الموضوع: منتهى الحيرة اجيب جين 2 ولا لا؟

مش حطول عليك :
طالما إنت عشقان الجين تو ... صدقني مش حتعبي دماغك عربية تانية

أنا جبت غولف جي تي آي مانويل ( يعني حلم أي شاب ) بعد ملاكي الأبيض الجين تو أتوماتيك ... بس والله لحد دلوقتي أحياناً بسيب الغولف وبخرج بالجين تو

مش عارف إيه سر العربية دي فيها سحر خاص مش قادر أتخلص منه ، ومش عايز أتخلص منه ^_^

مبروووك مقدماً

المشاركة الأصلية كتبت بواسطة mohammedaladel

بالنسبة للنقطة بتاع الميجان معقدة إلكترونيا احنا فى عصر التكنولوجيا يا باشا وكل العربيات الحديثة فى كل بلاد العالم بتنزل بحساسات وكلام من دا مع اختلاف الوضع هناك عن هنا ولكن فى بلدنا فعلا الناس مبتحبش التوكيل لأن أسعاره غالية ولكن قطع غيار أصلية وفى النهاية التوكيل بيغير مش بيصلح يعنى مفيش إبداع جوا ولا حاجة فأنا معاك إنها فيها تكنولوجيا ولكن ليست معقدة العقدة عند الناس وعند الميكانيكيين اللى إمكانياتهم العلمية والفنية والتقنية محدودة وبرغم دا كله العربية اعتمادية ومش كل شوية بتقف زى ما انت بتقول كدا ياريت حضرتك متقولش كلام بتسمعه من ناس كتير وكفاية توكيلها المحترم اللى أغلب الناس بتشكر فيه

أكيد طبعا يا باشا التكنولوجيا مهمة ....... و أغلب العربيات فيها تكنولوجيا طبعا .

هو أنا لما قلت كل شوية تقف على تجربة أثنين أعرفهم - واحد صاحبي وواحد جاري
الأثنين باعوها بعد ما زهقوا من الأعطال المستديمة

و معرفش هل الكلام ده ينطبق على كل الميجان و لا الأثنين دول حظهم وحش .

و طبعا توكيل رينو معروف أنه من أفضل التوكيلات في مصر بدون كلام .

المشاركة الأصلية كتبت بواسطة d . A .\ ayman

بارك الله فيك ياتوت باشا ربنا يحفظك "بس انت بتعمل إزاي 250 كيلو في الصفيحة وكمان 300"

يا باشا ربنا يباركلك و يستر طريقك .
أنا هاقولك أنت ممكن تعمل أرقام حلوة ازاي
أنا معايا دلوقتي من 200 إلى 250 المتوسط .

و لكن في السفر ....... ممكن تعمل 300 ......... على سرعة 90 كم ثابتة . (أي عربية ممكن تعملها )

أولا ظابط الكاوتش على 30 الأمامي (و العربية باردة ) ........... و الخلفي على 29 .

ثانيا طبعا الصيانة مهتم بها .......... و تغيير الزيت .

ثالثا و الأهم طريقة السواقة

متخليش الموتور يعلى عن 3000 و يُفضل 2500 لفة - دقيقة .......... و الثبات على السرعة
حاجة تانية
لما تكون داخل على مطب و عارف أن أنت هاتقف ......... يُفضل عدم التسارع و تسيب العربية تهدى لوحده
و بكدا ممكن تعمل بتاع 5 أو 4 كم .......... بدون أستهلاك عالي للبنزين .

فيه حاجة كمان
بأستخدم مُنظف رشاشات كل فترة ........ و خلي بالك مُنظف رشاشات ...... مش مُنظف دورة بنزين
علشان فيه فرق رهيب بينهم
منظف الرشاشات يمكن أستخدامه في أي وقت و مع كل تفويله
أما منظف الدورة الخاصة بالبنزين ......... بيستخدم على فترات طويلة قوي يعني ممكن توصل كل 20 ألف كم مثلا لو أنت عندك مشكلة في الرشاشات و دورة البنزين عموما .

طبعا كمان بدون تعجيل مفاجيء (كيك داون) ...........

