الموضوع: الار بي ام بيعلى و يوطى من نفسه

المشاركة الأصلية كتبت بواسطة tananybasha

فيه حاجة اسمها مش لاقى تى بى اس يا كريم

الفكرة اني مش عارف مكانه فين .. تقريبا مكانه عندي رخم عشان في ناس هنا بتتكلم ان مكانه رخم في العربية

Replacing IAC valve & TPS on a 1.6 16v - Corsa Sport - for Vauxhall and Opel Corsa B, Corsa C and Corsa D

المشاركة الأصلية كتبت بواسطة hellboy

شووووووف يا كيمو
-التي بي اس مسؤل عن الاحساس بمقدار دوسه السائق لدواسه البنزين علشان الكمبيوتر يحفز الرشاشات بكميه البنزين المناسبه لشده الدوسه دي
-الحساس ده له جزء ميكانيكي وجزء كهربي الميكانيكي عباره عن ذراع واصله بالبوابه علشان تستشعر بمقدار دوسه البنزين والجزء الكهربي داخل الحساس بيترجم الدوسه دي لفولت رايح للكونترول

-تحت العمه السوده المدوره من ناحيه اليمين هتلاقي حاجه سودا راكبه لطش علي المانفولد علي شكل نص دايره اسود في رمادي خارج منها فيشه بسلك للاعلي
-هتفك كلبس الفيشه لبره وترفع لفرق علشان تشيل الفيشه وبعد كده هتفك الحساس اللي ممسوك بمسمارين الانكيه هتشده لبره يطلع معاك
-الحساس ده من الحساسات اللي للاسف مابتتنظفش انما ممكن يكون مكان دخوله في المانفولد معلق ومحتاج رشه دبليو دي 40
-هو من اعراض تلفه الرئيسيه هو ظهور تفتفه من الشكمان عند الضغط علي دواسه البنزين +الار بي ام يعلي ويوطي لوحده

ربنا يكرمك يا فادي .. ايه الشرح الوافي ده .. بجد استفدت منه كتير.

الفكرة ان موتوري مش زي موتور الفيكترا .. دي صورة الموتور عندي.

أنا رحت امبارح لصابر اللي في رابعه .. قلت يمكن يكون عنده سكانر يكشف لي على الحساسات.

قلت له العربية بتعلى و توطى لوحدها .. فتح الكبود و بص .. و بعدين فضل يزود بنزين من الاكسلاتير و يسيب (تقريبا كان عاوز يشوف في حاجه بتعلق ولا لأ) .. و بعدين هز الكابلات اللي جايه من الكنترول .. لقيت العربيه بدأت تعلى و توطى و هو بيهز .. قال لي خلاص بطل .. احنا هنعمل تقوية للضفيرة.

سألته ليه؟ .. قالي هنستنى لما العربية تبرد و نشتغل فيها .. بصراحه مكنتش عاوزة يلعب في الضفيرة لسببين .. أولا ان أنا شايف ان الضفيرة مافيهاش مشكلة و حسيت ان المشكلة في فيشة مش متثبتة كويس أو بتغش.. ثانيا اني مبحبش العب في الضفيرة عشان مبترجعش زي الأول.

قلت له طيب هروح اجيب حاجه و اجي .. و مشيت و ركنت بره .. و تبتت على الفيش شويه و مشيت روّحت .. و الحمد لله طول الطريق و انا راجع العربية زي الفل.

مش عارف بأه هو كان عارف و عاوز يعمل شغل .. ولا هو كان شايف ان في مشكلة في الضفيرة فعلا .. بس للأمانة كان في واحد هناك معاه فيكترا سي .. و كان عاوز يغير حاجات .. و صابر مرضيش و قالّه عربيتك زي الفل و مش محتاجه.

المهم دلوقتي مشكلة الار بي ام اللي بيعلى و يوطى اتحلت الحمد لله .. بس لسه أحيانا الار بي ام بيوصل 1.1 لما أشغل التكييف لفترة طويلة في الحر .. ده عادي ولا لأ؟