اقتباس المشاركة الأصلية كتبت بواسطة sheko_2000eg مشاهدة المشاركة
هو انت اتنصب عليك في الحرفيين و كمان من صاحب العربية لكن معلش
محدش بيتعلم ببلاش --
استهلاك البنزين زيادة : روح غير الرشاشات (للاسف هي السبب)
4 رشاشات ب 150 ج استيراد و تركبهم ب 50ج
و لازم تنورنا باه في مقابلات البيمرز عشان تورينا عروستك الجديدة
و الف مبروك
هى دى مصر ياباشا , أى حد بيدخل عالم جديد مش بتاعه لأزم يتلعب له فى الزراير لحد ما يتظبط على الفولت بتاعهم , وأنا بصراحة أتظبط بما فيه الكفاية وبقيت بنور وأنا ماشى على فولت 360, بس الحمد لله أنها بتيجى فى الفلوس مش مشكلة تتعوض ويجي غيرها أن شاء الله , أنا ياباشا مش عارف أشكرك أزاى على أهتمامك ومتابعتك للمشكلة من الألف للياء وأنا يشرفنى مقابلتك وجميع الأخوة الأفاضل اللى ساهموا هما كمان فى حل المشكلة , ربنا يجعلها فى ميزان حسناتكم جميعاً, وأوعدك أول ما العربية تبقى على سنجة عشرة ومش ناقصها حاجة خالص فلأزم هاجى أقابل وحوش البيمرز . بالنسبة للرشاشات تنصحنى أجيبها من مين وأركبها عند مين وكمان عاوز أعرف أزاى أتاكد قبل ما أركبها أن مافيش فيها حاجة وسليمة , ومعلش فى سؤال كمان .. هو أيه هو المعدل الطبيعي لأستهلأك E36 داخل البلد وخارجها , انا عندى العربية بتعمل جوة البلد 6 كيلو فى التر