الموضوع: مشــكلة فى الدبــانــة bmw e36

يرافو يا شريف
ولد مجتهد
ومطيع
بس متقفش علي اخواتك الصغيريين لانهم الحماس واخدهم
وانت الكبير
يا كبير

مصطفى ميكا .. فى شارع احمد عصمت عين شمس ,, ميكانيكى ممتاز جدا و رخيص و كل جروب بيمرز بيتعامل معاه رقمه 01009276689 قولو انك من الجروب و قولو عماد الى معاه ال36 السودا ادانى رقمك ,, هيعملك كل حاجه فى العربيه

ياجماعة أنا أسف جداً عن الأنقطاع عن الرد والتواصل معكم لأن كان الكمبيوتر بايظ وأنا ماكنتش تقريباً متواجد فى البيت على مدار الأسبوع اللى فات كله وتقريباً كده تقدروا تقولوا بايت فى الحرفين مع العربية , أولأ ً أنا بشكر الجميع على التواصل وتقديم المساعدة وربنا يجعله فى ميزان حسناتكم , بالنسبة للعربية أنا رحت لمنصور عشان العفشة وتم تغير الطنابير وتيل الفرامل والجلب والبيض وأخد مصنعية تركيب 150 جنيه بس كان فى أشتغالأت من ناحية تانية , يعنى تركيب البطاحات فى ورشة مجاورة أتكلف 20 جنيه وتركيب الجلب والبيض فى ورشة أخرى 70 جنيه (نصب طبعا) وأكرامية صنايعى 20 جنيه ومش عجباه مع أنه عمل عليا شغل ب 100 جنيه وأكتر لأن قطع الغيار بتجبها من محل على ناصية الشارع اللى فيه منصور وهو بيكلمهم فى التليفون ويقول لهم ان الناس دى من طرفى , وناصيحة لوجه الله ياريت اللى هيغير حاجة يكشف الأول وبعدين يروح يجيب الحاجة من الحرفين ويركب تانى يوم , وبصراحة أنا مش عارف يمكن يكون بيسرق فى قطع الغيار وبيركب حاجات تانية رخيصة الله وأعلم مش هاقدر أفتى وأشيل ذنب وربنا يديله على قد نيته لأنى بعد ماجبت الجلب الصبى اللى عنده راح غيرهم من نفسه بأصغر عشان يركبوا فى المقص .. الكهرباء عملتها عند واحد أسمه محمود الكهربائى وهو شاب صغير بس محترف وكان شغال مع عادل منصورة , عمل ضفيرة جديدة للتكيف وشال كل الأسلأك اللى ملهاش لأزمة حوالين الكشفات وبدلها بأخرى جديدة من الضفيرة وركب دراع المساحات وشغل المرايات وركب مروحة التكيف وشال القديمة المكسورةبالأضافة الى أنه ركب فيوز جديدة (عدد15) وخد 630 جنيه بس بصراحة خد شغل من الساعة 2 للساعة 10 بالليل , رحت بعدها اكشف على التكيف بس فى حتة بعد المرج الجديدة فى ورش عند حتة أسمها القلج , وكان فى ثقبين واحد فى الخرطوم وده شاله وركب واحد امريكى ثمنه100 جنيه وفى ثقب تانى كان فى السربانتينة من الجنب وده كان صعب جداً لحامه بالنار وكان صعب أكتر أنى أروح الحرفيين وأجيب واحدة جديدة فتم لحامها بحاجة أسمها أرانديل وده عبارة عن أنبوبتين بيتم خلطهم مع بعض ولونها شفاف وهى مادة قوية جداً فى اللحام وتمنها 5 جنيه وبتزيد صلأبتها مع السخونية اللى خاجة من الموتور ولحد الأن بقالها أربع أيام وكل يوم خروج وشغالة بفضل الله زى الفل والتكيف تمام , والراجل خد منى بعد الفصال 380 جنيه لأنه شحن التكيف ونظف دورة التبريد بالفريون وبصراحة نزلت طين ووساخة شديدة جداً وشال الخرطوم البايظ وركب واحد جديد .. فى حاجة كمان نسيت أكتبها
أشتريت ريداتير أستيراد ب 500 جنيه
مروحة تكيف ب 270 جنيه
قلب بالماتور بتاعه للمريات الكهرباء ب 70 جنيه للواحد
دراع مساحات ب 100 جنيه
أويل سيل ناقل الحركة ب 30 جنيه ماركة فيبى وأخر للفتيس بس مش عارف ماركته من ممدوح عبد الفتاح مقاس 40\55\8 وده ثمنه 25 جنيه وتم تركيبهم ب 100 جنيه عند محمد قطب شريك منصور اللى فى الحرفين وعلى فكرة هو عصبى شوية ورخم
فى مشكلة واحدة بس وهى أستهلأك البنزين عالى شويتين ومش عارف ايه حل المشكلة دى ياريت حد يفيدنى

المشاركة الأصلية كتبت بواسطة medo20000

مبروك ياباشا بس عايزك تقولى تفاصيل اكثرر عن عربيتك وخلصتها بكام ...

من ناحية المصنعيات فخد منى حوالى 550 جنيه بعد الفصال كان عايز 650 بس طبعا عيب كل الصنيعية المصريين (راضى الرجالة)...

150 ج مصنعية فك مقصين أمامى والكشف عليهم وتشحيمهم وتركيبهم تانى
300 ج مصنعية تركيب 2 بلية خلفى والكشف على الكبالن والتيل والطنابير
100 تغير خرطوم باور وغسيل القربة وتغير زيت فرامل وغسيل القربة وفك وتركيب ريادتير والكشف على البوجيهات وزيت فتيس و تنظيف فلتر بنزين وتغير فلتر هواء ....

هو الصراحه غالى جدا بس شغله ممتاز ...

أعتذر عن التاخير فى الرد , أنا خلصت العربية على 60500 بس تقدر تقول أتضحك عليا
لأن العربية أتعمل فيها لحد الأن شغل بستة ألأف جنيه وهى توبها كان حلو أوى عليها 54000 , ربنا يعوض علينا ويدينا خيرها ويكفينا شرها, كبر الجى وروق الدى