تسويد الكاوتش

**azmeralda** · 17-07-2012 10:10 PM

اشتريت سبراى كده عشان يرجع الكاوتش اسود زى ما كان بس مش عرفة استع مله ازاى اخلى الراجل يفك الكاوتش كله والزق ورق عالجنوط مثلا وبعدين ارشه ولا يفكها من الجنوط اساسا ولا ايه

كمان لما بتبدلوا الكاوتش عشان التآكل يكون متساوى بتنقلوا اللى ورا قدام وخلاص بنفس الترتيب؟؟

**azmeralda** · 18-07-2012 04:33 PM

حدش عارف؟؟

**windofchange** · 18-07-2012 06:57 PM

تبديل الكاوتش علي حسب نوع العربية ومكتوب ايه فالكتالوج الخاص بها ان وجد...... واعتقد سبراي الكاوتش مكتوب عليه يستخدم ازاي ومعتقدش هيضر البوية لو خايفة ابقي امسحي البوية بعدية بفوطة مبلولة يعني او جلانس بس اكيد هتستخدميه بعد غسيل الكاوتش بالمسدس فالبنزينة

**saddam** · 18-07-2012 09:50 PM

المشاركة الأصلية كتبت بواسطة azmeralda

اشتريت سبراى كده عشان يرجع الكاوتش اسود زى ما كان بس مش عرفة استع مله ازاى اخلى الراجل يفك الكاوتش كله والزق ورق عالجنوط مثلا وبعدين ارشه ولا يفكها من الجنوط اساسا ولا ايه

كمان لما بتبدلوا الكاوتش عشان التآكل يكون متساوى بتنقلوا اللى ورا قدام وخلاص بنفس الترتيب؟؟

سيدتي العزيزة ده سبراي منظف ويزيل أوساخ الكاوتش مجرد حضرتك غسلة خفيفة للكاوتش عادية وبعدين ترشيه عليه حيبقه زي فوم أبيض حيغطي الكاوتش حتسيبيه وهو ينشف لوحده ربع ساعة بكبيره نص ساعة حيطير كل الوساخة وحيسيب لمعة للكاوتش يرجعوا إسود فاحم ولا يوجد بوية خاصة بالكاوتشات إسود ولكن موجود لمحلات تعديل متخصصة بوية ألوان لتغيير لون الكاوتش من إسود تقليدي إلى أحمر أو أزرق والحاجات دي

**Medo.Malek** · 18-07-2012 10:24 PM

من غير فك الكاوتش ولا حاجة
بعد غسيل الكاوتش بالمياة و الصابون و ينشف
بترشيه على الكاوتش بشكل دائرى و بترشى من على بعد 5 سم او 10 سم و حاولى على قد ما تقدرى ما يسيلش منك عشان ما يلمش تراب و يبقى شكله مش ظريف

**azmeralda** · 19-07-2012 02:06 AM

شكرا يا جماعة
طب ما انا لو رشيته وهو راكب هيبقى لون جانبى بس والجزء اللى بيمشى على الأرض والجزء اللى فى الداخل هيفضل زى ما هو -صح؟

**Ahmed A Rahman** · 20-07-2012 11:59 AM

الجزء اللي بيمشي على الارض (المداس) ميترشش عليه منظف الكاوتش
لانه مادة شبة زيتيه بدل العربية ما تتزحلق
انا برضه على جنب الكاوتش منظر بس انما المداس حيفضل نفس اللون

بالنسبة لتبديل الكاوتش
الاثنين اللي قدام بيرجعوا زي ما هما ورا
يعني اللي ادام يمين ترجع ورا يمين
اللي ادام شمال ترجع ورا شمال

اللي ورا يطلعوا بالعكس
اللي ورا يمين تطلع ادام شمال
اللي ورا شمال تطلع ادام يمين

روحي بريدجستون وقولي عايزه اعمل Rotation
وهما حافظين الطريقة