غيرت لكاسترول ورأي المبدئي فيه

**tarekmomo** · 17-07-2012 03:25 PM

الف مبروك انا بحط شيل وتمام زيت محترم وحطيت مرة ليكوى مولى لقيتة مش مختلف عن شيل فى حاجة

**Elsebily** · 17-07-2012 03:31 PM

المشاركة الأصلية كتبت بواسطة yaserbasha2000

بس ده شكله معدني

وحضرتك كنت بتستخدم موبيل 1 يعني تخليقي كان ممكن تستنى تجيب فلتر اصلي و تغير للتخليقي بتاع كاسترول برضه

لا هو زيت شبه تخليقي لاني مكتوب وراه sl وانا عامله كده عشان الفلتر الكوري ده بس مش اكتر والفكره اني الراجل قالي انه معندوش نيسان الاصلي بعد ما فك واضطريت اني اجيب الكوري وخلاص وقلت اجيب زيت اغيره بعد مده قصيره عشان الفلتر

**Amr2004IBM** · 17-07-2012 03:54 PM

المشاركة الأصلية كتبت بواسطة haitham1985

أنا شايف وبمنتهى الحيادية ......... إن فى مبالغات فى التقييم بالسلب والإيجاب ......... أداء الزيوت أو المشتقات البترولية عموما موضوع نسبى يتأثر بظروف التشغيل وعمر المعدة وحالتها الميكانيكية وأسلوب إستخدامها وقبل ذلك ظروف التخزين

أنتم تقارنون كمن يقارن بين الليل والنهار والصيف والشتاء فالليل والشتاء مفضلين لمن يعانى من الحساسية فى الجلد لأنه بعيد عن الحرارة والعكس النهار والصيف مفضلين لمن يعانى من هشاشة العظام لأنها تساعده فى العلاج ........ كذلك السيارات ومستخدميها كل يرى الحقيقة من جانب واحد والأصل أن الحقيقة لا تتجزأ لأنها نسبية

لا شك فى أن موبيل وشل هما أعرق الشركات تواجدا فى مصر والمستهلك المصرى دائما يميل لمن له تاريخ ومن تعود عليه ويخاف من التغيير .......... فالفولين وكاسترول وليكوى مولى شركات ومنتجات لازلت فى أول الطريق وواعدة ووجودها مفيد للمستهلك المصرى لأنه يثرى السوق ويوفر مناخ من المنافسة فى الجودة والسعر تحتاج لبعض الوقت لكى تظهر ثمارها

الصبر والحيادية فى الحكم ....... من فضلكم

لا يجب أن ننكر تميز موبيل وشل بدافع قدم تكنولوجياتهم وتاريخهم فهذا محض وهم فهى شركات تخاف على سمعتها التى بنتها فى عشرات السنين

ولا يجب جلد الشركات الواعدة بدعوى حداثة خبراتهم فهذا أيضا محض وهم

هذا صوت عقلى ورأي وتنظير لا ألزم به أحد

ملحوظة : أنا من مستخدمى موبيل 1

رايك يحترم طبعا بس صدقنى ان كل الانتقادات التى وجهت الى الزيوت ذو الاسماء العريقه على حد تعبيرك وخاصتا الموبيل كانت بناء على تجربه فعليه وعلى مدار فترات طويله وطرق قياده مختلفه و طرقات مختلفه وظروف جويه مختلفه
وهذا الراى سواء فى شركات الزيوت المعروفه او الحديثه كان عرضا لتجربه الاعضاء لتوفير معلومه مفيده لاعضاء المنتدى وليس الغرض منها تشويه او الدعايا لمنتج معين
ولكن هذا سوق (سوق منافسه ) والبقاء فيه للاصلح والمتميز ومن لم يواكب العصر او لم يهتم بالعميل او اعتمد على شهره اسمه التجارى على حساب جهل العميل فهو الخاسر الوحيد فى هذا السباق لان المستهلك اصبح اكثر درايه و معرفه والتجربه هى الفيصل فى معيار الجوده
ارجو ان تتفهم راى دون اى شائبه او ضيق
ولك تحياتى

**Amr2004IBM** · 17-07-2012 04:08 PM

المشاركة الأصلية كتبت بواسطة elsebily

قررت اخيراً إمبارح إني اغير لزيت كاسترول بعد اما كنت محتار بينه وبين فالفولين وشيل المهم رحت محطة طاقه وقلت اغير فلتر زيت بالمره بس ملقتش في البنزينه فلتر زيت نيسان الاصلي فرحت لمحل جنبه لقطع غيار الياباني بس بردو ملقتش عنده الاصلي ولقيت الكوري وقعد يشكرلي فيه شويه قلت خلاص مش مهم منا كده كده هغير بعد اربع الاف المهم خدته وأنا مقلق بردو ورحت غيرت لزيت كاسترول gtx 20w-50
انا كنت ناوي اغير لايدج بس موضوع الفلتر ده خلاني اقول اغير لخمس الاف وخلاص وبعدين دفعت 120 جنيه وكان سعره ب 105 و15 جنيه تركيب وأدوني مج كاسترول كده هديه عشان تغيير الزيت المهم اني بعد اما مشيت بالعربيه حسيت اني فيه اختلاف كبير وصوت العربيه هدي والسحب بقي احسن كتير وبجد موبيل ون ده عليه مليون علامة استفهام لاني مش فاهم ازاي فيه توكيلات كتير بتنصح بيه وهو أدائه مش حلو كده وعامة دي تجربه مبدئيه لكاسترول وأتمني انه يفضل كده لحد الاربع الاف وإن شاء الله حكمي النهائي عليه لما اغيره بعد التلت الاف او الاربع

