حسبي الله و نعم الوكيل
انت مش حرام تدفعلة الوزر مش عليك
لكن امين الشرطة هو اللي يتحمل الذنب لانك بتحصل على حقك بالفلوس بدل ما تتبهدل و تجري ورا الرخص المسحوبة
بس هو حرام عليه لانة ظلمك و افترى عليك و اجبرك كدا تدفعلة
رقم العضوية : 10720
تاريخ التسجيل : 15May2008
المشاركات : 355
الاقامة : CAIRO
الحالة :
اثناء مرورى بالكمين الموجود اعلى كوبرى المنيب اوقفنى امين شرطة و طلب رخصة السيارة
و عندما سألته عن السبب قال لان نمرة السيارة مطموسة فأخبرتة انه مجرد اتساخ طفيف من سيارة امامى و ليس طمس فقال لى سوف اعمل معك واجب و انت و ذوقك
طبعا فهمت ما يقصده فقمت بأعطائه 10 جنية بدلا من الرخصة و تركنى امشى و الغريب فى الامر ان الظابط الذى كان يجمع الرخص كان ساند على سيارة بها ظابط اخر و متفيمة و نمرها كلها اسود حتى الارقام بالاسود يعنى مطموسة عمدا مع سبق الاصرار و الترصد ..
و بعد تخطى الكمين بقليل توقفت و فكرت ان انزل و اذهب للظابط و احكى له عن الاتاوة التى يجمعها امين الشرطة من الناس و لكنى قلقت من موضوع ان الظابط الموجود سيارته كلها مخالفة و ممكن يكون مش كويس هو كمان و مظبط مع الامين و كما يقولون اذا كان رب البيت بال مش عارف اية يبقى اية.
فقررت ان افوض امرى لله و امشى .
و فى نفس اليوم ايضا كنت فى السيدة زينب و عند دخولى اول شارع المبتديان فوجئت بلجنة فى هذا المكان الغير متوقع اطلاقا و اوقفنى امين شرطة و ظل يلف حول السيارة كى يصطاد مخالفة فلم يجد شىء و لم يقول ان النمرة مطموسة مما يدل على ان امين الشرطة الاول اللى اخذ ال 10 جنية بيشتغل الناس فى كمين المنيب .
و هذه المرة طلب منى امين الشرطة الرخص للتحقق فقط من سلامتها و لكن يبدو انه صعب عليه ان يتركنى امشى قبل ان يأخذ منى الاتاوة المعتادة فوجدته يقول لى انى لست الشخص الموجود فى رخصة القيادة و الصورة مختلفة عنى فهمت فورا اللعبة فقمت بسحب 10 جنية من التبلوه كى اعطيها له علشان اخلص من القرف دة و اذا به يرفض و يتمسك بكلامه و طلب البطاقة الشخصية للتحقق منها .
قلت يبدو انه لمح ال10 جنية و لم يعجبه المبلغ فسحبت 10 جنية اخرى و اصبح المبلغ 20 جنية و قمت باعطائه له بدلا من البطاقة فقال لى اتفضل يا فندم الرخص و مع الف سلامة كل هذا و الظابط على بعد خطوات قليلة منى و كان ايضا ساند على سيارته المتفيمة و نمرها هذه المرة مطموسة بنسر صغير مخفى تحته رقم الله اعلم به .
و بعد خروجى من هذا الكمين قلت حسبى الله و نعم الوكيل فيهم و الله ما انا مسامحهم على هذه الاتاوة العلنى التى يأخذونها منى و قررت انى ارجع البيت افضل و لا اتابع مشاويرى فى هذا اليوم النحس اللى كل ما ادخل شارع ادفع فيه اتاوة لمافية المرور .
يا جماعة هل هذا التصرف سليم منى ان ادفع حتى امشى ؟
ام كان المفروض انزل و اقول الظابط على ما فعله امين الشرطة معى بدلا من الدفع ؟
و هل يحق لامين الشرطة سحب رخصة السيارة منى ؟
ارجو الافاد فيما هو افضل تصرف فى هذه الحالات ..
