الموضوع: حكايتي مع بروتون جين 2

المشاركة الأصلية كتبت بواسطة tutankhamoun

يا باشا أنت ما سقتش الموتور iafm
حاجة تانية خالص غير اللي معاك .

أما بالنسبة لموضوع الكماليات الكتير
أنت بتقارن أعلى فئة سيراتو مع الجين 2 أعلى فئة و لا أيه ؟

اه فعلا معلش
انا كنت عايز اقول ان السحب متساوي ويمكن احسن للجين2 كمان بس نسيت النقطة دي
وللاسف ياتوت باشا ان السيراتو واخدة صيت كبير بسبب الكماليات اللي في اعلى فئة

الف شكر على الموضوع الجميل والحكاية الأحلى دي ..

مشكلة السيراتو إنها متخمة بشوية كماليات أنا شايفها من وجهة نظري عبيطة وملفتة للنظر فقط (زي البصمة وفتحة السقف) آه وجودها جميل جدا وكانت مزغلله عيني فعلا ... لكن دون قيمة حقيقية في السيارة سوى الشكل والموتور الناعم والفتيس (وبصراحة نعومة السيراتو جميلة جدا وعزلها حلو)

لكن لما جيت أقارن لاقيت فرق رهيب بالنسبة لعوامل الأمان لصالح البيرسونا (إيه بي إس - إي بي دي .. 2 إير باج .. تعليق مستقل في العفشة وهي نقطة فارقة مهمة جدا .. أربع نجوم في اختبار التصادم الأوروبي .. وما الى ذلك من فوارق) متانة أكبر لصالح البيرسونا ثبات في الملفات والمناورة لا يمكن مقارنته بالبيرسونا والتي من الأصل لا تقارن بالجين تو لصغر حجم الشنطة في الأخيرة عن الأولى

وبصراحة كل ده ما كنتش ركبت البيرسونا نهائي لكن كنت ركبت السيراتو

ولما ركبت البيرسونا لاقيت إن عزل الإليجانس جميل جدا ومقارب من السيراتو كتير وفعلا مش بحس بالطريق نهائي لما بقفل الزجاج لغاية 170 (مرة واحدة فقط مكنتش حاسس بالطريق ولا السرعة فعلا لإنه كان الفجر على الدائري إلا لما بصيت على العداد وروحت مهدي على طول)

والأتنين قعدتهم من جوة جميلة وأميل أكتر للقعدة بداخل البيرسونا لكن السيراتو قعدتها حلوة برضه

نيجي بقى للفرق النهائي وهو إن مع كل عوال الأمان والثبات دي (والأوبشنز المتقاربة جدا) والشكل الأجمل سواء من الداخل أو الخارج (بالنسبة لي) يكون الفرق في السعر يصل لأكتر من 30 الف جنيه أقل لصالح البيرسونا ... مقابل فتحة سقف وبصمة والبلوتوث في السيراتو !!!!!!!! (معرفش أصلا فيها بلوتوث ولا لأ)

أعتقد في النهاية إن السيراتو مش أحلى إلا في انتشارها (وإن كنت لا أظنها ميزة) وتوافر قطع غيارها فقط

ملحوظة التسارع مجربتوش لإنه مش بيفرق معايا في التقييم ولا هنا ولا هنا وكذلك قوة المحرك لإنهم مقاربين لبعض (مش فرق المكلارين يعني)