الموضوع: منتهى الحيرة اجيب جين 2 ولا لا؟

المشاركة الأصلية كتبت بواسطة becatcho

بص انا مش من اسكندرية نفسها انا من دمنهور معظم سواقتي هتبقى جوه دمنهور لكن دمنهور بلد مش زحمه اخرك تقف في اي اشاره دقيقه وبالكتير فا لفي حتى جوه البلد هيبقى خفيف ومعظم المشي هيبقى سفر من دمنهور لاسكندريه 60 كيلو بالظبط

أدام كدا ......... أنت هاتعشق العربية دي
في السفر ملهاش حل

ثبات ممتاز ........... و أستهلاك بنزين ممتاز .

بس أنت ممكن تعاني من قطع الغيار
معرفش نظامها أيه في أسكندرية ...... أو دمنهور

و لكن في القاهرة ...... فيه محلات كتير بتبيع قطع غيار لبروتون
فيه موضوع مُثبت ....... فيه عناوين محلات قطع الغيار .
حاجة كمان

قطع الغيار مش رخيصة زي اللانوس ... علشان تبقى عامل حسابك .

هاديك شوية أمثلة

اكصدام من التوكيل أمامي تقريبا في حدود 1000 جنيه ....... خارج التوكيل حوالي 350 مع فرق الخامة لصالح التوكيل طبعا

كبوت من التوكيل تقريبا في حدود 1000 ج توكيل ......... خارج التوكيل تقريبا 500 أو 600 جنيه
فانوس أمامي 1100 بالموتور .......... خارج التوكيل 275 بدون موتور مع فرق الخامة بتاعة وش الفانوس.

و فيه شوية قطع غيار متشابه مع ماركات تانية لأن فيه حاجاة بتبقى حاجات عامة
زي تيل الفرامل بيركبلها تيل فيات بترا تقريبا أو برافا مش فاكر
المهم تيل أمامي في التوكيل 250 جنيه (ماليزي - و فيه مصري )
خارج التوكيل فيه 100 جنيه ........ و أعلى .


و هكذا

أغلى حاجة ممكن تلاقيها
كمبيوتر العربية ecu أو وحدة التحكم الألكتروني . ودي تقريبا ثمنها كبير شوية (معرفش بكام بالظبط)

رادياتير و سربنتينة تكييف بالمراوح غاليين شوية ممكن تقريبا 3500 جنيه من التوكيل
أستيراد تعمل بتاع 1700
جديد من محلات قطع الغيار (لا أنصح به ) رادياتير بس يعمله باين 900 جنيه .
ألخ

المشاركة الأصلية كتبت بواسطة becatcho

انا عارف ان هي طبعا مش زي الانوس انا فاكر باين واحد صاحبي كان بيقولي تيل فرامل الانوس خمسين جنيه بس انا ان شاء الله هأمن عليها كدا كدا لكن المهم ان الحاجه تبقى حلوة وتعيش بعدين انا كاره الانوس جدا حاسس اني هاركب عربيه تحس انها عاملة زي الحمام من كتر ما بتخشه بقيت حافظه صحيح انا خايف شوية لا البس في الحيط بس بقول يارب وكله خير وهاصلي استخاره بأذن الله

أولا ربنا يوفقك في أتخاذ قرار صحيح .

لو عندك أي ذرة شك في العربية ......... أوعي تشتريها
لازم تكون مطمن لها 100 % علشان تحبها و ترتاح معاها .

المشاركة الأصلية كتبت بواسطة becatcho

انتا عارف انا فكرت كتير ولسه بفكر طبعا بس حاسس ان انا لو اشتريت مثلا لانوس اه الحمدلله هابقى مبسوط بس هاحس اني مجبتش حاجه انا عايز اجيب عربيه مقعدش اتعقد من عربيات تانيه بسبب ان العربية مفيهاش اي امكانيات فاهم قصدي

بُص هي اللانوس عربية ممتازة . (أقتصادية - منتشرة ) بس قدمت شكلا و مش ركوبة قوي من ناحية الثبات .
إنما كعربية ......... فهي ممتازة من عدة نواحي .

الجين 2 تختلف لأنها مذاق تاني
بتديك ثبات جامد ....... شكل رياضي ......... كماليات طبعا أعلى من اللانوس . ..... عوامل أمان (وسائد هوائية فرامل abs ebd

كل حاجة بثمنها
علشان العربية مش منتشرة ...... طبعا هاتلاقي قطع الغيار مش متوفرة زي اللانوس
فهاتستمتع بالعربية في الركوب بس ممكن تعاني شوية في أنت تنزل القاهرة علشان تشتري قطعة غيار .

العربيات اللي مش منتشرة كدا - زي الرينو الميجان مثلا ... السوباورا ..... الفولفو ...... كدا يعني .

المشاركة الأصلية كتبت بواسطة becatcho

بس افتكر دلؤتي الرينز بقت افضل بكتير وبقت منتشره جدا خصوصا اللوجان

أي الرينز دي ؟؟؟؟

يا باشا أنا قصدت الرينو الميجان بالاسم ....... اللوجان مش رينو قوي ...... هي داتشيا أساسا (تصميم رينو و موتور قديم من رينو بس المصنع الأساسي بتاعها هو داتشيا في رومانيا )

فهاتلاقيها مختلفة عن الرينو اللي هو رينو (المعقد ألكترونيا زي الميجان )

طبعا موتور بسيط زي اللوجان أفضل من موتور معقد بحساسات كل شوية تقف زي بتاع الميجان من نحية الأعتمادية)

عموما خلينا في الجين 2 علشان ما نلاقيش بتوع رينو هجوم على قسم بروتون ...... و تبقى الحرب المقدسة من أجل السلام العالمي