هي الطريقة اللي عليها الرك كله

المشاركة الأصلية كتبت بواسطة tutankhamoun

[/center]

يا باشا ربنا يباركلك و يستر طريقك .
أنا هاقولك أنت ممكن تعمل أرقام حلوة ازاي
أنا معايا دلوقتي من 200 إلى 250 المتوسط .

و لكن في السفر ....... ممكن تعمل 300 ......... على سرعة 90 كم ثابتة . (أي عربية ممكن تعملها )

أولا ظابط الكاوتش على 30 الأمامي (و العربية باردة ) ........... و الخلفي على 29 .

ثانيا طبعا الصيانة مهتم بها .......... و تغيير الزيت .

ثالثا و الأهم طريقة السواقة

متخليش الموتور يعلى عن 3000 و يُفضل 2500 لفة - دقيقة .......... و الثبات على السرعة
حاجة تانية
لما تكون داخل على مطب و عارف أن أنت هاتقف ......... يُفضل عدم التسارع و تسيب العربية تهدى لوحده
و بكدا ممكن تعمل بتاع 5 أو 4 كم .......... بدون أستهلاك عالي للبنزين .

فيه حاجة كمان
بأستخدم مُنظف رشاشات كل فترة ........ و خلي بالك مُنظف رشاشات ...... مش مُنظف دورة بنزين
علشان فيه فرق رهيب بينهم
منظف الرشاشات يمكن أستخدامه في أي وقت و مع كل تفويله
أما منظف الدورة الخاصة بالبنزين ......... بيستخدم على فترات طويلة قوي يعني ممكن توصل كل 20 ألف كم مثلا لو أنت عندك مشكلة في الرشاشات و دورة البنزين عموما .

طبعا كمان بدون تعجيل مفاجيء (كيك داون) ...........

هي الطريقة اللي عليها الرك كله

كلام جميل جدا جزاك الله خيرا .... أنا فعلا دايما بكون حريص على القيادة بإسلوب مشابه كتير للى بتقوله ده .. بس طبعا باجي في الزحمة وكل حاجة بتبوظ

بس في حاجة .. أنا أول مرة أعرف إن في حاجة اسمها منظف رشاشات وانه غير منظف دورة البنزين أنا دايما باجيب التاني كل فترة

عموما أنا عملت في الأربع تفويلات اللى عملتهم لغاية دلوقتي تقريبا متوسط استخدام 210 كيلو في الصفيحة .. وأعتقد إن الاستهلاك ممكن يزيد بعد الخمس آلاف كيلو ... عندي أمل وإن كان مش كبير قوي لأن في اعتقادي إن ده هو استلاك الـ 1600 الطبيعي

أصلا الألتو بتعمل معايا 300 - 340 وهية 800 سي سي .. يبقى إزاي أبقى عايز البيرسونا تعمل 300 برضه يبقى طمع ... مش كدة برضه

المشاركة الأصلية كتبت بواسطة d . A .\ ayman

كلام جميل جدا جزاك الله خيرا .... أنا فعلا دايما بكون حريص على القيادة بإسلوب مشابه كتير للى بتقوله ده .. بس طبعا باجي في الزحمة وكل حاجة بتبوظ

الزحمة في مصر أكتر حاجة بكرهها في حياتي
لأن كل واحد عامل فيها فلحوص و يزنق نفسه و خلاصو تبقى الدنيا واقفة .. واقفة و مفيش مفر و لكن
الفلاحيص كتير في الزفتة مصر .
بالنسبة طبعا لأستهلاك البنزين ... أكيد في الزحمة هايزيد بس هايعتمد أنت واقف مدة أد أيه ؟
ممكن واحد يقف 10 دقائق وواحد تاني يقف 20 دقيقة و بعدين أبو 20 دقيقة يقارن نفسه بأبو 10 دقائق و يقولك أنا عربيتي بتستهلك أكتر منه !!!

بس في حاجة .. أنا أول مرة أعرف إن في حاجة اسمها منظف رشاشات وانه غير منظف دورة البنزين أنا دايما باجيب التاني كل فترة

طيب خليك حريص بقى لأن منظف دورة البنزين ده فيه مواد قوية جدا بتعمل تآكل لخراطيم البنزين و مش عارف بتعمل تآكل لحاجة تانية و لا لاءة ؟؟
ربنا يستر .

