عشان ركنت دقيقة ، الكوتش اتضرب بسكينة ! و عملت محضر ورجعت حقي !

**KemozTanta** · 17-07-2012 02:49 PM

المشاركة الأصلية كتبت بواسطة elawany13

الله ينور عليك
بصراحة انت ماشاء الله عندك هدوء وحكمة تحسد عليها
وتصرفك ممتاز وأحلى حاجه انك اخدت حقك بالقانون

فين المحل ده بالظبط فى طنطا ؟
واسم المحل ايه ؟
وبيبيع ايه ؟

أنا النهاردة الصبح الساعة 9.5 ركنت العربية فى تقاطع شارع سعيد مع شارع السيد عبد اللطيف
بالقرب من البغل
على الناصية فى الشارع اللى بيطلعك على شارع البحر
قدام محل بيبيع حاجات للسيارات
سوست كده صغيره وحاجات غريبة مصدية مش عارف ده يطلع ايه !!
والمحل كان لسه مقفول ومحدش قالى حاجة
بعد ساعة رجعت لاقيت صاحب المحل فتحه وقاعد فيه بيقولى ينفع كده
ده باب رزق ومحل بناكل منه عيش والكلام الحمضان ده
قولتله لا انا ولا عشرة زييى ولا عربية زى ديه تقدر تمنع عنك الرزق اللى ربنا باعتهولك
قالى ياعنى انا محترم معاك ولزقتلك ورقة على الزجاج
كان ممكن ابوظلك الكاوتش أو ارميلك على العربية مية نار
قولتله واجى انا بقى ونتخانق ونسيح دم بعض !!!!
نصحته شوية نصائح بهدوء
والحمد لله النقاش كان هادئ وعدت على خير

ياراجل دانت جمب بيتي ، المحل دا جمبة حلاق ! قصاد مدرسة الجمعية .. الراجل دا غلبان وعلي قد حالة ولا يقدر يهوب ناحية عربية انما انا قابلت ناس افترت وقدرت .. وانت افحمته بالكلمتين دول الله ينور

والمكان في سعد الدين مع كفر عصام .. الشارع اللي قدام استوديو هوليوود وانت طالع علي عبد الفتاح مرزوق
محل بتاع خردوات علي ناصية شارع جمب محل الاندلس

المشاركة الأصلية كتبت بواسطة taiwo

عاااااش ...
الحمدلله إن عرفت تاخد حقك ف الزمن ده ...

هي المشكلة بس يابشا أن المشاكل دي مش بتخلص ف ساعتها وبيبقي ليها تبعات ...
خلي بالك من نفسك ...

هو الكلام ده كان ف شارع إيه ؟ ..

أصل مش كل الحلات النجدة فيها هتقدر تفيدك ...
أول إمبارح عربيتين أمن مركزي أتنفخو في شارع طه الحكيم ..

.
.

انا فاهم طبعا اللي تقصدة والحمد لله ان الموضوع موقعش مع عيلة اجرام .. ولو اني كنت قريب من طه الحكيم واتخانقت فيه قبل كدا بس من غير عربية وعادي ربك بيسترها طالما الحق معاك .

المشاركة الأصلية كتبت بواسطة magic girl

و الله مش عارفة انا لو كنت مكانك كنت هاعمل ايه, و مش عارفة صح انك مكملتش المحضر للأخر و لا لأ.. بجد الناس بقت عجيبة, و انا لو منك ماكنتش هاتنازل غير لما الولد الصايع ده ييجى يعتذر بنفسه على الأقل.. بجد شخصيات غير سوية للأسف ! =/
و حمد الله على سلامتك..

متشكر ليكي و انتي لو مكاني متحتكيش بأي حد لانك بنت ولو العربية تقدر تمشيكي تمشي بيها وتصلحيها وتستعوضي ربنا لكن لو مش تمشيكي تتصلي باحد ييجي وهو يتصرف معاهم.. لكن اوعي تدخلي نفسك في مشاكل مع اى حد من النوعية دي عشان متبهدليش نفسك
و التنازل تم بعد مااتصلحت الحاجة وكفاية دمهم اللي نشف ودخولهم القسم وهما مدلدلين راسهم بالذات ابنه الصايع اللي اكيد اتربي ميمدش ايدة علي حاجة الناس بعد كدا

**wael2sh** · 17-07-2012 03:00 PM

الحمد لله إنك عرفت تاخد حقك

**Elawany13** · 17-07-2012 03:08 PM

المشاركة الأصلية كتبت بواسطة kemoztanta

ياراجل دانت جمب بيتي ، المحل دا جمبة حلاق ! قصاد مدرسة الجمعية .. الراجل دا غلبان وعلي قد حالة ولا يقدر يهوب ناحية عربية انما انا قابلت ناس افترت وقدرت .. وانت افحمته بالكلمتين دول الله ينور

والمكان في سعد الدين مع كفر عصام .. الشارع اللي قدام استوديو هوليوود وانت طالع علي عبد الفتاح مرزوق
محل بتاع خردوات علي ناصية شارع جمب محل الاندلس

تشرفنا ياباشا
بس هوه لا اتفحم ولا حاجه
وفضل يقاوح معايا
ويقولى فيه عربيات بتيجى تحمل
وتنزل بضاعة
واشتغالات كده
رغم انه قاعد ينش !!!

