الموضوع: منتهى الحيرة اجيب جين 2 ولا لا؟

المشاركة الأصلية كتبت بواسطة monamize4

مش هاعلق على حتة البنزين إلا أن طريقة السواقة بتفرق كتير ..... معايا أستهلاكها كويس .
فعلا طريقة السواقة بتفرق بس ف الجين2 مشكلة العربية ان مافيهاش eco-drive الrpm بعد 3 بيبقى استهلاك العربية فظيع ماهو مش معقول عمرك ماهتجري بيها (ماتنساش ان دى عربية شباب) و بعدين احيانا الواحد بيحب بعمل غرز او يشد مع حد !!!!!!!!!

الموتور مش هايعلى أكتر من 3 أرب بي أم في المانوال إلا لا لاعربية توصل 110 كم - س
أعتقد بعد كدا أنت عايزها ما تستهلكش بنزين ؟؟؟؟؟؟؟
أي كتالوج بيقول الأستهلاك المثالي على سرعة 90
و فعلا الأستهلاك المثالي عند السرعة دي و ممكن نعلى شوية عن 100 لغاية 110 و الأستهلاك معقول
أنا أمتلكت العربية من 2007 (و أمتلكت أثنين واحدة مانوال و التانية أوتوماتيك - فبتلكم عن خبرة 5 سنين )


حرام على حضرتك تقول حاجة أنت مش مجربها أنا سفرياتي بالعربية كتير و مش بصدع و مش بسمع صوت الموتور أصلا طول ما الزجاج مقفول إلا الصوت العادي اللي تسمعه في أي عربية في الدنيا .... صوت الموتور عادي و بيعلي بعد أر بي أم 3000 و لكنه لا يصدع و لا يضايق و زيه زي صوت أي موتور تاني .
حضرتك انا سافرت مع صحبى قبل كدة و عارف انا بقول اية و اكيد يعنى حضرتك ركبت المانى جديد و عارف يعنى اية موتور هادى و عزل كويس (مبتبقاش حاسس ان العربية شغالة)

أنا أمتلكت العربية و مازالت أمتلكها من سنة 2007 و أعرف برضه أنا بقول أيه !

ألماني أيه بالظبط ؟؟ مرسيدس ....... و لا بي أم ؟ و لا فولكس جيتا مثلا ؟؟؟
حدد ........ و لا يمكن تقصد بولو ؟؟؟؟
ما تسيش الأختيار مفتوح علشان أقدر أناقشك .


لأوبشنرز قليل ؟؟؟؟
طيب ممكن أعرف أيه اللي ناقص في الأوبشنز
كاسيت سي دي ...... مرايات تعديل كهربا ....... دريسكيون بيتم تعديله حسب طول السواق ----- أربعة زجاج كهرباء - حساسات ركن خلفي - أربعة ضوء شبورة - تكييف - سنتر لوك - نظام حماية أموبوليزر - العربية بتنزل بجنوط مقاس 15 مش حديد - مالتي فانكشن في طارة السواق
و أنظمة الأمان كالتالي
فرامل abs - ebd
أثنين وسائد هوائية
شداد للموتور (لزيادة الثبات )
هو حضرتك بتحسب ال(كاسيت سي دي ...... مرايات تعديل كهربا ....... دريسكيون بيتم تعديله حسب طول السواق ----- أربعة زجاج كهرباء ....تكييف - سنتر لوك - نظام حماية)اوبشنز ف عربية زيرو 2012!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!
فين اشارات المرايا و كمبيوتر الرحلات

الجين 2 فيها كمبيوتر رحلات .

و الفتيس الستب ترونك
الفتيس ده مش أوبشن ؟ ........ الفتيس ده حاجة في ميكانيكا العربية

و ما يكونش اربع نقلات و الزينون aux usb bluetooth
كاسيت الجين 2 فيه يو أس بي من الخلف بسلك

الزينون و البلوتوث .............. مش عارف أي عربية ب 90 ألف جنيه بتنزل بهم ؟؟؟؟؟؟؟؟؟؟؟؟؟؟

فتحة سقف
برضه دي مش أوبشن ........ دي تصميم العربية ....... و الجين 2 مفيهاش أصلا فتحة سقف
و فتحة السقف مش بتعتبر كماليات ......... و لكن نقول عليها عربية بتصميم مختلف .

