمناسبة ..... لو حد مهتم بموضوع إنتاج الهيدروجين من المية ..... أنا عندى فيديوز بتعلمك إزاى ممكن تعمل الكلام ده فى المنزل.

http://www.metacafe.com/watch/114729...made_hydrogen/

http://www.metacafe.com/watch/972339...usehold_items/

http://www.metacafe.com/watch/747648...en_and_oxygen/

**hani945** · 19-06-2008 11:35 PM

مشكور يا صديقى على هذه الروابط

أنا كمان أحضرت فيديو حوالى 10 دقائق

عن المخترع الأمريكى وهو يتحدث عن هذا الاختراع الرائع

http://www.youtube.com/watch?v=Jcy3J...eature=related

وركزوا يا جماعة بعد الدقيقة الخامسة وثلاثون ثانية هتلاحظوا إن النار درجة حرارتها عالية جدا لدرجة أنها تصلح للحام المعادن

**samehafez** · 20-06-2008 01:41 AM

P.S for sab3awy
if you can't convince (beat) 'em join 'em

طيب فيه فكره احنا ممكن نستغني عن التحليل الكهربي و نستخدم التحليل الكيميائي و باضافة الصوديوم الخام الي المياه هيكون عندنا هيدروجين
Na + H2O = NAOH +H
فناخد الهيدروجين اللي طلع ده و نشعل بيه المحرك بس المشكلة انه هيفرقع فممكن نعمل التفاعل ده جوه المححرك علي طول و يكون العادم عندنا ( NAOH ) ممكن نستفاد بيه في حاجات تانية

**hani945** · 20-06-2008 01:47 AM

كلامك جميل جدا يا استاذ سامح

بس ميزة التحليل الكهربائى إنك ممكن تتحكم فى التفاعل وكمية الغاز الناتجة بسهولة

يعنى لو محتاج غاز كتير لمحرك السيارة هنزود كمية التيار الكهربائى ولو عاوزين نوقف

التفاعل هنفصل التيار

**فادى** · 20-06-2008 02:48 AM

المشاركة الأصلية كتبت بواسطة sab3aawy

اشكرك يا فادى على التعليق، بالمناسبة، انت جيت على بالى من كام يوم، اصلى شفت فى الشارع عربية داتسون 120 موديل حاجة وسبعين لونها اصفر، وكانت جاررة عربية شاهين لسة باكياسها ، ساعتها كنت بتمنى انى يكون معايا كاميرا علشان اصور الصوره دى وابعتهالك على سبيل الدعابة طبعا لأن ربنا يعلم انا بعزك قد ايه

الله يخليك يا أستاذ سبعاوى صدقنى انا كمان بعزك, و بحب مواضيعك جدا.
طب هقولك أنا شفت منظر أغرب من ده قبل كده, عربيات 128 (والله العظيم 128) كانت بتجر عربية بى ام دبليو موديل التمانينات, جنب الحرفيين كده, مع انى مندهش ازاى ال128 تجر عربية بهذا الوزن من غير ما العلب بتاعتها تتفكك!
طبعا كل السيارات السياحية غير مؤهلة للجر, المصريين فيهم ميزة مهمة جدا, و هى انو كل واحد معتقد انو عربيتو ممكن تعمل اى حاجة, ممكن نشوف واحد معاه سيات 133 و بيعاملها كأنها سيارة سوبر رياضية, و واحد معاه بولونيز و بيخش بيها الصحرا و كأنها عربية 4*4.

مشاهدة نتائج الإستطلاع: هل تؤيد تشغيل السيارات بالمياه عندنا فى مصر ؟

الموضوع: هل يمكننا تشغيل السيارات بالمياه بدلاً من البنزين ؟؟؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مبادرة الأستعانه بالمياه كبديل عن البنزين

حد سمع عن تشغيل السياره بالماء بالاضافه الى البنزين ؟ (hho)

تشغيل التكييف واثره علي استهلاك البنزين

البنزين و تشغيل المحرك

أحذر "السيارات المغمورة بالمياه تغمر الأسواق"

الكلمات الدلالية لهذا الموضوع

المفضلات

المفضلات

ضوابط المشاركة