منتهى الحيرة اجيب جين 2 ولا لا؟

**tutankhamoun** · 24-06-2012 07:22 AM

المشاركة الأصلية كتبت بواسطة becatcho

طيب صحيح بما ان هي معاك بقالها خمس سنين هل في اي حاجه من الحاجات الغالية دي باظت منك واضطريت تغيرها وكان تعامل التوكيل معاك ايه في الفتره دي؟

لا و لله الحمد

و الناس اللي أعرفهم كلهم معاهم الجين 2 من سنة 2006 كمان مش 2007 بس
مش بيغيروا غير الحاجات الأستهلاكية (إلا لو فيه حادثة )

يعني أنا أعرف واحد عامل فوق 200 ألف
كل حاجة غيرها ........... حاجات الصيانة بس .
و مرة غير باب تقريبا علشان كان فاتحة و ميكروباظ دخل فيه .

**tutankhamoun** · 24-06-2012 07:23 AM

صورة العداد اللي فوق ...... بتاعة واحد أنا معرفوش ..... بس صورة ترمز لنقاشنا فقط .

**becatcho** · 24-06-2012 07:23 AM

تمام انا بس الي شاغلني دلؤتي موضوع التأمين مش عارف أمن ولا لا لان التامين طلع غالي اوي مش عارف هادفع 3500 جنيه ولا حاجه

**tutankhamoun** · 24-06-2012 07:26 AM

بالنسبة للتوكيل .
عادي ....... باروح أعمل الصيانة ...... و أستلم العربية و أروح ........ و ناس محترمين جدا .

المشكلة أن الناس فاكره أنها لما تروح تزعق و تتخانق .......... هايخدوا حقهم .
و فيه ناس بتروح تزعق و تتخانق بدون وجه حق

يعني أنا مرة شوفت واحد دخل في رصيف من تحت ...... الجهة الأمامية للعربية
الرادياتير ...... أترحل من مكانه و أتخرم

الأستاذ قعد يزعق و يتخانق و عايز يغير الرادياتير في الضمان !!!

طيب الناس هناك تفهمه أن الضمان بيغطي بس عيوب الصناعة و ليس عيوب الأستخدام
و ده عامل عبيط ...... و قليل الأدب .

و لكن أنا بروح أعمل الصيانة ........ و أمشي و مليش دعوة بحد و مش بتخانق مع حد .

الصنايعية هناك مش الحاجة الواو ...... و لكن بيعملوا العربية صح و خلاص .

**becatcho** · 24-06-2012 07:27 AM

طيب تمام ربنا يسهل ان شاء الله

**tutankhamoun** · 24-06-2012 07:28 AM

لازم تأمين ......... مينفعش تمشي في البلد الخزعبلية دي من غيره .......
على الأقل أول 5 سنين من عمر العربية .

و هو بيقل سنويا يعني مش بيفضل 3500 جنيه .

و أنت ممكن تأمن بمبلغ أقل
يعني مش لازم تأمن بالقيمة الأجمالية للعربية .......... شوف المندوب و أسأله ازاي تقلل القسط ده لو قللت قيمة العربية نفسها .

**becatcho** · 24-06-2012 07:28 AM

شكلك من كلامك مأمن طيب ايه نظام تأمينك معلش انا مصدعك انا عارف بس انتا خبرة شكلك

**tutankhamoun** · 24-06-2012 07:53 AM

المشاركة الأصلية كتبت بواسطة becatcho

شكلك من كلامك مأمن طيب ايه نظام تأمينك معلش انا مصدعك انا عارف بس انتا خبرة شكلك

أنا مأمن مع مصر للتأمين

أول سنة دفعت مبلغ كامل تقريبا 3500 ج على مبلغ تأمين 90 ألف .
تاني سنة بيبدا التأمين يقل و بيعملك كمان حاجة تخفيض عدم مطالبة ممكن يوصل 500 جنيه .
و بعدين كل سنة تالية
يقولك قيمة العربية السوقية مش 90 ألف (طبيعي ) يبقى بدل ما تدفع مثلا 3 % على 90 ألف
تدفع 3 % على 80 ألف ....... بالاضافة لو معملتش مطالبات ...... يعملك تخفيض عدم مطالبة .