رقم العضوية : 11647
تاريخ التسجيل : 27May2008
المشاركات : 1,772
النوع : ذكر
الاقامة : EL-ma3adi
السيارة: FIAT 128
السيارة[2]: Hyundai elantra M\T 2009
دراجة بخارية: لا يوجد
الحالة :
حسبي الله و نعم الوكيل
انت مش حرام تدفعلة الوزر مش عليك
لكن امين الشرطة هو اللي يتحمل الذنب لانك بتحصل على حقك بالفلوس بدل ما تتبهدل و تجري ورا الرخص المسحوبة
بس هو حرام عليه لانة ظلمك و افترى عليك و اجبرك كدا تدفعلة
رقم العضوية : 10106
تاريخ التسجيل : 04May2008
المشاركات : 1,165
النوع : ذكر
الاقامة : mohandseen
السيارة: /punto evo 2011
السيارة[2]: terios 2008/PUNTO 2003
دراجة بخارية: لأ
الحالة :
اعرف واحد
زبون عندي في الصيدليه
اتحط في نفس الموقف تقريبا
ةرفض يدفع اتاوه
امين الشرطه قل ادبه وشتمه
تطور الحوار
راح رماله حتة حشيش في العربيه من غير ما ياخد باله
ونده الضابط
وقاله يا فندم لقينا معاه حشيش في العربيه
ولبسه قضيه
هو في الاخر طلع منها براءه
بس هم ولاد......................
[sor2]http://www.syarat4sale.com/wp-content/uploads/2010/12/nissan-tiida-002.jpg[/sor2]
رقم العضوية : 1716
تاريخ التسجيل : 12Aug2007
المشاركات : 12,834
النوع : ذكر
الاقامة : Egy
السيارة: ex polo ex lancer
السيارة[2]: Kia Cerato
الحالة :
لاء مادفعش و تتسحب في ستين داهية (ده لو عرف يسحبها)
ما هو انا مش امشي سليم و محترم و في أمان الله علشان ادفع لكلاب السكك .....
و الله انا عامل عامل عمله ....ماشي يبقى استاهل أدفع او اللرخص تتسحب
انما طول ما أنا محترم نفسي هافضل محترم
رقم العضوية : 1006
تاريخ التسجيل : 18Jun2007
المشاركات : 1,955
النوع : ذكر
الاقامة : middeleast
السيارة: n/a
السيارة[2]: n/a
دراجة بخارية: n/a
الحالة :
لو كل واحد بطل يدفع رشوة او اتاوة , الظابط مش حيقف يلم اى فلوس , محدش يدفع اى ملايم لو مش عامل حاجة غلط , و لو عامل حاجة غلط يدفع الغرامة بتاعتها , انما محدش يدفع ماليم احمر لاى حد بدون وجة حق , كفاية حرام بقى , و كل واحد يعمل الصح بغض النظر عن اى حاجة
رقم العضوية : 12396
تاريخ التسجيل : 06Jun2008
المشاركات : 2,776
النوع : ذكر
الاقامة : Alexandria
السيارة: lada
السيارة[2]: Lada 2105
الحالة :
واللهي اللي بيحصل دة تهريج بجد حرام ,لو فضلنا علي كدة يبقي نستاهل كل اللي يجرالنا ,يعني بقول لما اروح ارخص مش مشكلة نراضيهم لكن توصل لدرجة اتاوات في لشارع دة يبقي تهريج
رقم العضوية : 2192
تاريخ التسجيل : 16Sep2007
المشاركات : 1,032
النوع : ذكر
الاقامة : المحروسة
السيارة: No car
السيارة[2]: verna 1600/2007
دراجة بخارية: no
الحالة :
بجد حرام عليك اللي عملته دا..
طلعله بطاقتك وقوله أتأكد بنفسك...والتاني بتاع النمر دا قوله خلاص هاتلي الظابط بتاعك و لو الظابط كان نفس الأخلاق خليهم ياخدوك على القسم و بمجرد ما هتقول كدا هيمشوك أصلا و هيعتقدو إن وراك واسطة.
لكن عمر الفلوس ما كانت بتحل مشكلة بل أنت كدا بتعودهم ياخدو منك تاني و من غيرك.
