الموضوع: الزوجه الثانية .... موضوع للنقاش

انا شايف ان الجواز التاني فراغه عين ان لم يكن هناك مبررات قويه و الا هتكون الجوازه التانيه غير مبرره و لا احنا بنتجوز تاني و احنا مش عارفين ليه ؟

احمد شفيق

مش اى رجل يقدر يتزوج 2 ومش اى ست تستحمل
واذا كان متخيل ان حياته هتبقى وردية وهيبقى شهريار يبقى يستنى ده فى احتمال 1 ف ى المليون واظن هدف اى انسان فى الحياة انه يعيش سعيد

والرسول عليه الصلاة والسلام لم يتزوج على السيدة خديجة

ولو عايز تفهم شعور الزوجة الأولى ولو ان ده مستحيل
تخيل انك فى شركة والمدير بيطلب منك تساعده لما الشركة تقف على رجلها انت عشان بتعزه قوى بقيت تعمل لكتر من المطلوب منك بكتير واحيانا متطلبش مرتبك عشان تساعده وتقعد بعد ساعات العمل الرسمية بدون مقابل وتبذلل مجهود فظيع بكل حب وانت متوقع منه انه هيقدر كل ده لما تجى له الفرصة وهتبقى انت الموظف رقم 1 ويمكن يديك من اسهم الشركة وحتى ده مش مهم عندك

فلما كبرت الشركة ومع انه دايما كان بيمدحك ويفهمك انه مستنى الفرصه عشان يعوضك جاب موظف جديد وقال لك هيقاسمك مكتبك وهيقعد معاك على كرسيك وهياخد نص مرتبك واحتمال حوافزه تبقى اكبر منك
واستغرب جدا ايه اللى مزعلك فى الموضوع وبيحاول يفهم مش عارف!!!
وبيحاول يقنعك ان الموظف الجديد ده مخدش حاجة منك و انه هيعدل بينكو


طبعا القصة مش هتوصل ربع شعور المرأة وده مش اعتراض على شرع ربنا بس اللى عايز يمشى شرعى ياريت يحاول يتبع اوامر الشرع فى اللى عليه تجاه الآخرين قبل اللى ليه

وردد فعل المرأة بيختلف طبعا من واحدة للتانية وهنا فى مصر التربية والمجتمع عليهم دور كبير فى رد الفعل لأن البنت بتتربى على ان دى اهانة لكرامتها وبتحس انها رسالة من الزوج انك مش كفاية بالنسبة لى وان التانية دى احسن منك وبتحس بالغدر وطبعا الشائع ان مبيبقاش فى عدل ولا حاجة فبتتخيل صورة قاتمة لحياتها لو قبلت
واحيانا حتى لو فكرت تتقبل المجتمع بيضغط عليها تطلب الطلاق باعتباره الطريقة الوحيدة للحفاظ على كرامتها

وفى كل الأحوال فى شىء داخلها بينكسر ناحيته

والغيرة اللى انتو مش قادرين تفهموها فى النساء هتلاقوها حتى فى امهات المؤمنين اللى هم احسن النساء وهتلاقى ان حتى فى الجنة عشان الجميع يعرف يعيش فى سعادة الغيرة متشالة والغل فساعتها تقدر مراتك تستحمل ان ليك مئات النساء غيرها عادى

وتلاقى مثلا السيدة عائشة رضى الله عنها غارت من السيدة خديجة رضى الله عنها مع انها متوفية ومع ان الرسول عليه الصلاة والسلام ذكر انها احب الناس ليه وكل نسائه حتى كانوا عارفين انه بيحبها جدا واكتر ورغم سنها الصغير ومكانتها المؤكده عند زوجها اشرف الخلق

فتلاقى الزوجة التانية عادة متقبلة الوضع اكتر ومش عاملة مشاكل زى الأولى لأن عادة اللى اتجوز تانى بيكون قصة حب او التانية دى اصغر والأولانية بقى عاشت معاه سنين ودخلوا مرحلة الملل و التعود وخلفت وتخنت والجديدة لسه فعارفة ان لها مميزات
بينما الأولى دمها محروق فبتعمل مشاكل وجايز تصاب بالأمراض من كتر حرق الدم

ونادر جدا لما بيعيش الجميع فى سلام وده هيحصل فعلا لو رجل بمواصفات نادرة وبيطبق حدود الله كويس وتكون الزوجة الأولى مش بتحبه قوى فمش بتغير قوى او متربية ا صلا على تقبل التعدد او هو بالنسبة لها صورة امام المجتمع بدل ما تتطلق
وتكون التانية كمان مبتطلبش اكتر من حقوقها


فالمشاكل فعلا هتكون موجوده سواء قبلت او اص رت على الطلاق

ومتسمعش تقبل الآخرين ايه المهم انت عارف زوجتك ورد فعلها هيكون ايه ولو ان احيانا بتبقى واحدة مسالمة جدا بس فى المواضيع دى ممكن تلاقى واحدة تانية قدامك متعرفهاش

تخيل انك فى شركة والمدير بيطلب منك تساعده لما الشركة تقف على رجلها انت عشان بتعزه قوى بقيت تعمل لكتر من المطلوب منك بكتير واحيانا متطلبش مرتبك عشان تساعده وتقعد بعد ساعات العمل الرسمية بدون مقابل وتبذلل مجهود فظيع بكل حب وانت متوقع منه انه هيقدر كل ده لما تجى له الفرصة وهتبقى انت الموظف رقم 1 ويمكن يديك من اسهم الشركة وحتى ده مش مهم عندك

فلما كبرت الشركة ومع انه دايما كان بيمدحك ويفهمك انه مستنى الفرصه عشان يعوضك جاب موظف جديد وقال لك هيقاسمك مكتبك وهيقعد معاك على كرسيك وهياخد نص مرتبك واحتمال حوافزه تبقى اكبر منك
واستغرب جدا ايه اللى مزعلك فى الموضوع وبيحاول يفهم مش عارف!!!
وبيحاول يقنعك ان الموظف الجديد ده مخدش حاجة منك و انه هيعدل بينكو

I understand