عموما أنا عملت في الأربع تفويلات اللى عملتهم لغاية دلوقتي تقريبا متوسط استخدام 210 كيلو في الصفيحة .. وأعتقد إن الاستهلاك ممكن يزيد بعد الخمس آلاف كيلو ... عندي أمل وإن كان مش كبير قوي لأن في اعتقادي إن ده هو استلاك الـ 1600 الطبيعي

ده طبعا أستهلاك معقول قوي
بس ممكن يزيد عن كدا شوية بعد أول 5 الاف أو أول 10 الاف كمان .

أصلا الألتو بتعمل معايا 300 - 340 وهية 800 سي سي .. يبقى إزاي أبقى عايز البيرسونا تعمل 300 برضه يبقى طمع ... مش كدة برضه :10d5c8w1107:

بُص يا باشا
طبعا العربية الأصغر هاستهلك أقل عند نفس عدد لفات الموتور و طبعا الوزن بيفرق

أنت ممكن تخلي البرسونا تستهلك أستهلاك قليل لو حافظت على عدد لفات الموتور ثابت و قليل و يا حبذا على 2500 لفة ........

و الله العظيم هاتشوف أحلى أستهلاك ........... جرب تعملها كدا لمسافة 100 كم و قولي الأخبار

أمشي على 80 و ثبت السرعة .............. و عداد اللفات ما يزدش عن 2500 أو 3000 لفة بالكتير .

و شوف بقى أستهلاك العربية ال 1600 هايعمل أيه ؟


خلي بالك أن الألتو علشان توصل مثلا لسرعة 90 بتجيب كام أر بي أم ؟؟؟
و البرسونا بتجيب كام أر بي أم ؟؟؟

مع فارق الوزن للألتو .......... والعزم طبعا للبرسونا

المشاركة الأصلية كتبت بواسطة becatcho

اه لو كدا تبقى طماع فعلا

مش كدة برده

المشاركة الأصلية كتبت بواسطة tutankhamoun

بُص يا باشا
طبعا العربية الأصغر هاستهلك أقل عند نفس عدد لفات الموتور و طبعا الوزن بيفرق

أنت ممكن تخلي البرسونا تستهلك أستهلاك قليل لو حافظت على عدد لفات الموتور ثابت و قليل و يا حبذا على 2500 لفة ........

و الله العظيم هاتشوف أحلى أستهلاك ........... جرب تعملها كدا لمسافة 100 كم و قولي الأخبار

أمشي على 80 و ثبت السرعة .............. و عداد اللفات ما يزدش عن 2500 أو 3000 لفة بالكتير .

و شوف بقى أستهلاك العربية ال 1600 هايعمل أيه ؟


خلي بالك أن الألتو علشان توصل مثلا لسرعة 90 بتجيب كام أر بي أم ؟؟؟
و البرسونا بتجيب كام أر بي أم ؟؟؟

مع فارق الوزن للألتو .......... والعزم طبعا للبرسونا

بالضبط كدة ... وعشان كدة الألتو في الزحمة عمرها ما هاتستهلك زي البيرسونا لأن الأتنين هايكونوا شغالين على نفس عدد لفات الموتور تقريبا اللى هو مش هايزيد عن 1.5 تقريبا ده في أحسن أحوال الطرق عندنا ... مع فارق الوزن بالفعل للألتو ... وعدم احتساب فارق العزم للبيرسونا لإنه غير مستخدم نهائيا

لكن في الطرق السريعة الحساب هايكون بالعكس ... أنا هنا ابتديت استغل العزم القوي بتاع البيرسونا عشان أحرك الوزن العادي بتاعها لكن الألتو هاتكون بتجاهد عشان توصل لنفس السرعة مع مقاومة أقوى للهواء واستهلاك مضاعف تلات مرات للبنزين

بجد أنا بكره نفسي في اليوم اللى أكون نازل فيه وسط البلد

مع الشكر لصاحب الموضوع والاعتذار له لخروجنا عن السياق المخصص له :)