للأسف تصرف خاطئ 100% و ستحاسب عليه كمان.
رقم العضوية : 12396
تاريخ التسجيل : 06Jun2008
المشاركات : 2,776
النوع : ذكر
الاقامة : Alexandria
السيارة: lada
السيارة[2]: Lada 2105
الحالة :
طيب يا ريت يا جماعة حد من اخونا اللي عندهم خلفية في التعامل مع رجال المرور يوضح
لنا حقوقنا وواجبتنا
رقم العضوية : 9965
تاريخ التسجيل : 02May2008
المشاركات : 1,867
النوع : ذكر
الاقامة : 6 October
السيارة: non
السيارة[2]: Toyota Corolla 2003 1300cc A/T
دراجة بخارية: non
الحالة :
اسمحولي يا جماعة أحط كتاب "عشان متضربش على قفاك" ...
أنا مش عارف قوانين المنتدى تسمح ولا لأ ... بس هحط الجزء الخاص بالعربيات بس
الكمين لمين؟ س: يعني إيه كمين؟ج: المفروض إن مفيش حاجة اسمها كمين للناس، لأن الكمين بيكون للأعداء وإحنا لسنا أعداء للشرطة، لكن اللي بنشوفه بالليل اسمه لجنة لحفظ الأمن والنظام في الشارع واللي سماه كمين هم الحرامية وميصحش أبدا إن حد يقول إن الشرطة عاملة كمين للناس.
س: إيه فايدة اللجان اللي بتكون في الشوارع بالليل في كل حتة؟ج: اللجان بتكون متكونة من ظابط القسم، وظابط مرور، وظابط مباحـث ومعـاهم بـوكس وأمنـاء شرطة وعساكر لحفظ الأمن والنظام في الشارع، لضبط المتهمين الهاربين من الأحكام وأي حاجة تمس الأمن العام وضبط المخالفات المرورية.
س: علي أي أساس بيوقفوا الناس ويسيبوا ناس تانية بدون توقيفهم أو حتي سؤالهم؟ج: ظابط المباحث اللي في اللجنة بيكون عارف كتير من المجرمين والمسجلين في دايرة قسمه، وبيكون باين
س: هل من حق الظابط يقبض علي شخص لمجرد عدم وجود رخصة قيادة معاه؟ج: عدم حمل رخصة القيادة لا تبيح للظابط القبض أو التفتيش لكن من حقه يسحب رخصة التسيير فقط بشرط تكون السيارة باسم قائدها ومعاه تحقيق شخصيته، ويقوم الظابط بإعطائه إيصال سحب لمدة أسبوع.
س: ولو كان مع الشخص رخصة قيادة لكن بدون رخصة تسيير للسيارة؟ج: من حقهم يسألوا عن رخص التسيير، ولو كانت السيارة بدون رخصة تسيي
س: هل من حقهم يطلبوا البطايق الشخصية؟ج: من حقهم يطلبوا بطايق الناس عشان يتأكدوا من شخصياتهم ولو شكوا في حد ممكن يوقفه علي جنب بدون ما يركبه البوكس أو يفتشه ويستعلموا عنه من القسم باللاسلكي اللي معاهم إذا كان مطلوب أو عليه أحكام ولا لأ.
س: ومين اللي من حقه يطلب البطاقة أو الرخصة؟ج: الظـابط أو أميـن الشرطـة والمخبر والعسكري من حقهم يطلبوا الرخصـة فقط لتوصيلهـا للظابـط، لكـن اللي من حقه يسحب التراخيص لازم يكون ظابط المرور بنفسه ويعطيك وصل بالسحب لكن مش من حق الظابط أو غيره إنه يسحب الرخص بدون وصل سحب تراخيص.
س: هل من حق اللجان توقيف السيدات والبنات من قائدي السيارات ؟ج: من حقهم توقيف أي سيدة أو فتاة في اللجنة وسؤالها عن التراخيص مثل الرجال، ولو كانت أي واحدة بدون رخصة من حقهم سحب الرخصة الثانية وإعطاءها وصل بسحب الرخصة.