الف مبروك التغير
انا فعلا من سنتان غير لنفس الزيت وحسيت بفرق شاسع بينه وبين الموبيل الى كان كويس وبيحطه التوكيل
بس انا انصحك لو عربيتك لسه ماكملتش 100000 كيلو حط الكاسترول الفئه الى بعده الى هيه نصف تخليقى نصف معدنى فى الصيف
والتخليقى كامل فى الشتاء وذلك للاستفاده من الاضافات على الزيوت التخليقيه وفى نفس الوقت الاستفاده من لزوجه المعدنى وتحمله درجات الحراره العاليه فى الصيف
واذا كنت من هواه الحرق والجرى انصحك بالايدج
وعلى فكره انا بحط فالفولين حاليا مش عيب فى كاسترول ولكن تجربه لفالفولين وهو جيد جدا حتى الان
وعلى فكره كتير او ياخد منك 15 ج على تغير زيت و فلتر
انا كنت بغيره فى وكيل كاسترول جنبى فى صقر قريش و مايرضاش ياخد حتى خمسه جنيه غير لما اتحايل عليه
على العموم انا نتاكد انك هتنبصت من الزيت وادااه
الف مبروك

**Ahmed.TV** · 17-07-2012 04:16 PM

اهلا بيك استاذ هيثم معانا دايما .. بارائك الجميلة واسلوبك المهذب .. وبنتشرف بيك حقيقى معانا
خالينى اختلف معاك فى بعض النقط

الشركات الجديدة للزيوت .ز هى شركات جديدة هنا فى مصر .. لكن بره ليها تاريخ وقديمة زى فالفولين مثلا
وفى الخليج اتجاهم دلوقتى الى ليكوى مولى وكاسترول .. وفى توكيلات فى السعودية كبيرة بقت بتحط ليكوى

واحنا هنا جربنا ليكوى مولى وفى موضوعات كتيرة عنه لتجارب الاعضاء .. جربوه وشكروا فيه جدا .. وكمان غيروه مرتين وارتاحوا معاه .. يعنى مش مشيوا عليه الف او الفين

لان اى زيت مش تحكم عليه الا بعد ال5000 كيلو

وانا جربت موبيل موان فى عربيتى التيدا والبولو القديمة اللى كانت معايا وكان سيى وصوت الماتور عالى نسبيا معاه ..
وكمان اسامة زميل لينا .. معاه قاشقاى .. ولسه المكنة جديدة وحط فى صيانة الالف شل .. ولما بيكشف علييه فى ال5000 لاقاه اسود .. مع انه مش من هواة الجرى ابدا ولا الحرق .. وغيروه مع ان حاطه زيت 10 الاف ونزله على 5000 وحط ليكوى
وانا معايا ليكوى وعامل بيه 9000 والزيت كشفت عليه لقيت مش محروق .. ولونه بنى
وحسين جمال حاطه وكشف عليه ولاقاه لونه اصفر .ز مع ان حسين بيحرق .. وعايز يغير الصنى الى نيسان جى تى ار ههههههههه
وسيبك من الالوان واللزوجة .. لكن اداء العربيات احسن معاه واستهلاك البنزين كويس .. وبصراحة ده مش راى وراى كل اللى جربوه من اصدقائنا ومن خلال اجتماعتنا مع بعض وبنشوف عربيات بعض قدرنا نحكم

بس موبيل اللى بيتجمع هنا هو وشل سيى .. لان المشكلة فى الاضافات اللى بتتحط عليه .. لان كل الزيوت واحدة وخاممتها واحدة .. هى اللعبة كلها فى الاضافات

والزيوت الاخرى زى كاسترول وفالفولين وليكوى معباة كلها خارجيا ومستوردة من بلادها على كدا

تحياتى

ومنورنا يا قمر

**Land_Cruiser** · 21-07-2012 11:57 AM

هو شل و موبيل قعدوا فترات طويله من الزمن مفيش غيرهم و لذلك بقوا محتكرين السوق و مفيش غيرهم و لذلك طبيعى انهم مش هيهتموا قوى بالتطوير لأن كده كده الناس هتشترى منهم لكن مع وجود منافسين جدد الوضع هيتغير غصب عنهم لأن ده هيخلليهم يرجعوا لتطوير منتجاتهم علشان يفضلوا فى المنافسه و الا هيخرجوا منها و ساعتها التوكيلات هتوصى لماركات زيوت تانيه بناء على التجربه لعدد من الانواع اللى بقت موجوده و بالتالى دى الفرصه الاخيره لشل و موبيل و المستفيد هو المستهلك لان المنافسه دى ممكن تأثر كمان على السعر