الناس الي اتجوزن .. احكلنا بدات تكون نفسك و حياتك ازاي ؟!

**m07amed.** · 13-06-2012 11:06 PM

المشاركة الأصلية كتبت بواسطة screenplays

انا بعد ما اتخرجت الوالد كان عايز يخليني اعمل دبلومه عشان يعرف يجيبلي عقد عمل في الخليج بس انا مش طموحي اني اشتغل في الخليج لاني كنت عايز اسافر اي دوله اوروبيه او امريكا او كندا بس طبعا مكنش حد هيوافق في البيت ... الكلام ده كان في 2008 و لو كنت اعرف ان هيحصل اللي حصل في مصر كنت سمعت كلامه ... المهم طبعا زعل و قالي تعامل في الشغل مع نفسك فاتفتحت سنتين لحد ما عملت قرشين و اتعرفت علي اتنين شباب و فتحنا مع بعض شركه ويب هوستنج ... العمليه مشيت و زي اللوز و البليه لعبت و كلنا اشترينا عربيات و قولت هبتدي احوش بقه عشان اهاجر من هنا و لكن الثوره حصلت و قضت علي كل حاجه و الحمد لله ... الشركه اتقفلت و خسرت شغلانه ب 80 الف دولار و عربيتي اتسرقت و فلوسي في البورصه خسرتها ... حاليا بقالي سنه قاعد في بيتنا مش عارف ابتدي ازاي

ربنا يكون في عونك ويصبرك و يعوضك خير ان شاء الله

**zangry** · 13-06-2012 11:27 PM

المشاركة الأصلية كتبت بواسطة screenplays

بص انا رأيي تقطع عرق و تسيح دم و وجع دماغ ساعه و لا وجع دماغ كل ساعه

يعني مينفعش تكمل في الخطوبه دي و انت مش مبسوط و تفضل عايش تعيس طول عمرك لمجرد خوفك من ان الناس تقع في بعض عشان قرايب

+1111

**Screenplays** · 13-06-2012 11:28 PM

المشاركة الأصلية كتبت بواسطة ahmadmidop

بصراحة الموضوع ده بفكر فيه بقالي شهر كده وعندى حالة توتر وقلق بجد .. انا دفعة 2011 ولسه في اول الطريق بس خااايف اخد خطوة

مش انت اللي كنت عامل موضوع عن زميلتك في الشغل اللي معجب بيها ؟ ايه اخر التطورات ؟

**Screenplays** · 13-06-2012 11:35 PM

المشاركة الأصلية كتبت بواسطة m07amed.

ربنا يكون في عونك ويصبرك و يعوضك خير ان شاء الله

الله يخليك يا فندم

**dede_dodo88** · 14-06-2012 01:10 AM

يعني هو للأسف لو معندكش أهل يظبطوك فيستحسن تأجل فكرة الجواز دي لأجل غير مسمى.

**AhMeD EzZ** · 14-06-2012 01:18 AM

المشاركة الأصلية كتبت بواسطة dede_dodo88

يعني هو للأسف لو معندكش أهل يظبطوك فيستحسن تأجل فكرة الجواز دي لأجل غير مسمى.

مهو الاهل هيظبطوك لامتي ؟!

والدي جابلي الشقة هقولة افرشهالي كمان ؟!! :d

**dede_dodo88** · 14-06-2012 01:20 AM

المشاركة الأصلية كتبت بواسطة ahmed ezz

مهو الاهل هيظبطوك لامتي ؟!

والدي جابلي الشقة هقولة افرشهالي كمان ؟!! :d

أيوة أنا مش قصدي أنهم يعملولك كل حاجة,
كفاية أوي يجيبولك الشقة أو حتى يساهموا فيها بأي حاجة..
لكن لو أنت بطولك كده و عصامي فأنت معاك ربنا بقى..

