الار بي ام بيعلى و يوطى من نفسه

**kar!m** · 01-07-2012 11:06 PM

السلام عليكم و رحمة الله

اخواتي في قسم أوبل

أخوكم عنده مشكلة .. المشكلة بقالها 3 أسابيع أو شهر تقريبا.

في البداية لاحظت ان أحيانا و أنا مشغل التكييف بس فى الحر الشديد .. الار بي ام بيقف عند 1.1 فى السلانسيه.

و ممكن يرجع تاني بعدها عند 0.9

شويه و لقيت الموضوع بيزيد .. و بأه بيحصل من غير التكييف كمان.

نظفت الأيدل و البوابه و عملت أيدل ليرن .. بس المشكلة لسه موجودة.

دلوقتي الي بيحصل كمان ان وأنا واقف على السلانسيه الار بي ام بيطلع و ينزل حوالين الواحد.

كلمت محمد ممدوح .. قال لي حط العربية على سكانر .. و ده غالبا حساس تي بي اس.

أنا عارف حساس الأيدل اللي عندي .. و حساس الشكمان .. و حساس الكولنت .. و الماب .. و حساس الكرنك.

بس مش عارف عندي تي بي اس ولا لأ

و ليه المشكلة دي متكونش من الأيدل؟

**tananybasha** · 02-07-2012 12:31 AM

ايدل كنترول
و احسن اعمل اسكانر

**kar!m** · 02-07-2012 11:09 AM

المشاركة الأصلية كتبت بواسطة tananybasha

ايدل كنترول
و احسن اعمل اسكانر

مين عنده اسكانر؟

المشاركة الأصلية كتبت بواسطة exact

سؤال... هل حضرتك ترموستات الكوع بتاع الردياتير راكب وللا متشال... لأنه لو متشال هيعمل كده
وعاوزك تلاحظ العلاقة بين التذبذب ده وشغل مروحة الردياتير

اخر حاجة هل العربية فعلا بتعلى؟؟.... بمعنى هل العداد مش مهيس؟؟

لأ .. الترموستات موجودة .. العربية الحمد لله مش متغير فيها حاجه.

ممكن فعلا يكون في علاقه بين المروحه و الموضوع ده .. عشان مبيحصلش الا لما العربية تسخن.

اه العربية بتعلى فعلا .. صوت الموتور بيعلى و يوطى.

**Formulator** · 02-07-2012 11:48 AM

طبعا عندك حساس TPS،

وللأسف المشكلة اللى انت بتقولها دى شائعة فـ مواتير الـEco-TEC.. اللى هى High-Idle
كلام tananybasha صح، وكلام MMamdouh صح.. الإثنين سنسورز قد يكون فيهم المشكلة..؟؟!!!

لو عايز تجرب قبل ماتحطها على Scanner:
- هتنظف حساس الـIdle Air Control الأول.. وتجرب، ماضبطتش:
- هتعمل Reset لحساس الـThrottle-Position Sensor (بتفكه 10 دقائق وتركبه وتدور العربية تانى).

لو ماضبطتش بعد الخطوتين دول: يبقى حساس Temperature ثرموستات.. وآخر حاجة الـMAF

Edit: دى الـProcedure اللى بيعملوها فـ منصور (من واحد صاحبى مهندس فـ مركز الصيانة بتاع شارع الطيران).
- وقاللى بالضبط: أحيانا بيبقى الحساس محتاج تنظيف فقط أو Reset.. لكن بيغيروه؟؟!!!
ولاد التيييييييييييييييت..!!!

Rgds،

**alnmr79** · 02-07-2012 03:40 PM

متابع لان المشكلة دى شائعة فى الاوبل ومنعرفلهاش حل جزرى.

**Amrgamal1** · 02-07-2012 06:21 PM

انا عندي بردو بيحصل رعشه كدا مع التكييف
مش بعرف اشغله في زحمه خالص

**HASSAN SERRY** · 02-07-2012 10:53 PM

على فكره هوه من رأيى انه إحتمال كبير يكون حساس ال TPS
على ما افتكر حساس ال TPS ده مسئول عن كمية الهوه اللى بيدخل للموتور عشان حرق البنزين
فا الحساس ده لو مش مظبوط بيدى اشارات غلط للكمبيوتر يخليه يدخل هوه بزيادة او يقلل فا تلاقى ال ار بى ام يعلى و يوطى
على ما اظن الحساس ده ممكن يتلجلجش مش محتاج يتغير بس تروح عند حد فاهم
و ده بيتعرف لما بتحط العربية على الاسكانر بيكون مسجل error

**kar!m** · 03-07-2012 08:52 AM

المشاركة الأصلية كتبت بواسطة hassan serry

على فكره هوه من رأيى انه إحتمال كبير يكون حساس ال tps
على ما افتكر حساس ال tps ده مسئول عن كمية الهوه اللى بيدخل للموتور عشان حرق البنزين
فا الحساس ده لو مش مظبوط بيدى اشارات غلط للكمبيوتر يخليه يدخل هوه بزيادة او يقلل فا تلاقى ال ار بى ام يعلى و يوطى
على ما اظن الحساس ده ممكن يتلجلجش مش محتاج يتغير بس تروح عند حد فاهم
و ده بيتعرف لما بتحط العربية على الاسكانر بيكون مسجل error

المشكلة اني مش لاقي ال tps عندي :-)

-

-

الموضوع: الار بي ام بيعلى و يوطى من نفسه

LinkBack

أدوات الموضوع

عرض

الار بي ام بيعلى و يوطى من نفسه - انشر الموضوع فى :

-

-

-

-

-

-

المواضيع المتشابهه

صوت بيعلى ويوطى مع نفسه

الار بي ام بيعلى جدا بين النقلات

عداد الار بى ام بيعلى لوحده ....؟؟!!

مؤشر الrpm بيعلى و يوطى لوحده؟؟؟!!

الار بي ام بيعلى ويوطي

الكلمات الدلالية لهذا الموضوع

المفضلات

المفضلات

ضوابط المشاركة