حطيت موبيل 1 والعربية مقضياها سخونية

**forget** · 06-07-2012 07:03 PM

المشاركة الأصلية كتبت بواسطة madawbs

العربية كان اداءها زي الفل قبل ما اغير الزيت ما كانتش بتسخن خالص

المشاركة الأصلية كتبت بواسطة ahmed_fahmy

موبيل ١ مينفعش في عربيه بعد ال١٠٠ الف كيلو ده شخص يستحق الحساب والشكوي ولو مسخنتش هيتبخر بعد كام الف

الكلام ده مظبوط جدا ..
فى فرق كبير جدا بين النوعين ال 3000 ده زيت معدنى أما 10000 زيت تخليقى 100%
الزيت المعدنى أفضل للمواتير القديمة أكتر من 100 ألف كيلو لأن فعلا الزيت التخليقى ده بيتبخر بعد كام ألف كيلو
ولو حتى حبيت تغير من معدنى لتخليقى متجيش فجأة كده وتعملها لأن خواص النوعين مختلفة تماما

أكيد لو رجعت للزيت اللى أنت متعود عليه كل الأمور هترجع لطبيعتها

**madawbs** · 24-07-2012 10:59 AM

انا رجعت الزيت تاني (علي حسابي طبعا) واديتلهم الزيت ال 10000 يحللوه والعربية بقت احسن (من غير التكييف ) بالتكييف بتسخن بس بعد فتره طويله (بتعدي ال 100 بعد مثلا 50 كيلو سواقه في الحر) ومجرد ما اطفي التكييف بتنزل ل 90

بالمناسبه الزيت الموبيل وان نازل من العربية لزوجته زي المياه كدة (مافيش لزوجه خالص والي غيره قاللي غالبا العامل ضحك عليك وحطلك زيت مستعمل والمهندس الي هناك (في موبيل الي قدام زايد 2000) قاللي اصل فيه نوعين محطات موبيل الي فيها On The Run والي مافيهاش وواحدة منهم مش تبعنا قلتله انا داخل على اسم موبيل ماليش بقي في الكنافه دي ياما تعلنوا وتقولوا دول مش تبعنا ماتاخدوش منهم

غير طبعا انه حب يستعبط ويقولي ان الزيت مالوش علاقه بحرارة الموتور (بس الحمد لله اديته الدرس كامل واقتنع ان الارض هي الي بتدور حوالين الشمس)

وبرضه لسه مش عارف ايه الي بيخلي العربية تسخن مع التكييف
المياه مظبوطه
الزيت مش بينقص
التكييف شغال وبيبرد كويس
الكهربا لا عاليه ولا واطية
السحب معقول مع التكييف وكويس من غيره

اي اقتراحات ؟؟

**ENG\AHMED** · 24-07-2012 12:26 PM

المشاركة الأصلية كتبت بواسطة madawbs

انا رجعت الزيت تاني (علي حسابي طبعا) واديتلهم الزيت ال 10000 يحللوه والعربية بقت احسن (من غير التكييف ) بالتكييف بتسخن بس بعد فتره طويله (بتعدي ال 100 بعد مثلا 50 كيلو سواقه في الحر) ومجرد ما اطفي التكييف بتنزل ل 90

بالمناسبه الزيت الموبيل وان نازل من العربية لزوجته زي المياه كدة (مافيش لزوجه خالص والي غيره قاللي غالبا العامل ضحك عليك وحطلك زيت مستعمل والمهندس الي هناك (في موبيل الي قدام زايد 2000) قاللي اصل فيه نوعين محطات موبيل الي فيها On The Run والي مافيهاش وواحدة منهم مش تبعنا قلتله انا داخل على اسم موبيل ماليش بقي في الكنافه دي ياما تعلنوا وتقولوا دول مش تبعنا ماتاخدوش منهم

غير طبعا انه حب يستعبط ويقولي ان الزيت مالوش علاقه بحرارة الموتور (بس الحمد لله اديته الدرس كامل واقتنع ان الارض هي الي بتدور حوالين الشمس)

وبرضه لسه مش عارف ايه الي بيخلي العربية تسخن مع التكييف
المياه مظبوطه
الزيت مش بينقص
التكييف شغال وبيبرد كويس
الكهربا لا عاليه ولا واطية
السحب معقول مع التكييف وكويس من غيره

اي اقتراحات ؟؟

راجع على المراوح واتأكد ان كل السرعات شغالة

بخصوص موبيل 1 والتبخير والصوت والحرارة وكل الكلام دة وعن تجربة فى فورد فوكاس وفكترا
كل عربية لها مواصفات للزيت المستخدم , موبيل 1 فى الفكترا شغال تمام ولا سخونة ولا تبخير ولا اى حاجة باستثناء صوت الموتور اللى حاسة بقى عالى عن الاول ( بموبيل 1 برضة) ودى هقدر احكم عليها اكتر لما اغير الزيت لنوع تانى لأنها من يومها موبيل 1
وسيبك من موضوع فوق ال 100 وتحت ال 100 والكلام دة الموضوع كله متعلق بحالة الموتور

فى الفوكاس لما غيرت من امارات مصر لموبيل صوت الموتور بقى اخشن والزبت اتبخر بعكس امارات مصر ولما جيبت ال data sheet بتاع موبيل 1 وزيت motorcraft وهو ال recommended من فورد لقيت ان موبيل 1 لزوجتة اقل بفرق كبير ودة بيفسر البخر والصوت , بعدها حطيت valvoline ودة كان اتقل شوية من موبيل 1 العربية رجعت لطبيعتها