كلاكيت للمرة الألف بلطجة رجال المرور!

**wawoo** · 24-06-2008 03:28 PM

يعنى انتو بتشجعو الرجل ان يستغل الوسطة بتاعتة , والله جميل قوى اللى احنا وصلنا لة دة , طيب يا حضرات اللى معندوش وسطة يعمل اية , يتفلق بقى ولا اية .

طبعا انا متفق و مؤيد تمام لصاحب الموقف , و احية على عدم لجؤة للوسطة , لان الوسطة دى هى اللى ودتنا فى دهية اساسا , هو خرب البلد اية غير الوسطة و المحسوبية والرشوة , يا ناس اتقو الله,
دة هى كلها ايام و نقابل رب كريم , .
يعنى الرجل يخسر اخرتة عشان رخصة ولا عشان مخلفة بكام جنية , اللى عاوز يظلم و يبلطج يبلطج براحة , انما انا لية اضيع نفسى عشان عالم زى دى .

اللى عندة مشكلة مع اى ضابط او مسئول فى اى قسم شرطة يعمل بلاغ فى هذة الارقام و يشوف حيوصل لاية :

الادارة العامة للاعلام و العلاقات العامة لوزارة الداخلية

27953981
27955005

**جمال** · 24-06-2008 03:39 PM

استعمال الواسطه فى الحصول على حقك اعتقد انها مشروعة طالما لاتتعدى على حقوق غيرك
وطبعا لو عرفت تاخد حقك بدون واسطه يبقى احسن
وانا احيى صاحب الموضوع على عدم استخدامه للرشوة

**wawoo** · 24-06-2008 03:49 PM

المشاركة الأصلية كتبت بواسطة haima

استعمال الواسطه فى الحصول على حقك اعتقد انها مشروعة طالما لاتتعدى على حقوق غيرك
وطبعا لو عرفت تاخد حقك بدون واسطه يبقى احسن
وانا احيى صاحب الموضوع على عدم استخدامه للرشوة

مهو انت بتستعمل وسطة لية , عشان غيرك مش قادر ياخد حقة بالطريق الطبيعى , يبقى انت بالوسطة ببتعدى على حقوق غيرك اللى هم مش حيقدرو يخدة حقهم الا بالوسطة , و كمان انت بتشجع الظالم انة يظلم اللى معندوش وسطة , شوفت بقى انت تعديت ازى على حقوق غيرك من غير ما تاخد بالك لما لاجئت للوسطة .

**جمال** · 24-06-2008 03:51 PM

هما كده يبقو قاعدين يلمو فلوس و بس
ده لو حد عاوز يستفز الناس علشان تعمل انقلاب مش هيعمل اكثر من اللى بتعمله الشرطة

**safwat** · 24-06-2008 04:28 PM

ممكن تتشتكي عند مفتش الداخليه في مديريه الامن التابع لها الكمين .
وياريت ياجماعه ان الردود تكون اجابيه او نكون مجموعه تخاطب الوزاره باسم المنتدي

**AhmedElsayed** · 24-06-2008 05:39 PM

ياسيدى استخدام الواسطة او الرشوة حرام طبعا
لكن مع شخصيات زى دى والراجل مش غلطان ومش عامل ايه حاجة
مطلوب منه ايه؟
بالعكس لما الشخصيات دى تتبهدل يمكن تتعلم الادب ويفكروا مليون مرة قبل ميكررو الموقف ده مع اى حد تانى

لكن لو الراجل غلطان يبقى طبعا حرام يدفع رشوة
خلى بالكم يا جماعة من موضوع العشرة والعشرين جنيه لاننا مستقلين بيهم
لكن لو غلطان واديت الراجل فلوس علشان يسيبك يبقى رشوة صريحة
(الراشى والمرتشى فى النار)
ومحدش يقول احسن من البهدلة ودوخة المرور

**r0xer** · 24-06-2008 06:11 PM

شكراً لكل الناس اللي فهمت أنا ليه لا دفعت فلوس ولا كلمت حد!

أحب بس أوضح حاجة إني مصري أبا عن جدا عن جدا :D ولكن لسة مكملتش في مصر 9 شهور.

رخصتي طلعت بمجرد عودتي للمحروسة كهدية من قريب ليا و هو مستشار في قضايا الدولة ، و طبعا رفضت الموضوع دا لإني أتعلمت إن اللي مرضاهوش لغيري مرضاهوش لنفسي. مش مثالية...ولكن يمكن شوية إيجابية " أو يمكن عشان لسة مخدتش على جو مصر على رأي أحمد صاحبي !"

المهم ياجماعة أنا ضد الواسطة و الرشوة لإن مش بس دا غلط و لكن لإنه لو دفعت مرة هدفع تاني وتالت و مفتكرش إن دا حل للمشكلة الأساسية!

هروح يوم الأحد بإذن الله إدارة المرور أسأل عن الرخصة بعد ما عرفت إنها بتاخد 4-5 أيام عشان توصل للمرور....وبجد بجد نفسي محتاجش واسطة في الموضوع، مش بس لإن هيبقى شكلي وحش جدا بعد ما كنت بعيب على إن الرخصة طلعتلي كوسة و إن الناس هنا عايشة كوسة :D و لكن لاني لسة عندي أمل...

و على فكرة محدش رد عليا بإستثناء الأخ العزيز HOCK بخصوص الغرامة؟

شاكر ليكم جدا وشاكر لكل من تعاطف و لكل من سخر من تصرفي كمان