**هيثم المنياوى** · 14-06-2012 01:30 AM

المشاركة الأصلية كتبت بواسطة screenplays

انا بعد ما اتخرجت الوالد كان عايز يخليني اعمل دبلومه عشان يعرف يجيبلي عقد عمل في الخليج بس انا مش طموحي اني اشتغل في الخليج لاني كنت عايز اسافر اي دوله اوروبيه او امريكا او كندا بس طبعا مكنش حد هيوافق في البيت ... الكلام ده كان في 2008 و لو كنت اعرف ان هيحصل اللي حصل في مصر كنت سمعت كلامه ... المهم طبعا زعل و قالي تعامل في الشغل مع نفسك فاتفتحت سنتين لحد ما عملت قرشين و اتعرفت علي اتنين شباب و فتحنا مع بعض شركه ويب هوستنج ... العمليه مشيت و زي اللوز و البليه لعبت و كلنا اشترينا عربيات و قولت هبتدي احوش بقه عشان اهاجر من هنا و لكن الثوره حصلت و قضت علي كل حاجه و الحمد لله ... الشركه اتقفلت و خسرت شغلانه ب 80 الف دولار و عربيتي اتسرقت و فلوسي في البورصه خسرتها ... حاليا بقالي سنه قاعد في بيتنا مش عارف ابتدي ازاي

قال الله عز وجل :
" وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون "

وقال سبحانه :
" لا تحسبوه شرا لكم بل هو خير لكم "
...
يقول الإمام ابن القيم - رحمه الله - :
في هذه الآية عدة حكم وأسرار ومصالح للعبد ، فإن العبد إذا علم أن المكروه قد يأتي بالمحبوب ، والمحبوب قد يأتي بالمكروه ، لم يأمن أن توافيه المضرة من جانب المسرة ، ولم ييأس أن تأتيه المسرة من جانب المضرة لعدم علمه بالعواقب ، فإن الله يعلم منها ما لا يعلمه العبد .

**amr.elsayed** · 14-06-2012 01:38 AM

المشاركة الأصلية كتبت بواسطة ahmed ezz

مهو الاهل هيظبطوك لامتي ؟!

والدي جابلي الشقة هقولة افرشهالي كمان ؟!! :d

فى حلول كتير على حسب ظروف كل واحد
فى ناس بتستخدم القسط وبيتجوز وانا واحد من الناس الصراحة بكره حاجة اسمها قسط لكن فى غيرى بيبقى عنده القدرة على كدة وبيتجوز
اه بيتعب شوية فى الاول وبعد كدة بيستريح وبتبدأ حالته المادية تستقر وفى ناس كتير بتستخدم الطريقة دى
.........
وفى بنات ولاد حلال تقولك .. نشترى الضروريات فى الشقة ونفرش باقى الشقة واحدة واحدة
يعنى مش لازم يبقى الفرش هاى ستايل من اولها ومش لازم تفرش البيت كله مرة واحدة لا ابدأ على قدك
وطور البيت واحدة واحدة
..........
ممكن تبيع الشقة الكبيرة وتشترى شقة اصغر شوية حيتوفرلك مبلغ محترم تفرش بيه الشقة او تشطب بيه
او تشترى اجهزة ... الخ مش لازم تبدأ فى ملعب .. ابدأ على قدك وكبر بعد كدة لما ربنا يفرجها
........
لكن حتفضلوا تضربوا اخماس فى اسداس وتفكر فى المستقبل عمرها ما حتمشى ولا حتطول حاضر ولا مستقبل
و اهم حاجة انك تشوف الامكانيات اللى فى متناول ايدك وتستغلها افضل استغلال

**Screenplays** · 14-06-2012 01:52 AM

المشاركة الأصلية كتبت بواسطة هيثم المنياوى

قال الله عز وجل :
" وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون "

وقال سبحانه :
" لا تحسبوه شرا لكم بل هو خير لكم "
...
يقول الإمام ابن القيم - رحمه الله - :
في هذه الآية عدة حكم وأسرار ومصالح للعبد ، فإن العبد إذا علم أن المكروه قد يأتي بالمحبوب ، والمحبوب قد يأتي بالمكروه ، لم يأمن أن توافيه المضرة من جانب المسرة ، ولم ييأس أن تأتيه المسرة من جانب المضرة لعدم علمه بالعواقب ، فإن الله يعلم منها ما لا يعلمه العبد .

و الله انا مش شايف اي خير في اللي حصلي

الموضوع: الناس الي اتجوزن .. احكلنا بدات تكون نفسك و حياتك ازاي ؟!

LinkBack

أدوات الموضوع

عرض

-

-

-

المواضيع المتشابهه

عربية نفسك تكون كانت موجودة فى مصر ؟

نفسك تكون زي جيريمي كلاركسون !

هل تقبل ان شريكه حياتك تكون غير متعلمه

اوعي تكون فاكر نفسك من جماعة المسلمين

نفسك تكون فين دلوقتى ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة