الله يصبرك و يعينك على ما ابتلاك و يعيننا كلنا على ما نراه من تصرفات غير أخلاقية من معظم الشعب المصري
رقم العضوية : 58810
تاريخ التسجيل : 13Jan2010
المشاركات : 570
النوع : ذكر
الاقامة : طنطا
السيارة: hyndai accent 2006
السيارة[2]: Lanos 2001
دراجة بخارية: لا
الحالة :
السلام عليكم ياجماعة
حصلي امبارح موقف اول مرة اتعرض له
امبارح العصر روحت مشوار و جيت ادور علي ركنة في شارع عندي في طنطا ولاقيت حته قدام محل روحت حاطط العربية فيها
طلعلي واحد من المحل دا بيقولي العربية متركنهاش هنا قولتله لو سمحت خمس دقايق بس هجيب حاجة وهمشي عالطول
قالي لا قولتلك العربية متركنهاش هنا بدل مااكسر هالك !!!
انا بلمت وقولتله تكسر اية !! انا بستأذنك في خمس دقايق لاقيته بيقولي لا خدها وامشي من هنا بدل ما اجبلك الازاز علي الارض ، روحت داخل فيه شمال طب راجل المس العربية ونزل صحبي اللي معايا قاله بنستأذنك بس في خمس دقايق مش اكتر
لاقيناه جاب حديدة وقالي ماشي سيبها كدا وانا حلفت انك مش هتركن هنا !!
قولتله بقولك اية انا بستأذنك وانت اساسا ملكش صفة والشارع مش بتاعك وكفاية النص متر اللي انت واخدة لحسابك دا من الشارع
وروحت قافل العربية ومشيت وابقي وريني هتعمل فيها اية .
مفيش دقيقة مشيت قولت لصحبي تعالي نرجع ونطلعها قدام احسن الواد دا يعمل حاجة في العربية واحنا مش عايزين عطلة
رجعنا لاقينا الواد واقف بيقولي انا قولتلك متسيبش العربية هنا !!
بصيت لاقيت ابوة كان بيقفل في المحل !! عشان يخلعوا ولو كنت اتاخرت ملاقيش حد اكلمة و الواد ابنه جمبة قولتله يرضيك كدا ياحج اللي حصل ابنك يجيب الكوتش علي الارض؟
يقولي مانت اللي استفزيته وتركن لية قدام المحل !! فضلنا نتكلم يجي نص ساعة مين الغلطان واكل عيش واكن الشارع بتاعة وانا منعت الزباين اللي بتمطر علي المحل واتلم الشارع علينا يطيبوا بالكلام ويلموا في الموضوع لحد ماعرضوا ان العربية هتتظبط والكوتش هيرجع زي الاول وانا قاعد في مكاني
وافقت وقوولت ماشي فكوا العجل و انفخوهم وخلاص
كل دا وانا فاكر انه فرغ هوا الكوتش !! وهيتفك العجلتين وننفخهم وخلاص
لاقيت صحبي بيقولي دا الكوتش مفتوح بالسكينه مش مفرغ هواه !!
انا عملت كدا
وروحت للناس وللحج ابو الواد صاحب المحل دا قولتله ابنك افتري علي العربية ولازم يتربي ، ازاي يطاوعة قلبه يمسك سكينه و يضرب الكوتش بيها هي الاذية توصل لكدا دانا متأخرتش دقيقة عن العربية وابنك ماصدق مشيت وراح مبهدل الكوتش بالشكل دا
قالي وانا اعملك اية يعني ورد بغباوة وعايز يجرني لخناقة قولتله ماشي انا مش هتكلم تاني انت عملت اللي عليك وانا هجيب حقي ومش هسيبة وهركنها لو شهر لحد ماخد حقي روحت مكلبش العربية بفرامل اليد ومديها غيار
اتصلت بالنجدة / انا محامي وحصل كذا كذا وصحبي كلم ناس في القسم لاقينا عربية النجدة قدامنا بعد تلت ساعة لحد ماعرفوا الشارع وشافوا العربية وعاينوا قطع الكوتش
لاقيت الكلام اتغير و الناس اللي انت عايزة الواد مضيعش مستقبلة..
وانا مصمم ان اللي حصل دا بلطجة والمحضر يكمل والامين قالي اللي انت عايزة هعملة بس انا رأي طالما عايزين يصلحوا غلطتهم شوف تتصلح ازاى ونخلص احسن... بعد كلام كتير من الناس واصحاب اخو الواد الصايع اللي عمل الموضوع دا لحد ماقررت ان الكوتش يتغير وميتصلحش .
جيه اخو الواد بعربيته واصحابة وراحوا جابوا فردتين تانيين استعمال مفيهمش خرم وحالة جيدة وشوفتهم ومشيت الساعة 10 ونص بالليل من قدام محلهم اللي انا من الساعة 5 وانا واقف عشان ابنه الغبي مستكتر خمس دقايق اهم بقوا خمس ساعات .
روحنا القسم نعمل مذكرة تصالح وجية الراجل الكبير صاحب المحل ومعاه الحيلة ابنه الصايع لان المحضر معمول ضدة بأسمة زي ........* وعينه بتطق شرار نحيتنا ، ولا عبرته ودخلت شكرت الناس والامين واصحاب اخو الصايع دا ومشيت
مكنتش اتوقع الحقد والبلطجة وقله ادب وعدم ضمير توصل للإذية كدا بس انا خدت حقي وعشان يربي ابنه بعد كدا ان مال الناس مش سهل
رقم العضوية : 17074
تاريخ التسجيل : 24Aug2008
المشاركات : 922
النوع : ذكر
الاقامة : egypt
السيارة: Nubira II
السيارة[2]: Nissan Sunny N16
دراجة بخارية: لا
الحالة :
الله يصبرك و يعينك على ما ابتلاك و يعيننا كلنا على ما نراه من تصرفات غير أخلاقية من معظم الشعب المصري
رقم العضوية : 602
تاريخ التسجيل : 12May2007
المشاركات : 796
النوع : ذكر
الاقامة : sharkia
السيارة: Lancer 99
السيارة[2]: Logan AT 2014
دراجة بخارية: no
الحالة :
الحمد لله انت خدت حقك عشان يتربي
م/محمود عساف
رقم العضوية : 55300
تاريخ التسجيل : 09Dec2009
المشاركات : 8,794
النوع : ذكر
الاقامة : مدينة العبور
السيارة: PROTON GEN2
السيارة[2]: ...
دراجة بخارية: no bike
الحالة :
احييك على هدوء اعصابك
الحمد لله على كل حال
eng f3lix سابقا
رقم العضوية : 58810
تاريخ التسجيل : 13Jan2010
المشاركات : 570
النوع : ذكر
الاقامة : طنطا
السيارة: hyndai accent 2006
السيارة[2]: Lanos 2001
دراجة بخارية: لا
الحالة :
اهم حاجة فعلا في اللحظة دي الثبات الانفعالي ، انا عايز اقولك انه حصل كمية من الاستفزاز من اصحاب المحلات اللي جمبة عشان اقلبها عركة ويبقي الموضوع خناقة بين طرفين والحق يروح .
بس الحمد لله كنا هاديين فعلا ولازم شوية برود خاصة وقت المحايلة والمطيبتيه اللي عايزين الدنيا تعدي وخلاص و الحمد لله القانون في البلد لسة فيه امل لانه بيبقي اخر حل ضد قلة ادب الناس من النوعية الضاله دي.. اللي عايزنها عافية وبالدراع .
رقم العضوية : 122723
تاريخ التسجيل : 05Apr2012
المشاركات : 159
النوع : ذكر
الاقامة : EGYPT
السيارة: nope
السيارة[2]: Ford
دراجة بخارية: لا
الحالة :
سيادتك وقعت مع ناس غلابة
رقم العضوية : 118517
تاريخ التسجيل : 01Jan2012
المشاركات : 420
النوع : ذكر
الاقامة : القاهرة
السيارة: لا
السيارة[2]: HONDA CIVIC 94
دراجة بخارية: لا
الحالة :
هوا فى كده!!
رقم العضوية : 19694
تاريخ التسجيل : 21Sep2008
المشاركات : 2,607
النوع : ذكر
الاقامة : Cairo
السيارة: FIAT 131
السيارة[2]: Toyota Yaris
دراجة بخارية: لا
الحالة :
رقم العضوية : 19694
تاريخ التسجيل : 21Sep2008
المشاركات : 2,607
النوع : ذكر
الاقامة : Cairo
السيارة: FIAT 131
السيارة[2]: Toyota Yaris
دراجة بخارية: لا
الحالة :
موقف صعب وبرافو عليك ..بس نصيحة حرص على عربيتك عشان أكيد معاهم رقمها ولو دفعوا 50 جنيه لواحد ماعندوش ضمير فى المرور ممكن يجيبوا بياناتها ويعملوا أى حاجة بدون اثبات عليهم
حضرتك لو محامى أكيد أدرى منى بكده
رقم العضوية : 58810
تاريخ التسجيل : 13Jan2010
المشاركات : 570
النوع : ذكر
الاقامة : طنطا
السيارة: hyndai accent 2006
السيارة[2]: Lanos 2001
دراجة بخارية: لا
الحالة :
شوف انا اتقالي الكلام دا امبارح
نفترض محصلش حاجة ، هصلح العربية علي حسابي و همشي المحضر وهيروح النيابة وهتبقي قضية وياخد فيها حبس
دي جريمة تخريب أملاك خاصة
ان شاء الله يتحبس يوم
قضية و حكم هتأذية بقيه عمره هو وعيلته كلها - بس الواحد ميقفش يتفرج علي بلطجة الناس
المفضلات