أنا مأخدتش بالى اذا كان جنبه حلاق ولا لأ
بس تقريبا كان فيه جنبه محل قاعد فيه واحدة ست بتبيع بردوا حاجات قديمة وغريبة للسيارات
مش فاكر قوى حاجات كده زى تروس مثلاً

بس زى ما قولتلك لو انت دخلت شارع سعيد من عند بنك فيصل وحبيت تدخل شارع البحر
بتكسر شمال فى شارع السيد عبد اللطيف هوه أول محل على الناصية
فى نهاية هذا الشارع عند شارع البحر موجود محل أز أز بتاع اللب والسودانى

بالنسبة لشارع سعد الدين أنا لا أجرؤ على دخولة مهما كانت الاسباب
بسبب ضيق الشارع والزحام الشديد فيه معظم الوقت
ممكن ادخل منه الصبح بدرى قوى قبل ما المحلات تفتح
غير كده مستحيل ادخله بالعربية

**S O P H O S** · 17-07-2012 04:57 PM

بصراحة بارك الله فيك
بجد تصرفك ممتاز
تحياتي لشخصك الكريم ..

**AHMED MOHSEN** · 17-07-2012 05:55 PM

انتا راجل 10\10
ربنا يباركلك ويقويق علي الحق

**Land_Cruiser** · 17-07-2012 06:19 PM

احيي حضرتك و بكده انت كمان ساهمت فى منع الاذى عن غيرك لأنه اكيد سمع كلمتين من والده بالاضافه الى انه عرف ان الموضوع مش بالساهل و يا رب يكون درس ليه و لغيره. بالمناسبه معظم الناس بقت عنيفة جداً فى التعامل. انا شفت ناس بتضرب بعض بالبوكس انهارده فى سبينس و الله و لا كأنه مباراه ملاكمه و ده للخناق على حاجه رمضان و كأن فى مجاعة فى البلد و المفروض ان دى ناس متعلمه فما بالك بقى باصحاب الحرف؟ و بعدين فى الحالتين الارزاق بيد الله. لو حد عايز يشترى حاجه يعنى اكيد مش هيغير رأيه علشان عربيه راكنه قدام المحل. منطق عجيب قوى يعنى واحد نزل من بيته علشان يشترى حاجه و بعدين لقى عربيه راكنه قدام المحل راح اتشائم و غير رأيه؟ لو صاحب المحل بيبيع حاجه كويسه و اسعاره معقوله و قبل ده طبعا ربنا كاتبله الرزق هيجيله الناس لو كان قدامه مليون عربيه

**SASA3** · 17-07-2012 06:34 PM

كويس و الله بس كان المفروض تخليهم يجيبولك فردتين جداد بكيسهم

و تعورهم جامد جامد اوى كمان

يعنى ممكن تقولهم عاوز طقم كاوتش

و الله نفس الموقف حصلى النهارده و مع واحد صيدلى تخيل صيدلى ده ولا فنى صنايع

**hossam_elwani** · 17-07-2012 07:55 PM

اعذرنى فى الكلمه انت دكر انك اخدت حقك فى البلد دى ............

**DrJomaro** · 17-07-2012 08:02 PM

طب دي ناس انتا ركنت قدام بيتو أ و المحل بتاعوا , لكن لما يحصلك كدا في جراج انتظار بالساعة و في التحرير تقول ايه !!!!
قبل الثورة بسنة كان عندي شغل في التحرير ، رحت الصبح بدري و ركنت في الجراج بتاع عيدالمنعم رياض , الجراج كان فاضي تماما مافيهوش غير عربيتي و عربية تانية راكنة بعيد و فجأة ظهر كائن بيقولي يا بيه متركنشي هنا .... عارف منظر الأفلام لما تيص يمينك و شمالك متلاقيش أصلا غيرك في المكان فبقولوا ليه , يقولي انا بقولك كدا , الكائن دا واد عندوا بالكتير 18 سنة طبعا انا بعد الجملة كدا هوا ولا كأنوا موجود قدامي , و أنا ماشي و مش معبرة قالي يا بيه انا مس مسؤول عن العربية و قلتله انا عارف كل خربوش فيها و لو لقيت حاجة فيها مش حيحصل طيب , المهم رحت الشغل و خلصت على المغرب و راجع مش شايف قدامي ، تخيل ألاقي ايه !!!
انا مركب علبة شكمان abt بتاعت جولف gti الاقي العلبة المخرج بتاعها باصص للأرض
في الأول مفهمتش و بعدين لما ركزت فهمت البيه عمل ايه , البيه وقف علي ذيل العلبة فالشكمان كلة اتنى من نص العربية و بقى باصص للأرض
انا ساعتها الدم فار في دماغي و لو شفتوا كنت هقتلوا بجد و طبعا انا عملت هليلة و هوا مكانش موجود أو هرب ،المهم انا مسكت في أبوه و كلمت صاحبي ظابط و جه و عملنا نمرة على الأب اللي مجنني ان الأب مش بينكر ان ممكن ابنه يكون عمل كدا اللي نرفزني أكتر انوا عندوا استعداد يتحبس و يشيل الليلة عن ابنه عادي جدا و أنا مش عايزه هوا خالص (الراجل عندوا بالقليل 60 سنة)
المهم بعد 3 ساعات من البهدلة لكل اللي ماسكين الموقف و بعد ما بصيت على العربية و اطمنت ان مفيش حاجة اتكسرت هيا بس محتاجة تسخين و ترجع عادي (كلفتني 10 جنيه ) بس لو العلبة كان حصلها حاجة أنا كنت هموت أبوه نفسوا (ما دام مش عارف يربي ابنه )
بس و مشيت ...و ده في التحرير و واحد معملتلوش حاجة بس مركنتش على مزاجه