فرش جلد سمارت كى (اكيد مش هيبقى كل دا موجود ع السعر دا بس ع الاقل حاجتين تلاتة يعنى ثم ان العربية كان المفروض ينزل منها هاى لاين غير الf/o بسعر اغلى شوية و فيها كل الاوبشنز دى)
لاحظ ان انا ماقولتش حاجات زى ال(مرايات الضم و تكييف dual zone و كمبيوتر مراقبة السيارة او start engine) عشان ماتقوليش الكلام دا كان زود سعر العربية اوى
و اخيرا ها احب اقول نفس الكلام اللى انا كتبته ف نهاية المشاركة الاصلية
ان العربية دى ثابتة جدا فهى مناسبة للسفر لكن جوة البلد مش هتنفع عشان البنزين عالى

مفيش أي عربية 1600 مناسبة لجوه البلد
و اللي بيسوق أصلا و أساسا جوه البلد ما يشتريش 1600 من الأول
1000 أو 1300 كويس قوي علشان يوفر في الزحمة و الوقوف الكتير .

المشاركة الأصلية كتبت بواسطة monamize4

اولا اشارات المراياو كمبيوتر الرحلات و الaux, usb , الكلام دا مش موجود الا ف البرسونا الاليجانس و احنا هنا بنتكلم عن الجين 2 ,انا اعرف واحد جايب جين 2 من حوالى شهر مافيهاش الحاجات دى
ثانيا انا ماقولتش كل ال1.6 استهلاكة عالى انا قولت الجين 2 هى اللى استهلاكها زيادة و بعدين مش كل ال1.6 بتستهلك بنزين كتير عندك الانترا الجديدة و القديمة و الاكسنت الجديدة و القديمة و اللانوس و الليون (عشان ما تقولش انى انا بجيب هيونداى بس) و الجيتا ال1.6 (مع واحد صاحبى و عارف بقولك اية) و احب اقولك كمان ان الماروتى اللى بتتريق عليها دى عربية محترمة و كفاية انها بتريح اصحابها من الوقفة الزفت ف البنزينة

إيه ده
يعني أنا طلعت مغشوش في الجين 2 الخمس السنين اللي فاتوا و بأتخيل كمبيوتر رحلات و كمان بتخيل أن الكاسيت في من ورا أه يو أكس aux .....

شكرا يا باشا على المعلومات القيمة دي ....... ده أنت ركبت العربية مع أصحابك كام مرة لاحظت المعلومات دي و أنا اللي راكبها بقالي 5 سنين ...... عندي تخيلات !!!!!!!!!!!!!

إلا صحيح
هو أنت بتحسب أستهلاك المدينة ازاي ؟؟؟؟

عداد رحلات الجين 2 ........ الحمد لله طلعت مش بشرب حاجة ........ أو عندي تخيلات لمدة 5 سنين

ده الجين 2 طلع فيها عداد رحلات

الصورة اللي أنا مصورها دي في كتالوج الجين 2 صفحة 40 - 41 - 42
شرح كامل لعداد الرحلات .

المشاركة الأصلية كتبت بواسطة monamize4

اولا اشارات المراياو كمبيوتر الرحلات و الaux, usb , الكلام دا مش موجود الا ف البرسونا الاليجانس و احنا هنا بنتكلم عن الجين 2 ,انا اعرف واحد جايب جين 2 من حوالى شهر مافيهاش الحاجات دى
ثانيا انا ماقولتش كل ال1.6 استهلاكة عالى انا قولت الجين 2 هى اللى استهلاكها زيادة و بعدين مش كل ال1.6 بتستهلك بنزين كتير عندك الانترا الجديدة و القديمة و الاكسنت الجديدة و القديمة و اللانوس و الليون (عشان ما تقولش انى انا بجيب هيونداى بس) و الجيتا ال1.6 (مع واحد صاحبى و عارف بقولك اية) و احب اقولك كمان ان الماروتى اللى بتتريق عليها دى عربية محترمة و كفاية انها بتريح اصحابها من الوقفة الزفت ف البنزينة

اولا انا مش بتريق على الماروتي ، لو فى نقطة هزار بتاعة الحرامية انا آسف لو وصلت لك قصدي خطأ ، انا بحترم كل الناس ، فى الاساس بتكلم على نقطة معينة فى استهلاك البنزين على فكرة لا اكثر ولا اقل.

ثانياً ياريت تراجع جين 2012 كل الجين من ساعة ما نزلت فيها aux بس النسخ قبل 2011 بيتعمل لها توصيلتها من عند توكيلها كلاريون ، و جين 2012 فيها ال usb والaux فى الواجهة بدون ما تحتاج تروح عند كلاريون ، و فى نسخ 2012 نزلت فى الاول البلاير بتاعها زي 2011 بس كل الجين اللى بتنزل دلوقتي فيها نفس السي دي بلاير بتاع الاليجانس ،
وعلى حد علمي مفيش عربية فى السوق ثمنها بنفس ثمن الجين بكفائتها وبثابتها و فيها ال abs و ebd و 2 وسائد هوائية ، ونظام تعليقها مالتي لينك وبتنزل بجنوط 15 الومنيوم! وفوجات ، انذار مرتبط بكنترول العربية بخلاف الامبولايزرو ، ودة تضيف عليه اسبويلر مع الجين2 بس!!