أستغربت و أندهشت و أستعجبت أوى لما شوفت فى الأرياف ميكروباصات جامدة جدا
الميكروباص إلى قصدى عليه هو أبو كرسيين أدام و أتنين كنبه مش الميكروباص الكبير
شوفت عربيات جى أم سى و فورد و دودج طبعا موديلات قديمة
إلى خلانى أزعل أن العربيات دى برة بتتعامل معاملة كويسة جدا و بتتعدل و بيتركبلها مواتير و بيتعملها تعديل خارجى يعنى tuning و بيبقى شكلهم تحفة
هنا فى مصر شكلهم لوحده يقرف و لحد دلوقتى مش عارفة العربيات دى و الأنواع دى وصلت للسواقين دى أزاى و أزاى العربيات دى مش موجودة فى المدن بشكل نضيف ؟
دا غير طبعا العادم إلى طالع منها وكأنها عفريته قطر و دا إلى خلانى أركز و ألاحظ العربيات دى أننا كنت ماشية فى طريق ضيق و لقيت عربيه ماشيه عاملة شبورة و أنا ورا مش شايفة أى حاجة منها و بعد كدة لما ركزت فى النوعية دى من العربيات لقيت موديلاتها جامدة جدا
إلى نفسى أفهمه
العربيات دى وصلت للسواقين دول أزاى ؟
ليه مش بتتشاف العربيات دى فى المدن الكبيرة بشكل نضيف ؟
ليه برة بيهتموا بالعربيات دى رغم أنها موديلات قديمة ولا دى ثقافة لحب الحاجات القديمة ولا أية ؟
و نفسى أعرف مين المجنون , الناس إلى بره و بتهتم بالعربيات دى , ولا الناس إلى فى مصر و مطلعة عين العربيات دى ؟
المفضلات