المشاركة الأصلية كتبت بواسطة tutankhamoun
العربية ممكن تعمل معاك معدل 250 كم لكل 20 لتر بالسواقة الهادية و ممكن تعمل أكتر و ممكن توصل ل 300 كم
خلينا في 250 كم كمعدل متوسط .
سرعة ما بين 80 إلى 110 كم - س .
و لفات الموتور ما تزدش عن 3000 لفة .
جوه البلد مش مقياس نهائي و متقدرش تحسبها
لأنك ممكن تقف في اشارة ربع ساعة ......... و ممكن تقف في اشارة تانية دقيقة
و لكن برضه العربية معقولة بتعمل من 180 إلى 200 كمتوسط .
بس أنا أغلب سواقتي طرق مفتوحة و طوالي و لذلك أستهلاك البنزين معايا معقول .
و لكن الأماكن اللي فيها زحمة ........ برضه الأستهلاك معقول مش وحش حسب تجربتي مع المانوال و مع الاوتوماتيك من الجين 2 .
شوف لو أنت سواقتك كلها جوه البلد و في زحمة ... لا ينفعك جين 2 و لا ينفعك أي عربية 1600
هاتحرق بنزين ملوش لزمة لو أنت بتسوق أساسا في الزحمة بس .
بارك الله فيك ياتوت باشا ربنا يحفظك "بس انت بتعمل إزاي 250 كيلو في الصفيحة وكمان 300"
لصاحب الموضوع
هية دي النقطة المقياس في استهلاك البنزين لو سواقتك كلها طوالي يبقى استهلاكها معاك كويس ولو بتقف كتير في زحمة واشارات أي عربية 1600 في مصر استهلاكها في الزحمة مش حلو ... أنا معايا ألتو وبتعمل حوالي 300 - 340 كيلو في الصفيحة وسواقة هادية ولما بحرق عليها بتعمل 280 في الصفيحة وما بركبش غيرها لما أكون نازل وأنا عارف إني رايح وسط البلد
البيرسونا بتعمل لغاية دلوقتي معايا 210 - 220 كيلو في الصفيحة ما بين طرق مفتوحة وشوية طرق زحمة "ده الدائري انهاردة بقى على طول واقف" وانا طبيعتي سواقتي أو سواقة زوجتي ما بين 90 - 100 مش بنعديها إلا قليلا وزوجتي مش بتعديها نهائيا وهي سواقتها أحلى وأهدى مني كمان
نقطة فاصلة أخرى بالنسبة لك هو التوكيل وقطع الغيار .. لأن الناس هنا كانوا بيشتكوا من توكيل اسكندرية أكتر من القاهرة .. هل انت ممكن تستحمل التوكيل عشان خاطر العربية ولا لأ
المفضلات