س: هل من حق اللجنة سؤالي عن سيدة أو بنت جالسة جنبي في سيارتي وسؤالها عن بطاقتها؟ج: من حقه سؤالها فقط عن بطاقتها للتعرف علي شخصيتها وممكن يستعلم عنها بالجهاز من القسم لو شك إنها مطلوبة في حكم أو عليها أمر ضبط وإحضار لأن زي ما فيه مجرمين ومتهمين من الرجال فيه أيضا متهمين ومجرمين من النساء وبيكون عليهم أحكام واجبة التنفيذ عليهم.
س: أعمل إيه لو الظابط سألني مين اللي معاك ؟ج: قوله بكل بساطة زوجتي أو خطيبتي أو صديقتي ومن حقي الخروج مع صديقتي في أي وقت.
س: هل من حقه ينزلها من سيارتي ويخدها علي جنب بعيد عني ويسألها عن أي حاجة أو يفتشها؟ج: مش من حقه ينزلها مطلقا من السيارة طالما غير مطلوبة في شئ أو معروفة لديه من قبل أو مسجلة، وميقدرش أي ظابط مهما كانت رتبته يفتش أنثي تفتيش ذاتي حتي لو كانت متهمة في مليون قضية
س: ليه بنشوف بعض اللجان بتنزل البنات من التاكسيات ويخدوهم ع القسم وخصوصا في شارع الهرم وجامعة الدول؟ج: فيه بنات كتير بيكونوا مسجلات آداب ودعارة وعليهم أحكام وبيكونوا معروفين للظباط
س: أعمل إيه لو الظابط طلب مني أنزل من السيارة علشان يفتشها أو طلب مني أفتح الشنطة؟ج: مفيش حاجة اسمها تنزل من سيارتك علشان يفتشها إلا لو كان معاه أمر من النيابة أو المحكمة بتفتيشك أو كنت في حالة تلبس بجريمة أو كانت ريحة السيارة تدل أن حد كان بيشرب فيها مخدرات مثلا, وترفض تفتح شنطة عربيتك وتقول للضابط "أفتح شنطتي ليه مادام رخصي سليمة وسيادتك شايف إني مش محل شك والعربية ملكي وفتح الشنطة ده اسمه تفتيش وده محتاج إذن من النيابة, وأنا مش ممسوك لا في حالة تلبس ولا أنا حرامي وأنا عارف إنك راجل قانون وعارف الإجراءات كويس وعارف إنك مش ممكن تخالف القانون.
س: ليه الضباط ساعات بينزلوا الشباب اللي راكبين في العربيات ويطلبوا منهم يقولوا "حاحا"؟ج: علشان يعرفوا لو كان اللي سايق شارب أي كحوليات أو لا، علشان بيكون ريحة فمه واضحة لما يقول "حاحا" ويبان إذا كان شارب كحوليات ولا لأ.
س: ليه الظباط بيكونوا واقفين بعيد مع بعض وبيبعتوا الأمنا والعساكر تسحب التراخيص؟ج: مـش من حـق الأميـن أو المخبـر أو العسكري يسحب رخصك, والأفضل تركن العربية وتنزل للظابط بكل ذوق وتوريه الرخص وتقوله أنا عارف إن سيادتك فقط اللي من حقه يشوف رخص العربيات مش الأمين أو العسكري.
س: ولو أخدني علي القسم أو ركني جنبه في الكمين؟ج: لازم تتصل بحد من أهلك أو محاميك وتصمم تعمل له محضر في القسم بالواقعة اللي حصلت معاك وإنك اتقبض عليك في اللجنة بدون وجه حق وتصمم علي اتخاذ إجراء مع الظابط ومتتنازلش عن حقك .
س: من حق الظابط يركني جنبه في الكمين وقت قد إيه علشان يستعلم عني من القسم؟ج: وقت بسيط ميزدش عن نصف ساعة فقط، لأن مصالح ووقت الناس ليهم تمن ومش لعبة.
س: لو كنا راكبين ميكروباص وفي الكمين نزلوا الناس اللي فيه عشان يفتشوهم؟ج: متـوفقش إن حـد يفتشـك وتـرفضوا أي تفتيش، لكن من حقهم يشوفوا البطاقات فقط ويتحروا عن اللي شاكين إن عليهم أحكام أو مطلوبين في قضايا.
