بصو انا كنت متردد قبل ما اعمل التوبيك بس في لحظه كده قلت اهو ايه المشكله لما اقول للناس يمكن ينصحوني واستفيد بنصيحتهم واعمل بيها :)

انا عندي 22 سنه وجسمي رفيع جدا وانا لسه مخلص جامعه ق فقولت الفتره اللي قبل الجيش دي اروح فيها الجيم اهو اعمل اي منظر او ازيد شويه .. انا رحت الجيم قبل كده زي كتير من الشباب اللي بيروحو شهر ويقطعو .. عملت كده بتاع 5 مرات واكيد طبعا مكانش فيه تأثير لأني مبكملش اصلا
المره دي ناوي بجد والجيم جمب البيت عندي وهروح يوم ويوم إن شاء الله معنديش حجه بقي
المهم كنت عايز اعرف ايه الطقوس او نصائح منكو يعني عشان احس بتأثير او اي حاجه
هل اخد حاجه مع الجيم عشان يبان تأثير واحس بالتغيير بسرعه ؟ ولا استمر جيم وخلاص ؟ موضوع الاكل ده مهم ولا عادي يعني اصلي باكل مره او مرتين بالكتير في اليوم ومظبوط علي كده بصراحه هتبقي صعب عليا اوي اغير النظام ده واعمل زي ما بيقولو واقسم الاكل 6 مرات ومش عارف ايه
الحاجات اللي بتتاخد مضره ؟ ولا عادي ؟ انا ليا صاحبي كان ارفع مني سيبته بتاع 6 شهور لقيته ما شاء الله بجد بحسده كل 5 دقايق
ولو كده ايه الحاجات الكويسه اللي هتساعدني في الحوار ده ؟ ياريت بس اللي فاهمين يردو عشان دي حاجه هتضر لو فتيت فيها :)