يا راجل الواحد بيسيب العربية مركونة في أمان الله و تلاقي واحد خبطها و جري ..... أو واحدة مش عارفة تركن تخبطهالك و هي بتركن و هي كمان قافلة المرايات

أنا أتخبطت كذا مرة و العربية مركونة و أنا مش فيها
بس حتى الآن و الحمد لله كلها حاجات خفيفة خالص مش باينة و ربنا يديمها على كدا .
علشان كدا لما بأركن بأركن بعيد عن البهايم ...... ما هو أنت و لو مؤخذة مش عارف مين اللي جاي يركن جنبك

دايما أركن في مكان واسع ..... و أبعد عن الأماكن الزحمة (مش عارف الناس ليه بتكسل تمشي )

مش مهم أركن بعيد أد أيه عن المكان اللي أنا رايحله ....... المهم أركن صح و في مكان واسع .

ده بالاضافة طبعا للأيام دي و السرقات و البلطجة .......... فلازم تأمن و ربنا وحده هو الحافظ .

**MohammedAladel** · 24-06-2012 09:17 AM

جين 2 لو هتتحمل ظروفها شكلها أجمل من التلاتة اللى قلتهم عربية هاتش باك بملامح السيدان ولو عايز عربية منتشرة وعملية يبقى لوجان أو لانوس

**MohammedAladel** · 24-06-2012 11:02 AM

المشاركة الأصلية كتبت بواسطة tutankhamoun

أي الرينز دي ؟؟؟؟ :10d5c8w1107:

يا باشا أنا قصدت الرينو الميجان بالاسم ....... اللوجان مش رينو قوي ...... هي داتشيا أساسا (تصميم رينو و موتور قديم من رينو بس المصنع الأساسي بتاعها هو داتشيا في رومانيا )

فهاتلاقيها مختلفة عن الرينو اللي هو رينو (المعقد ألكترونيا زي الميجان )

طبعا موتور بسيط زي اللوجان أفضل من موتور معقد بحساسات كل شوية تقف زي بتاع الميجان من نحية الأعتمادية)

عموما خلينا في الجين 2 علشان ما نلاقيش بتوع رينو هجوم على قسم بروتون ...... و تبقى الحرب المقدسة من أجل السلام العالمي

بالنسبة للنقطة بتاع الميجان معقدة إلكترونيا احنا فى عصر التكنولوجيا يا باشا وكل العربيات الحديثة فى كل بلاد العالم بتنزل بحساسات وكلام من دا مع اختلاف الوضع هناك عن هنا ولكن فى بلدنا فعلا الناس مبتحبش التوكيل لأن أسعاره غالية ولكن قطع غيار أصلية وفى النهاية التوكيل بيغير مش بيصلح يعنى مفيش إبداع جوا ولا حاجة فأنا معاك إنها فيها تكنولوجيا ولكن ليست معقدة العقدة عند الناس وعند الميكانيكيين اللى إمكانياتهم العلمية والفنية والتقنية محدودة وبرغم دا كله العربية اعتمادية ومش كل شوية بتقف زى ما انت بتقول كدا ياريت حضرتك متقولش كلام بتسمعه من ناس كتير وكفاية توكيلها المحترم اللى أغلب الناس بتشكر فيه

الموضوع: منتهى الحيرة اجيب جين 2 ولا لا؟

LinkBack

أدوات الموضوع

عرض

-

-

-

-

-

المواضيع المتشابهه

انا تعبت من الحيرة اجيب زيت ايه للكورولا ؟؟

يا ريت رأى أمين....أنا فى منتهى الحيرة

يا ريت رأى أمين....أنا فى منتهى الحيرة

برجاء المساعدة الأمينة .......منتهى الحيرة

اجيب لانسر مستعمل 2001 حالة ممتازة ولا اجيب فيرنا2010 او اجيب لانوس2010

الكلمات الدلالية لهذا الموضوع

المفضلات

المفضلات

ضوابط المشاركة