س: ليه بنشوف الأمناء والظباط بيكشفوا كتف بعض الناس في اللجان؟ج: بيكشفوا كتف اللي بيشتبهوا فيه علشان يعرفوا إذا كان سوابق ومسجل ومختوم علي كتفه إنه مسجل خطر ولا لأ.
س: يعني إيه مسجل خطر؟ج: يعني شخص معتاد الإجرام واتمسك في قضايا سرقة أو بلطجة وفرض إتاوات أو بيشتغل في تجارة المخدرات أو الدعارة أو فرد في عصابة.
س: وليه المسجل خطر بيكون الشرطة ختماه علي كتفه؟ج: من فترة طويلة كانت الشرطة بتختم المسجلين خطر علي كتفهم علشان تعرفهم، والمسجلين نفسهم وأصحاب السوابق اللي متعودين علي الحبس والسجن بيدقوا وشم علي جسمهم وهمه موجودين في السجون
رقم العضوية : 9965
تاريخ التسجيل : 02May2008
المشاركات : 1,867
النوع : ذكر
الاقامة : 6 October
السيارة: non
السيارة[2]: Toyota Corolla 2003 1300cc A/T
دراجة بخارية: non
الحالة :
س: أعمل إيه لو كنت ماشي بعربيتي والشرطة وقفتني وطلبت أفتح شنطة عربيتي؟ج: مش من حق الشرطة تفتش شنطة عربيتك بدون إذن تفتيش وأرفض تفتح شنطة عربيتك لأي حد مفيش معاه إذن تفتيش ليك أو لسيارتك.
س: من حق الشرطة تفتيش صالون سيارتي الخاصة؟ج: مش من حق الشرطة تفتيش السيارات الخاصة بغير إذن من النيابة العامة أو من المحكمة أو في غير أحوال التلبس بجريمة أو بدون رضا أصحابها، أو حتي فتح أبواب السيارة.
س: لو كنت راكب داخل عربيتي من حقهم يفتشوها؟ج: مش من حقهم
س: لـو كنـت راكـب قطر أو أتوبيس من حق حد يفتشني أو يفتش شنطتي؟ج: من حق الشرطة يفتشوا القطر أو الأتوبيس بس مش من حق حد يفتشك أو يفتش شنطتك إلا بإذن من النيابة طالما كانت شنطتك معاك، لكن لو الشنطة جانبك وسألك دي شنطتك وقلت له إنها مش شنطتك يبقي من حق الظابط أو الأمين يفتشها علي أساس أنها ملهاش صاحب.
س: ليـه الشرطـة بينزلوا الناس من الأتوبيسات ويفتشوهم ويفتشوا شنطهم وهم مسافرين الغردقة أو شرم الشيخ مثلا؟ج: ده إجراء مش قانوني وفيه تجاوز شديد واعتداء علي حرية الناس وحرماتهم، ولازم ترفض التفتيش إلا بإذن من النيابة أو إذا كان فيه حالة تلبس أو كنت موافق علي التفتيش بمزاجك.
س: لو عربيتي مقفولة وراكنها تحت البيت هل من حق حد يفتشها؟ج: مش من حق حد يفتشها إلا بإذن من القاضي أو من النيابة.س: ولو عربيتي كانت في جراج جوه بيتي؟ج: في الحالة دي لازم تفرق بين جراج تحت عمارة ممكن أي حد يدخله يبقي من حقهم يفتشوها، لكن لو كانت في جراج جوه بيتك يبقي لازم أمر تفتيش للبيت لأن الجراج الملحق للبيت يعتبر له نفس حرمة وشروط تفتيش البيوت.
س: معقول حد في القسم هيوافق يعمل محضر هتك عرض ضد ظابط مباحث شغال فيه؟ج: لازم تتمسك بحقك، ولو رفضوا يعملولك محضر تطلع علي المديريـة وتقابـل مفتش الـداخلية وتروح تعمل له محضر في النيابة
المفضلات