الموضوع: حادثة مع توكتوك ماشى عكس .... حسبى الله ونعم الوكيل

المشاركة الأصلية كتبت بواسطة semi

على فكرة مفيش حاجه اسمها متقبلش العوض
يعني هو مش حرام انك تقبله
بس انت بتقول عوضك على الله وده احسن حاجه انت ممكن تعملها
لان ده في الاول او الاخر قدرك وربنا مقدره لك فعوضك خليه على الله
بس المشكلة ان ده بيخلي بعض الناس تفتري ويقولوا هخبط اي حد وانزل امثل عليه
عشان كده في السعودية مثلا عاملين حاجه تحفة محصلتش
لو خبطت وعملت حادثة مفيش حاجه اسمها متخدش عوض
تقفوا لحد ما تيجي الشرطة ويتعملك محضر ويتحدد من الغلطان والشرطة تجبلك حقك
انت عايز تتنازل عن حقك وكل واحد يصلح عربيته فانت حر بعد كده
ومينفعش تمشي وتروح تصلح عربيتك في اي حتى الا بتصريح والا يبقى جرم
شئ رائع طبعا لما كل حاجه تتحكم بالقانون

تمام انا مكنتش اعرف المعلومه , بس مثلا انت ممكن لا قدر يخبطك واحد ومايبقاش فى خساير جامده وتلاقيه انسان محترم وبيعتذر فانت ممكن ساعتها تقوله العوض على الله وماترضاش تاخد منه حاجه , او تاخد منه براحتك

بس لو فى الموقف اللى انا اتعرضت له مفيش احترام ومفيش ذوق وفى بلطجه ومفيش فلوس تعمل ايه ؟

وزى مانت قولت فى الخليج فى نظام , اولا فى مخالفات وغرامات مروريه جامده وبتتطبق على الكل بكل حسم بتخلى الواحده يفكر قبل مايغلط , مثلا فى قطر ارخص مخالفه ب 300 ريال يعنى حوالى 500 جنيه دى لو ركنت فوق رصيف او فى مكان غير مخصص للركن , 500 ريال او حوالى 800 جنيه مخالفة الرادار , كسر الاشاره ب 6000 الاف ريال يعنى حوالى 10000 جنيه !!!! وفى حاجات بتوصل للحبس وسحب العربيه , دا غير نظام النقط على الرخصه فى مخالفات معينه لو عملتها وكررتها بتاخد عليها نقط لو وصلت 12 نقطه الرخصه بتتسحب سنه على الاقل

التأمين ضد الحوادث اجبارى مع تجديد الرخصه , لو لاقدر الله عملت حادثه بتتطلب الشرطه تجيلك فى مكانك على طول وتشوف مين الغلطان وتخلص الموضوع والتأمين هو اللى بيتحمل التصليح بالكامل لو مش انت الغلطان او ممكن يبقى فى نسبة تحمل بسيطه

وزى ما انت قولت التصليح مش بمزاجك فى اى حته حتى لو فى التوكيل , يعنى لو العربيه مخبوطه وعايزها تصلحها فى التوكيل هايطلب منك محضر الشرطه عشان يصلحها

المشاركة الأصلية كتبت بواسطة tutankhamoun

أستاذ حسام
أولا بس تصحيحا
مفيش حاجة أسمها مش بنقبل العوض ....... دي مش حاجة حرام و لا عيب ...... بكرر تاني لا حرام و لا عيب .

و ده كلام شبيحة مصر ...... علشان يهرب من تحمل مسئوليته .

مبدء الأسلام .......... من أتلف شئ فعليه أصلاحه .

================
أما بقى بالنسبة لحكاية أخوك .
ربنا يعوض عليكم خير و يستر طريقكم و طريقنا .
ثانيا الأشكال الزبالة دي مينفعش تقف تكلمها بالمنطق ......... لأن منطقه هو القوة
لو هو في موقف ضعف ........ موقفه هايختلف لو في موقف قوة .
دي أشكال زباله و ز بالة الزباله .
ده ربنا هايعمل فينا عمايل يوم القيامة ......... ده أحنا هانأخد قسم لوحدينا نتحاسب فيه

ده شعب عايز فرعون يحكمه ........... و أنا أقصد واحد ناشف بجد و حازم بجد ....... و بالعدل .
و لكن النعومة مع معانا بتجيب نتائج عكسية تماما .

موقف زي ده ....... كان كمله على التوك توك في ساعتها و سابه و مشي .... زي ما قلتلك الأشكال الزبالة مفيش معاها منطق .
و الأدهي بقى الكلاب اللي زادت قوي و بتمشي عكسي في كل مكان دلوقتي
أنا متغاظ قوي قوي من الناس

و حسبي الله و نعم الوكيل في اللي بيمشي عكسي ....... ربنا ينتقم منه ........ قادر يا كريم .

شكرا للمعلومه يا استاذ توت اصل الواحد متعود على كلمة " انت هاتقبل العوض ؟؟!! " او " العوض على الله " وبتفرق برضه اذا كان الانسان اللى قدامك ذوق وبيعتذر او مثلا الخطأ مشترك بينكم فطبعا مش هاتاخد منه حاجه

بس اللى ماشى دلوقتى نظام خدوهم بالصوت وانا مش غلطان , انا مش عارف ازاى الواد بيقول انا مش غلطان بجد حاجه تنرفز وتضحك فى نفس الوقت , فعلا زى مانت قولت دى عالم ماينفعش معاها الكلام

ربنا يتوب علينا

المشاركة الأصلية كتبت بواسطة vayron

طب وبعدين الناس دى مالهاش حل ولا أية

اللهم عافينا ولا تبتلينا يارب

امين اللهم اعفى الجميع